gnnNTOTPO

DEUTERONOMY 1

Dhiyaŋunydja-wala marrtjiya, bala märraŋana yana ŋunhiyi wäŋa Godkuna

1:1-8 (It is time to go in and possess the land)

1-5Dhuwalana malanha ŋunhi dhäruktja ŋunhi ŋayi Mawtjitjthu waŋana yukurrana ḻakaraŋala bukmakku ŋurikiyi Yitjuralpuyŋuwu yolŋu'-yulŋuwu, ŋunhi walala yukurrana nhinana ŋunhala ŋanhdharkŋura wäŋaŋura wiraŋŋura, dhimurruŋura galiŋura Djodanŋura mayaŋŋura. Yo, 40-na dhuŋgarranydja liŋguna djuḻkthurruna ŋuliŋurunydja ḏaykunŋuru ŋunhi walala gonha'yurrunana Yetjip wäŋa, ga ŋunhiliyinydja wäŋaŋura walala yukurrana nhinana, galkurruna yukurrana marrtjinyarawu gulŋiyinyarawuna bala Gaynanlilina. Bala ŋayi Mawtjitjthu ḻakaraŋala yukurrana bitjarrana walalambala, dhunuk-dhunukmirriyaŋalana Godku romnha malanha. 6Ŋayi waŋananydja bitjarra, “Ŋunhala ŋunhi bukuŋuranydja Djäniyanydja yäkuŋura Garrayyu ŋilimurruŋgala Godthu waŋana bitjarra, ‘Dhiyalanydja bukuŋura ŋunhi nhuma yukurrana nhinana märr-weyinnha. 7Gonha'yurrana dhuwalayi wäŋanhanydja, ga marrtjiya mukthurrana-wala yana. Wekaŋalanydja ŋarra ŋunhi ŋunhiyinydja wäŋa Gaynanbuynydja nhumalaŋguway, bukmak ŋunhi ŋarra dhawu'-nherrara yukurrana ŋäthili nhumalaŋgalaŋuwala märi'muwala. 8Ŋunhiyi wäŋanydja nhumalaŋguway yana. Marrtjiyana-wala. yana, bala gulŋiyiyana ŋunhiwalayi wäŋalilinydja. Djaw'yurrana yana ŋuliŋuruyi miriŋuwalanydja, bala nhiniyana wäŋaraŋana yukirriya, märr yurru ŋunhiyi wäŋanydja goŋŋura nhumalaŋgalaynha yana.’” Ga bitjarra ŋayi yukurrana God waŋananydja.