4Ŋunhi ŋuli buliki'yu marrtji djäma muŋdhu'-muŋdhun ŋatha malanha, barrkuwatjkuma marrtji ŋuliŋuru dhukunŋurunydja, yaka ŋanya dhänydja ḏapmaraŋa. Gonha'yurra yana ŋanya, märr ŋayi yurru ḻuka marrtji ŋatha ŋuliŋuruyi.
5-6Ŋuli yurru maṉḏa yukurra märrma' gutha'manydji nhina waŋganyŋura wäŋaŋura, ga waŋganydja yurru rakunydhirrina yothumiriw yana, bala ŋayi yurru ŋuriŋiyi gutha'mirriŋuyunydja märrama rakunygunydja ŋurikiyinydjayi dhäykanha, märr yurru ŋayi yothu märrama ŋurikiyi rakunygu yolŋuwu dhuway'mirriŋuwu.
Ga guḻku' mirithirri wiripunydja malanha rom ŋunhi ŋayi Godthu gurrunhara nhanukalayŋuwu ŋayi yolŋu'-yulŋuwu, bitjarra marŋgikuŋala marrtjina, märr yurru walala yaka djarrpi'thirri walalaŋguway walala, märr yurru ŋunhiyi wäŋa dhärra yukurra ḻatju' dhika walŋu, marimiriw ŋula nhämiriw.