AKS

لٍوِ سّرّشّدُبّ 2

سَنسِ شْرِ سّرّشّ

1«شَ مِشِ وَ مَ سّرّشّ بَقٍ ﭑ تَن عَلَتَلَ بّ نَشَن قِندِشِ سَنسِ شْرِ رَ، عَ شَ عَ لُشُتَ عَ قَنيِ رَ. عَ شَ تُرٍ سَ عَ قَرِ، عَ سُرَيِ قَن سَ تُرٍ قَرِ. 2عَ شَ نَ سٌ هَرُنَ شَ دِ سّرّشّدُبّيٍ يِ رَ. سّرّشّدُبّ ندٍ شَ سَنسِ شْرِ لُشُتَشِ بّلّشّ يَ كٍرٍن كْ، تُرٍ سَشِ نَشَن قَرِ، عَ نُن سُرَيِ، عَ شَ عَ سَ تّ عِ. نَ شَ فَن ﭑ تَن عَلَتَلَ بّ، عَ شَ قِندِ تْنشُمَ رَ نَ سّرّشّ بِرِن شَ قٍ رَ. سّرّشّ فَن دَاشِ نَ عَ رَ نَشَن شِرِ رَقَن ﭑ تَن عَلَتَلَ مَ. 3سَنسِ شْرِ لُشُتَشِ نَشَن لُشِ نَا قِندِ مَ هَرُنَ نُن عَ شَ دِيٍ نَن فبٍ رَ. عَ سّنِيّن بَرِ مَ عَ بَشِ سّرّشّ فَنشِ نَن نَ نَشَن بَشِ ﭑ تَن عَلَتَلَ بّ.»

4«شَ مِشِ وَ مَ سّرّشّ بَقٍ ﭑ تَن عَلَتَلَ بّ نَشَن قِندِشِ تَامِ فَنشِ رَ، عَ شَ نَ يَءِلَن سَنسِ شْرِ لُشُتَشِ رَ لّبِنِ مُ نَ نَشَن شُن. تُرٍ شَ مَسُنبُ نَ قَن نَ. تَامِ لّبِنِتَرٍ شُنشُرِيٍ قَن نْمَ يَءِلَندٍ، تُرٍ مَسٌشِ نَشٍيٍ مَ.»

5«شَ مِشِ وَ مَ سّرّشّ بَقٍ نَشَن قِندِشِ تَامِ فِلِنشِ رَ، عَ شَ نَ يَءِلَن سَنسِ شْرِ لُشُتَشِ رَ لّبِنِ مُ نَ نَشَن شُن. تُرٍ شَ مَسُنبُ نَ قَن نَ. 6عَ نَ فّ فِلِندٍ، عَ شَ عِفِرَ، تُرٍ سَ عَ مَ، عَ شَ قِندِ سّرّشّ رَ.»

7«شَ مِشِ وَ مَ سّرّشّ بَقٍ نَشَن قِندِشِ تَامِ رَ نَشَن فَنشِ تُندٍ كُي، عَ شَ نَ يَءِلَن سَنسِ شْرِ لُشُتَشِ نُن تُرٍ رَ. 8عَ لَنمَ مِشِ شَ قَ نَ سّرّشّ مْولِ رَ ﭑ تَن عَلَتَلَ بّ. شَ نَ بَرَ سٌ سّرّشّدُبّ يِ رَ، عَ نَ شَنِنمَ سّرّشّبَدٍ. 9عَ شَ ندٍ تٌنفٌ نَشَن قِندِ مَ تْنشُمَ رَ، عَ شَ نَ فَن سّرّشّبَدٍ قَرِ، عَ شَ قِندِ سّرّشّ رَ، نَشَن شِرِ رَقَن ﭑ تَن عَلَتَلَ مَ. 10سَنسِ شْرِ دِنشِ نَشَن لُشِ عَ قِندِ مَ هَرُنَ نُن عَ شَ دِيٍ نَن فبٍ رَ. عَ سّنِيّن بَرِ مَ عَ بَشِ سّرّشّ فَنشِ نَن نَ نَشَن بَشِ ﭑ تَن عَلَتَلَ بّ.»

11«سّرّشّ نَشَن بِرِن بَمَ ﭑ تَن عَلَتَلَ بّ، لّبِنِ يٌ نَشَ لُ عَ شُن. عَ مُ لَن وٌ شَ سّرّشّ فَن دَاشِ يٌ بَ ﭑ تَن عَلَتَلَ بّ لّبِنِ نَ نَشَن شُن، شَ نَ مُ عَ رَ كُمِ. 12وٌ نْمَ لّبِنِ نُن كُمِ سَدٍ سَنسِ بٌفِ سِنفٍيٍ شُن مَ نَشٍيٍ بَمَ سّرّشّ رَ ﭑ تَن عَلَتَلَ بّ، كْنْ عٍ نَشَ فَن سّرّشّبَدٍ قَرِ. 13قْشْي شَ سَ نَ سّرّشّ مْولِ بِرِن مَ، بَرِ مَ نَ بَرَ قِندِ سَاتّ تْنشُمَ رَ وٌ تَن نُن وٌ مَرِفِ عَلَ تَفِ. قْشْي شَ سَ وٌ شَ سّرّشّ بِرِن مَ.»

14«شَ وٌ وَ مَ سّرّشّ بَقٍ ﭑ تَن عَلَتَلَ بّ وٌ شَ سَنسِ بٌفِ سِنفٍ رَ، وٌ شَ تْنسْي نّينّ فَن، 15وٌ تُرٍ نُن سُرَيِ سَ عَ شُن، عَ شَ قِندِ سَنسِ بٌفِ سِنفٍ سّرّشّ رَ. 16سّرّشّدُبّ شَ ندٍ تٌنفٌ نَ سَنسِ شْرِ، تُرٍ، نُن سُرَيِ رَ، نَ شَ قِندِ تْنشُمَ رَ. عَ شَ نَ فَن سّرّشّبَدٍ قَرِ. عَ شَ قِندِ سّرّشّ رَ، نَشَن شِرِ رَقَن ﭑ تَن عَلَتَلَ مَ.»