عَلَ شَ حَمَ
1وٌ شَ قٍ حَاشِ، وُلٍ، قِلَنكَقُيحَ، مِلَنتٍيَ، نُن شِلِ كَنّ بّحِن. 2وٌ شَ بِرَ عَلَ شَ مَسٍنيِ قْشْ رَ عَلْ دِيْرّ وَ مَ شِحّ شْن كِ نَشّ. نَ نْمَ عَ نِيَدٍ وٌ شَ كِسِ شَ سَبَتِ، 3بَرِ مَ وٌ بَرَ عَلَ شَ هِننّ كٌلٌن.
4وٌ وٌ مَكْرّ عِسَ رَ نَشَن مِسَالِشِ فّمّ كّندّ رَ بَنشِ تِمَ نَشَن قَرِ. عَدَ مَدِيٍ بَرَ مّي عَ رَ، كْنْ عَلَ تَن نَ فّمّ نَن سُفَندِشِ بَرِ مَ عَ رَقَن عَ مَ كِ قَنيِ رَ. 5وٌ قَن مِسَالِشِ فّمّ كّندّيٍ نَن نَ نَشٍيٍ تِشِ عَلَ شَشِلِ شَ بَنشِ رَ. وٌ بَرَ قِندِ سّرّشّدُبّ سّنِيّنشِيٍ رَ عَلَكٌ وٌ شَ وٌ بْحّ بَ سّرّشّ رَ عَلَ شَ مِشِ سُفَندِشِ عِسَ سَابُي رَ. نَ نَن نَقَن عَلَ مَ.
6عَ سّبّشِ كِتَابُي كُي،
«ﭑ بَرَ فّمّ ندٍ سُفَندِ، نَشَن تِدٍ فبٌ.
ﭑ عَ دْشْمَ سِيٌنِ نّ، عَ قِندِ تُشُي فّمّ نَن نَ.
نَشَن لَمَ عَ رَ،
نَ كَنيِ مُ يَافِمَ.»
7وٌ تَن نَشٍيٍ دَنشَنِيَشِ، نَشٍيٍ لَمَ عَ رَ عَ نَ فّمّ سُفَندِشِ تِدٍ فبٌ، شُننَكٍلِ نَ وٌ بّ. كْنْ يِ مَسٍنيِ سّبّشِ دَنشَنِيَتَرٍيٍ نَن بّ،
«بَنشِتِيٍ مّي فّمّ نَشَن نَ،
نَ نَن قِندِشِ فّمّ كّندّ رَ بَنشِ تُشُي مَ.»
8عَ مَن مَسٍنشِ،
«مِشِيٍ عٍ سَنيِ رَدِنمَ نَ فّمّ رَ، عٍ قَ بِرَ.»
عٍ بِرَ مَ نّ بَرِ مَ عٍ مُ تِنمَ عَلَ شَ مَسٍنيِ رَتِنمّدٍ. عَلَ بَرَ نَ رَفِرِ عٍ مَ. 9كْنْ عَلَ وٌ بْنسْي نَن سُفَندِشِ، عَ شَ قِندِ مَنفّ شَ سّرّشّدُبّيٍ رَ. عَ وٌ سِ رَ سّنِيّن، عَ وٌ شُنسَرَ. عَ نَشَ وٌ رَ مِنِ دِ مِ كُي، وٌ شَ لُ عَ شَ نْرّ بُن مَ. عَ نَ بِرِن نَبَ نّ عَلَكٌ وٌ شَ عَ مَتْشْ دُنِحَ مَ. 10سِنفٍ وٌ مُ نُ قِندِشِ سِ رَ، كْنْ يَكْسِ وٌ بَرَ قِندِ عَلَ شَ حَمَ رَ. سِنفٍ عَلَ مُ نُ كِنِكِنِشِ وٌ مَ، كْنْ يَكْسِ عَ شَ كِنِكِنِ بَرَ كَمَلِ وٌ بّ.
