gnnNTOTPO

PSALMS 93

Godtja dhuwala ŋurruŋuna walŋu ŋayinydja

93:1-5 (God is King)

1Yo, Garraynydja dhuwala buŋgawa ŋayi galŋu,

ŋunha nhinanydja ŋayi yukurra girri'yunydja dhaṯthunminyara dhika dhapirrkmirriyu, ḻatju'yu dhika walŋu;

Nhinanydja ŋayi yukurra ŋunha ŋuriŋi ganydjarryu, ganydjarr-ḏumurruyu walŋu dhika giṯthunamiriwyu.

Ŋayi ŋunhi Garrayyu djämanydja dhuwala wäŋanha munatha'nhanydja,

ga nherraranydja ŋayi giṯmaranhamiriw yana galŋu,

yakana ŋayi yurru giṯthun bala ga lili bitjan.

2Garray, beŋuru liŋgu ŋurruŋuru nhe yukurrana nhinananydja buŋgawa walŋu, ŋurruŋu nhe,

ga bitjan liŋgu walŋa yana nhe yulŋunydja.

3Ŋunha gapu moṉuktja ganydjarr-ḏumurru walŋu,

ga ŋunha dhaḻawan yukurra galkirri ŋunha munatha'lili be rirrakayyu walŋu bathalayu ŋanya.

4Yurru Garraynydja walŋu biyapul warray, be-wala ŋurikalayinydjayi gapuwalanydja;

Ŋuriŋi nhanukalanydja ganydjarryu bitjan ŋayi yukurra gäma dhuwala munatha'nha waŋanha warrpam'thun yana,

ŋayinydja biyapul galŋu ganydjarr-ḏumurru ŋayi ŋurikalanydja he bathala-wala ḏowuwalanydja.

5Yo, Garrayyunydja nherrara ŋunhi romdja, ŋunhi ŋayi yurru dhärra yukurra yana mukthun, djambimiriw nhämiriw.

Garray, nhuŋunydja ŋunhi waŋa biyapul warray walŋu dhuyu, ḏarrtjalk warray,

ganaŋ'thun yukurra ŋuliŋuru yätjkalanydja,

bitjanna liŋguna dhärra yurru yukurra gupaḏalnha-wala.