gnnNTOTPO

PSALMS 67

Buku-wekama yukurra

67:1-7 (A song of thanksgiving)

1Gunhu' Waŋarr, ŋayaŋu-wuyurra ŋanapurruŋgu;

Nhäŋanydja ŋanapurrunha nhe yurru yukirriya goyulŋu'yu dhika walŋu yana,

ga gäŋa ŋanapurrunha yukirriya goŋmirriyaŋa dhika walŋu,

2märr yurru ŋuruŋu wiripuŋuyunydja bäpurru'yu yolŋu'-yulŋuyu nhämana nhuŋu ḻatjuny'tja rom;

Walala yurru nhämana, bala marŋgithirrina,

ŋunhi nheŋga dhuwala waŋarr walŋakunharamirrinydja.

3God milkunhamiyana nhunapinyay nhe ŋurukala wiripuwurruŋgalanydja bäpurru'wala,

märr yurru walala wokthun yukurra nhuŋuwaynha;

Bukmaknha yana yurru yolŋu'-yulŋu buku-ŋal'yun yukurra nhuŋuwaynha yanana.

4Walala yurru ŋayaŋu-ŋamathirrina, ga miyamanna ŋayaŋu-djulŋithinyarayuna dhikana,

liŋgu nhenydja dhuwala rom-dhunupa warray Waŋarr, garrkuḻuk warray,

ga gämanydja nhe yukurra bukmaknha yolŋunha miṯtjinha yuwalkkuma dhika walŋu.

5God milkunhamiyana nhunapinyay nhe ŋurukala wiripuwurruŋgalanydja bäpurru'wala,

märr yurru walala wokthun yukurra nhuŋuwaynha,

bukmaknha yana yurru yolŋu'-yulŋu buku-ŋal'yun yukurra nhuŋuwaynha yana.

6Yo, wäŋanydja dhuwala marrtji borum-mäypamirriyirrina,

liŋgu ŋayipi Gunhu'yu Godthu ŋilimurrunha yukurra gäma goŋmirriyamanydja.

7Wirrkina dhikana ŋayi ŋayaŋu-ŋamathirri yukurra ŋilimurruŋgu;

Bukmaknha dhika yolŋu birrka'mirriŋurana wäŋaŋura yurru märr-ŋal'yun yukurra nhanŋu Garraywunydja.