AKS

عَننَبِ سَكَرِ 9

سِ فبّتّيٍ شَ كِيتِ

1عَلَتَلَ بَرَ مَسٍنيِ شْرْشْي تِ

شَدَرَكِ شَ بْشِ شَ قٍ رَ.

نَ مَسٍنيِ بَرَ دَ مَسِ تَا قَن لِ.

عَلَتَلَ فبٍ نَن عَدَ مَدِ بِرِن نَ،

عِسِرَيِلَ بْنسْييٍ قَن عَ فبٍ.

2نَ مَسٍنيِ بَرَ شَمَتَ تَا لِ،

نَشَن نَ دَ مَسِ نَانِنيِ مَبِرِ.

عَ بَرَ تِرٍ نُن سِدْن قَن لِ،

هَلِ لْننِلَيٍ نَن تٌ عٍ رَ.

3تِرٍ بَرَ تَا مَكَنتَشِ تِ،

عَ شَ فبٍتِ بَرَ فبٌ عَلْ مّيّنيِ،

عَ شَ شّيمَ بَرَ فبٌ عَلْ بٌورَ.

4كْنْ مَرِفِ نَ بِرِن بَمَ نّ عَ يِ،

عَ عَ شَ تّتّ رَدِن بَا مَ، عَ قَ تَا فَن.

5عَسِكَلْن نَ نَ تٌ،

عَ قَن لُمَ نّ فَاشُي كُي.

فَسَ نُن عٍكِرٌن قَن فَاشُمَ نّ،

عٍ سّرّنمَ نّ بَرِ مَ عٍ شَ شُننَكٍلِ بَرَ قِندِ يَافِ رَ.

فَسَ مَنفّ قَشَمَ نّ،

مِشِ يٌ مُ لُمَ عَسِكَلْن سْنْن.

6سِ مَسُنبُشِ قَمَ نّ سَبَتِدٍ عَسِدٌدِ.

«ﭑ قِلِسِتَكَيٍ شَ يّتّ عِفبٌحَ رَفٌرٌ مَ نّ.

7ﭑ قَشّ تِقٍ حْنمَ نّ مّننِ.»

حَمَ دْنشْي قَمَ نّ بِرَدٍ مُشُ مَرِفِ عَلَ قْشْ رَ.

عٍ سَبَتِمَ نّ يُدَيَ شَبِلّيٍ يَ مَ.

عٍكِرٌن لُمَ نّ عَلْ يٍبُسُ.

8«ﭑ نَ ﭑ مَ بَنشِ كَنتَ مَ نّ،

عَلَكٌ سْورِ فَلِ يٌ نَشَ عَ كَنَ.

نَشَن قَمَ، نَشَن دَنفِمَ،

عٍ مُ نْمَ سٍسٍ رَ،

بَرِ مَ يَكْسِ ﭑ حّنفِ سَشِ عَ شْن مَ.»

9سِيٌنكَيٍ، وٌ شَ حّلّشِن.

دَرِ سَلَمُكَيٍ، وٌ شَ وٌ شُي عِتٍ سّيوّ كُي.

وٌ شَ مَنفّ نَ قَقٍ وٌ يِرٍ.

عَ تِنشِن. عَ كِسِشِ.

عَ مُ عَ يّتّ عِفبٌمَ،

عَ سٌمَ تَا كُي سٌقَلٍ نَن قَرِ،

سٌقَلٍ شّمّمَ، سٌقَلٍ فِنّمَ شَ دِ.

10«ﭑ سْورِ رَفِسٍ بَمَ نّ عٍقِرَ مِ بْشِ مَ،

ﭑ سٌييٍ بَمَ نّ دَرِ سَلَمُ.

فٍرٍ سٌ شَلِيٍ مُ لُمَ نَا.»

عَ بْحّسَ نَن مَسٍنمَ سِيٍ بّ.

عَ شَ مَنفّيَ شُنفبٌمَ نّ يِرٍ بِرِن،

كٍلِقٍ بَا شُنفبٍ مَ، عَ سَ دْشْ شُرٍ شُنفبٍ رَ.

11«ﭑ بَرَ وٌ شَ مِشِ سُشُشِيٍ شُن سَرَ

وٌن مَ سَاتّ شَ قٍ رَ

نَشَن شِرِشِ سّرّشّ وُلِ دَاشِ رَ.

عٍ نُ نَ قٍ شْرْشْي كُي،

عَلْ مِشِ نَشٍيٍ رَفٌرٌشِ كْلْنيِ ندٍ كُي، يٍ مُ نَ نَشَن كُي.

12وٌ شَ فبِلٍن تَا مَكَنتَشِ كُي،

وٌ تَن فٍيلِمَنِ نَشٍيٍ شَشِلِ تِشِ ﭑ نَ.

تٌ ﭑ شَ عَ قَلَ وٌ بّ،

ﭑ وٌ هَرِفٍ رَفبِلٍنمَ نّ وٌ مَ،

ﭑ مَن قَ عَ شُنمَسَ.

13يُدَيَ قِندِ مَ نّ ﭑ مَ شَلِ رَ.

عٍقِرَ مِ لُمَ نّ عَلْ ﭑ مَ تَنبّيٍ.

سِيٌنِكَيٍ قِندِ مَ نّ ﭑ مَ سْورِيٍ رَ

فِرّكِكَيٍ شِلِ مَ.

ﭑ مَ سَنتِدّفّمَ نَن عِ رَ.»

14عَلَتَلَ عَ يّتّ مَكّنّنمَ نّ عٍ بّ،

عَ شَ تَنبّ لُ عَلْ سٍيَمَكْنيِ.

مَرِفِ عَلَتَلَ سَرَ قٍمَ نّ،

عَ لُ عَلْ تُرُننَادّ.

15مَنفّ عَلَتَلَ عٍ مَكَنتَمَ نّ.

عٍ شَ فٍرٍ سٌسٍيٍ كَنَرِ رَبَمَ نّ،

عٍ وُلِ عِقِلِ عَلْ سّرّشّدُبّيٍ

نَشَن شُرُ سٍ كْن نَشَبَمَ،

عٍ قَ نَ وُلِ كَسَن سّرّشّبَدٍ مَ.

16عٍ مَرِفِ عَلَتَلَ عٍ رَكِسِمَ نّ نَ لْشْي،

عَلْ شُرُ سٍ دّ مَدٌنيِ عَ شَ شُرُ سٍيٍ كَنتَمَ كِ نَشّ.

عَلَ شَ حَمَ لُمَ نّ عَلْ دِيَمَن نَشَن يَنبَمَ بْشِ مَ.

17عٍ تٌقَنمَ نّ، عٍ رَيَبُ.

بَلٌي قَنيِ سّفّتَلَيٍ شُنفبٌمَ نّ،

مِنسٍ قَنيِيٍ سُنفبُتُنيِيٍ رَيَبُ.