11ﭑ شَنُنتٍنيِيٍ، وٌ شَ لِمَنِيَ. وٌ نَشَ بِرَ دُنِحَ قٍيٍ قْشْ رَ، بَرِ مَ نٍيٍ وٌ بَمَ عَلَ شَ كِرَ نَن شْن مَ. بٍكَيٍ مُ نَ وٌ رَ. وٌ شْنيِ مُ نَ يِ دُنِحَ بّندّ قُحِ قَرِ شَ رَ. 12وٌ شَ دُنِحَ مِشِيٍ شَ تْوحّفّ شُن نَكَنَ وٌ شَ وَلِ قَنيِ سَابُي رَ، عَلَكٌ عٍ قَن شَ عَلَ مَتْشْ لْشْي دْنشْي مَ.
مَنفَسَنيِ
13وٌ وٌ يّتّ مَفٌرٌ دُنِحَ مَنفّ بِرِن بّ مَرِفِ شَ قٍ رَ. يَامَرِ سٌشِ عٍ تَن نَن يِ، عَ قِندِ مَنفّ شُنفبٍ رَ، 14عَ قِندِ مَنفّ شَ شّيرَيٍ رَ، عَلْ فٌمِنَ. عٍ قٍ كٌبِ رَبَيٍ مَكِيتِمَ، عٍ قٍ قَنيِ رَبَيٍ مَتْشْ. 15عَلَ وَ مَ نّ وٌ شَ شَشِلِتَرٍيٍ دّ بَلَن وٌ شَ وَلِ قَنيِ سَابُي رَ. 16وٌ شَ حّرّ عَلْ مِشِ نَشٍيٍ بَرَ شْرّيَ سْتْ، كْنْ نَ شْرّيَ نَشَ عَ نِيَ وٌ شَ لُ قٍ حَاشِ كُي. وٌ شَ قِندِ عَلَ شَ كٌنيِيٍ رَ. 17وٌ شَ مِشِ بِرِن بِنيَ. وٌ شَ وٌ نفَشَكٍرٍنيِيٍ شَنُ. وٌ شَ فَاشُ عَلَ يَ رَ. وٌ شَ مَنفّ شُنفبٍ بِنيَ.
عِسَ شَ تْورّ مِسَالِ
18كٌنيِيٍ، وٌ شَ وٌ يّتّ مَفٌرٌ وٌ مَرِفِيٍ بّ بِنيّ كُي، هَلِ عٍ قِندِ مِشِ شَ قٍ مَشْرْشْشِ رَ. وٌ نَشَ مِشِ قَنيِيٍ شَ فبَنسَن شُي رَتِنمّ، 19بَرِ مَ قٍ قَنيِ نَن عَ رَ تِنقٍ عٍ شَ عِ تْورْ تِنشِنتَرٍيَ رَ عَلَ شَ قٍ رَ. 20شَ وٌ تْورّ ندٍ سْتْ وٌ شَ وَلِ كٌبِ شَ قٍ رَ، قٍ قَنيِ مُ عَ رَ. كْنْ شَ وٌ تْورّ ندٍ سْتْ وٌ شَ قٍ قَنيِ شَ قٍ رَ، عَلَ نَ كٌلٌنمَ نّ وٌ بّ.
21وٌ شِلِشِ نَ نَن مَ، بَرِ مَ عِسَ قَن تْورْ نّ وٌ بّ، نَ قَ قِندِ مِسَالِ رَ وٌ بّ وٌ بِرَ مَ نَشَن قْشْ رَ. 22«عَ مُ يُنُبِ رَبَ، عَ مُ وُلٍ قَلَ.» 23عٍ تٌ عَ كٌنبِ، عَ مُ عَ فبٍحْشْ. عٍ تٌ عَ تْورْ، عَ مُ وْيّن شْرْشْي قَلَ. عَ نَشَ كِيتِ سٌ كِيتِسَ تِنشِنشِ يِ رَ. 24عَ نَشَ قَشَ وُرِ مَفَلَنبُشِ مَ وٌن مَ يُنُبِيٍ شَ قٍ رَ، عَلَكٌ وٌن شَ قٍ حَاشِ لُ نَ، وٌن شَ حّرّ تِنشِنيِ كُي. عَ شَ قِيٍ نَن وٌ رَيَلَنشِ. 25وٌ نُ لُشِ نّ عَلْ شُرُ سٍ رَبّحِنشِيٍ، كْنْ يَكْسِ وٌ بَرَ فبِلٍن وٌ كَنتَمَ مَ، نَشَن عَ حْشْ سَشِ وٌ نِي شْن مَ.