gnnNTOTPO

DEUTERONOMY 21

Ḻakarama yukurra wiripu ga wiripu rom malanha

21:1—25:10 (Various Laws)

1-21Yo, wiripunydja ŋayi Mawtjitjthu guyaŋinyamirriyaŋala waŋana yolŋu'-yulŋunha, ḻakaraŋala wiripu ga wiripu malanha rom, ŋunhi ŋayi Godthu nherrara walalaŋgu, balanyara rom malanha gam':

22-23Ŋunhi nhuma yurru yolŋunha buma murrkayny'tja, liŋgu djäma ŋayi yukurrana yolŋuyu yätjkuŋala dhika walŋu, ga ŋayi yurru ŋunhi rumbalnydja yukurra gorrumana yana dharpaŋura mälakmaranharawuyŋurana, yakana ŋayi yurru ŋunhiyi rumbal yukurra baḏaktja gorruma dharpaŋuranydja ŋunhiliyi ŋuliwitjan munha-ŋupandja. Nhumanydja yurru ŋunhi nhäŋa, bala yupmaraŋana rumbalnydja, ga gäŋa dhalkaranharawuna ŋuriŋi yana liŋgu waluyunydja, liŋgu ŋunhiyinydjayi yolŋu yätjnha ŋayi yana, ŋunhi ŋayi ŋuli rakunydhirri dharpaŋura, ga dhä-ḏir'yunarana ŋayi ŋuli yukurra ŋuriŋiyinydja märrama ŋulaŋuru Godkuŋuna. Waḏutja ŋunhiyi yolŋunha yana rumbalnydja dhalkaraŋa munatha'lilinydja, märr yurru ŋayi ŋunhi wäŋa yaka yätjthirri ŋuriŋiyi.