AKS

كْنتِ تِقٍ 3

سّرّشّدُبّيٍ

1هَرُنَ نُن مُنسَ شَ تَرُشُي نَن يَ، عَلَتَلَ تٌ وْيّن مُنسَ بّ تُرُ سِنِنَ فٍيَ مَ. 2هَرُنَ شَ دِ شّمّيٍ شِلِيٍ نَن يِ كِ؛ عَ شَ دِ شّمّ سِنفٍ نُ شِلِ نّ نَدَبٌ، عَ شُنيَيٍ، عَبِهُ، عٍلٍيَسَرِ، نُن عِتَمَرِ. 3نٍيٍ نَن سُفَندِشِ عٍ شَ قِندِ سّرّشّدُبّيٍ رَ. 4كْنْ نَدَبٌ نُن عَبِهُ نَشَ قَشَ عَلَتَلَ يَ عِ عٍ تٌ سّرّشّ فَن تّ رَ نَشَن مُ لَنشِ. عٍ مُ دِ يٌ سْتْ، كْنْ عٍلٍيَسَرِ نُن عِتَمَرِ نَشَ لُ سّرّشّدُبّحَ كُي عٍ بَبَ هَرُنَ شَ يَامَرِ بُن مَ.

5عَلَتَلَ نَشَ عَ مَسٍن مُنسَ بّ، 6«عِ شَ لٍوِ بْنسْي مَسٍن هَرُنَ بّ، عٍ شَ عَ مَلِ عَ شَ سّرّشّدُبّ وَلِ كُي. 7عٍ شَ هَرُنَ نُن عِسِرَيِلَ حَمَ مَلِ هْرْ مْلِنفِرَ وَلِ كُي. 8عٍ شَ عٍ حْشْ سَ هْرْ مْلِنفِرَ رَشُنمَسٍيٍ شْن نَ، عٍ مَن شَ هْرْ مْلِنفِرَ وَلِ رَبَ عِسِرَيِلَكَيٍ بّ. 9نَ كُي عِ لٍوِ بْنسْي سَمَ هَرُنَ نُن عَ شَ دِ شّمّيٍ نَن سَفٌ. عٍ سُفَندِشِ عِسِرَيِلَكَيٍ يَ مَ هَرُنَ مَلِقٍ نَن نَ. 10عِ شَ هَرُنَ نُن عَ شَ دِيٍ نَن تُن تِ سّرّشّدُبّ وَلِ رَبَقٍ رَ. شَ مِشِ فبّتّ سَ عَ مَسٌ هْرْ مْلِنفِرَ رَ، نَ كَنيِ شَ قَشَ.»

11عَلَتَلَ نَشَ عَ مَسٍن مُنسَ بّ، 12«ﭑ بَرَ لٍوِ بْنسْي سُفَندِ عِسِرَيِلَكَيٍ تَفِ عِسِرَيِلَ فِنّيٍ شَ دِ سِنفٍ بِرِن حْشْي رَ. نَ بْنسْي قِندِشِ ﭑ فبٍ نَن نَ، 13بَرِ مَ ﭑ فبٍ نَن نَ دِ شّمّ سِنفٍ بِرِن نَ. ﭑ تٌ دِ شّمّ سِنفٍ بِرِن قَشَ مِسِرَ بْشِ مَ، ﭑ نَشَ عِسِرَيِلَ دِ شّمّ سِنفٍ بِرِن سُفَندِ ﭑ يّتّ بّ، عَ قِندِ مِشِ رَ، عَ قِندِ شُرُ سٍ رَ. ﭑ تَن نَن نَ عَلَتَلَ رَ.»

لٍوِ بْنسْي تّنفّقٍ

14عَلَتَلَ نَشَ عَ مَسٍن مُنسَ بّ تُرُ سِنِنَ فبٍنفبٍرٍنيِ مَ، 15«لٍوِ بْنسْي تّنفّ عَ دٍنبَيَ نُن عَ شَبِلّ كِ مَ. شّمّ بِرِن تّنفّمَ نّ نَشَن مَ سِمَيَ بَرَ كِكٍ كٍرٍن لِ.» 16مُنسَ نَشَ عٍ تّنفّ عَلْ عَلَتَلَ عَ يَمَرِ كِ نَشّ.

17لٍوِ شَ دِ شّمّيٍ شِلِيٍ نَن يِ كِ؛

فٍرِ سٌن، كٍهَتِ، نُن مٍرَرِ.

18فٍرِ سٌن شَ دِ شّمّيٍ شِلِيٍ نَن يِ كِ عَ شَبِلّ كِ مَ؛

لِبِنِ نُن سِمٍيِ.

19كٍهَتِ شَ دِ شّمّيٍ عَ شَبِلّ كِ مَ؛

عَمَرَ مَ، يِسٍهَرِ، شٍبِرٌن نُن يُسِيّلِ.

