gnnNTOTPO

PSALMS 130

Märrliliyaŋa Garraywala

130:1-8 (A prayer for help)

1Garray, guŋga'yurra ŋarranha,

liŋgu ŋarra dhuwala ŋayaŋu-ḏaḏawyunna yukurra.

2Ŋäka ŋarranha rirrakaynydja, Garray,

ga guŋga'yurrana go.

3Ŋunhi bini nhe bothurrunydja ŋanapurruŋgu yätjtja rom malanha,

nhe bini ŋanapurrunha bukmaknha murr'maranha,

4Yurru nhenydja bäy-ḻakarama warray ŋuli ŋanapurruŋgu,

märr yurru ŋanapurru borrk-barrarirri nhuŋu,

bala märramana yurru nhuŋu dhäruk.

5Ŋe. Bulnha ŋarra yurru galkun gatjpu'yun yukurra nhanŋu Garraywu.

Ŋarranydja yukurra märr-yuwalkthirri dhärukku nhanŋu,

Yuwalk ŋayi yurru ŋarranha guŋga'yundja.

6Yo, galkundja ŋarra ŋuli yukurra Garraywu,

bitjandhi liŋgu bitjan yolŋu ŋuli nhina marrtji bira'yun dhukarr-nhämana munha-ŋupan,

yana liŋgu ga wäŋa ŋuli djaḏaw'yun.

7Nhuma Yitjuralpuynydja yolŋu'-yulŋu, biyakayi märr-nherraṉmiya Garraywala.

liŋgu ŋayaŋu-ŋamathinyara nhanŋunydja ḻatju'na dhikana, djambimiriwnha.

Dhunupana ŋayi yurru nhuna guŋga'yunna,

yakana yurru ŋayi waŋa nhuŋu yaka'yundja.

8Ŋayi yurru yana yätjtja dhuwurr warrkuḻumana nhanukalaŋuwala miṯtjiwalanydja,

walŋakumana yurru walalanha dhawaṯmarama ŋula yolkala goŋŋuru.