20مٍرَرِ شَ دِ شّمّيٍ عَ شَبِلّ كِ مَ؛

مَشَلِ نُن مُسِ.

لٍوِ شَبِلّ نَن نَ كِ عٍ شَ دٍنبَيَ كِ مَ.

21فٍرِ سٌن بْنسْي نُ نَ لِبِنِ سِمٍيِ شَبِلّ نَن نَ. 22نَشٍيٍ شَ سِمَيَ نُ بَرَ كِكٍ كٍرٍن لِ، عٍ شَسَبِ لَن مِشِ وُلُ سٌلٌقٍرٍ مِشِ كّمّ سُولِ نَن مَ. 23فٍرِ سٌن شَبِلّ نُ يٌنكِنمَ هْرْ مْلِنفِرَ نَن شَنبِ رَ سٌفٍفٌرٌدٍ مَبِرِ رَ. 24عٍ شُنيِ نُ نَ لَيّلِ شَ دِ شّمّ عٍلِيَسَقَ نَن نَ. 25فٍرِ سٌن شَ مِشِيٍ نُ عٍ حْشْي سَشِ هْرْ مْلِنفِرَ نَن شْن مَ، نُن مَقٍلٍنيِ نَشَن قٍلٍنمَ عَ شُن مَ، عَ نُن عَ سٌدٍ دّ رَ، 26عَ نُن كْلِمّ نَشٍيٍ نُ سَمَ هْرْ مْلِنفِرَ نُن سّرّشّبَدٍ رَبِلِنيِ مَ، عَ نُن نَ تّتّ سٌدٍ دّ رَ، عَ نُن لُوتِيٍ عٍ نَ مَشِرِ مَ نَشٍيٍ رَ.

27كٍهَتِ شَ مِشِيٍ نَن يِ كِ؛ عَمَرَ مَ شَبِلّ، يِسٍهَرِ شَبِلّ، شٍبِرٌن شَبِلّ، نُن يُسِيّلِ شَبِلّ. نَ شَبِلّيٍ نَن مِنِشِ عٍ بٍنبَ كٍهَتِ مَ. 28عٍ شَ دِ شّمّ نَشٍيٍ شَ سِمَيَ نُ بَرَ كِكٍ كٍرٍن لِ، عٍ شَسَبِ لَن مِشِ وُلُ سٌلٌمَسَشَن كّمّ سٍننِ نَن مَ. كٍهَتِ شَ مِشِيٍ نَن نُ مّينِمَ هْرْ مْلِنفِرَ مَ. 29عٍ تَن نُ يٌنكِنمَ هْرْ مْلِنفِرَ يِرٍقَنيِ مَبِرِ نّ. 30يُسِيّلِ شَ دِ شّمّ عٍلِسَقَن نَن نُ نَ عٍ شُنيِ رَ. 31هْرْ مْلِنفِرَ سَاتّ كَنكِرَ، تٍيبِلِ، لَنثُييٍ، سّرّشّبَدٍيٍ، يِرَبَسٍ نَشٍيٍ رَوَلِمَ يِرٍ سّنِيّنشِ كُي، نُن دُفِ يَرَ سَ نَشَن نَ هْرْ مْلِنفِرَ كُي، عٍ نُ تَشُشِ عٍ تَن نَن نَ. 32لٍوِ بْنسْي بِرِن شُنيِ نُ نَ هَرُنَ شَ دِ شّمّ عٍلٍيَسَرِ نَن نَ. عَ تَن نَن نُ لٍوِ بْنسْي مِشِيٍ شُن مَ، نَشٍيٍ مّينِمَ هْرْ مْلِنفِرَ مَ.

33مٍرَرِ شَ مِشِيٍ نَن يِ كِ؛ مَشَلِ شَبِلّ نُن مُسِ شَبِلّ. 34عٍ شَ دِ شّمّ نَشٍيٍ شَ سِمَيَ نُ بَرَ كِكٍ كٍرٍن لِ، عٍ شَسَبِ لَن مِشِ وُلُ سٍننِ كّمّ قِرِن نَن مَ. 35عَبِشَيِلِ شَ دِ شّمّ سُرِيٍلِ نَن نُ نَ مٍرَرِ شَبِلّيٍ شُنيِ رَ. عٍ نُ يٌنكِنمَ هْرْ مْلِنفِرَ كْولَ مَبِرِ نّ. 36هْرْ مْلِنفِرَ شٍبٍنيِيٍ، عَ وُرِ كُيٍيٍ، عَ كْنتِفِبَيٍ، عَ سَنبُنيِيٍ، عَ شَ يِرَبَسٍ، نُن عَ رَوَلِسٍيٍ نُ تَشُشِ عٍ تَن نَن نَ. 37عٍ مَن نُ عٍ حْشْ سَمَ كْنتِفِبَيٍ شْن مَ نَشٍيٍ نُ هْرْ مْلِنفِرَ تّتّ رَبِلِنشِ، عَ نُن عٍ سَنبُنيِيٍ، عٍ شَ كْرِدِيٍ، نُن عٍ شَ لُوتِيٍ.

38مُنسَ، هَرُنَ، نُن عَ شَ دِ شّمّيٍ نُ يٌنكِنمَ هْرْ مْلِنفِرَ سٌدٍ دّ نَن نَ سٌفٍتٍدٍ مَبِرِ. عٍ تَن نَن نُ عٍ حْشْ سَمَ هْرْ مْلِنفِرَ شْن مَ عِسِرَيِلَكَ بِرِن شِلِ رَ. شَ مِشِ فبّتّ سَ عَ مَسٌ هْرْ مْلِنفِرَ رَ، نَ كَنيِ شَ قَشَ. 39لٍوِ بْنسْي دِ شّمّ نَشٍيٍ شَ سِمَيَ نُ بَرَ كِكٍ كٍرٍن لِ، عٍ شَسَبِ لَن مِشِ وُلُ مْشْحّن نُن قِرِن نَن مَ. مُنسَ نُن هَرُنَ نُ بَرَ عٍ تّنفّ عٍ شَبِلّ كِ مَ عَلْ عَلَتَلَ عٍ يَمَرِ كِ نَشّ.

40عَلَتَلَ نَشَ عَ مَسٍن مُنسَ بّ، «دِ شّمّ سِنفٍ بِرِن تّنفّ عِسِرَيِلَكَيٍ يَ مَ، نَشٍيٍ سِمَيَ بَرَ كِكٍ كٍرٍن لِ، عِ شَ عٍ شِلِيٍ سّبّ. 41لٍوِ بْنسْي شَ قِندِ عِسِرَيِلَ دِ شّمّ سِنفٍ بِرِن حْشْي رَ. لٍوِ بْنسْي شَ فْورّ شَ قِندِ عِسِرَيِلَكَيٍ شَ شُرُ سٍيٍ دِ سِنفٍيٍ حْشْي رَ. ﭑ تَن نَن نَ عَلَتَلَ رَ.» 42مُنسَ نَشَ عِسِرَيِلَ دِ شّمّ سِنفٍ بِرِن تّنفّ عَلْ عَلَتَلَ عَ يَمَرِ كِ نَشّ. 43عِسِرَيِلَ دِ شّمّ سِنفٍ بِرِن نَشٍيٍ شَ سِمَيَ بَرَ كِكٍ كٍرٍن لِ، عٍ شَسَبِ لَن مِشِ وُلُ مْشْحّن نُن قِرِن مِشِ كّمّ قِرِن تٌنفٌ سٌلٌقٍرٍ نُن سَشَن نَن مَ.

44عَلَتَلَ نَشَ عَ مَسٍن مُنسَ بّ، 45«لٍوِ بْنسْي شَ قِندِ عِسِرَيِلَ دِ شّمّ سِنفٍ بِرِن حْشْي رَ. لٍوِ بْنسْي شَ فْورّ شَ قِندِ عِسِرَيِلَكَيٍ شَ شُرُ سٍيٍ دِ سِنفٍيٍ حْشْي رَ. ﭑ تَن نَن نَ عَلَتَلَ رَ. 46نَ عِسِرَيِلَ دِ شّمّ سِنفٍ مِشِ كّمّ قِرِن تٌنفٌ سٌلٌقٍرٍ نُن سَشَن نَشٍيٍ شَسَبِ دَنفِ لٍوِ بْنسْي كْنتِ رَ، 47عِ شَ كَنكَن شُن سَرَ فبٍتِ فِرَ مُ تٌنفٌ سُولِ نُن سٌلٌقٍرٍ رَ نَشَن مْولِ رَوَلِمَ هْرْ مْلِنفِرَ كُي. 48عِ شَ نَ فبٍتِ سٌ هَرُنَ نُن عَ شَ دِ شّمّ يِ رَ، دِ سِنفٍيٍ شُنسَرٍ رَ نَشٍيٍ شَسَبِ نُ دَنفِ لٍوِ بْنسْي شَسَبِ رَ.» 49مُنسَ نَشَ نَ فبٍتِ سُشُ نَشَن قِشِ دِ سِنفٍيٍ شُنسَرٍ شَ قٍ رَ، نَشٍيٍ شَسَبِ نُ دَنفِ لٍوِ بْنسْي شَسَبِ رَ. 50عَ نَشَ نَ فبٍتِ كِلٌ قُ نُن سُولِ نُن عَ تَفِ رَ سُشُ عِسِرَيِلَ دِ سِنفٍيٍ يِ رَ. فبٍتِ نَن عَ رَ نَشَن نُ رَوَلِمَ هْرْ مْلِنفِرَ كُي. 51مُنسَ نَشَ نَ شُنسَرٍ فبٍتِ سٌ هَرُنَ نُن عَ شَ دِ شّمّيٍ يِ رَ عَلْ عَلَتَلَ عَ يَمَرِ كِ نَشّ.