عِسِرَيِلَ شَ يَنقَنتٍيَ
1«عٍقِرَ مِ وَ مَ ﭑ مَدَشُقٍ.
عِسِرَيِلَ وَ مَ ﭑ يَنقَقٍ.
يُدَيَ تَن بِرَ مَ نّ عَلَ قْشْ رَ،
عَ مُ لَنلَنتٍيَ كَنَ عَلَ سّنِيّنشِ مَبِرِ.
2عٍقِرَ مِ قٍ قُقَقُ قٍنمَ،
عَ بِرَ مَ مِشِيٍ قْشْ رَ نَشٍيٍ نَ قُفٍ رَ.
عَ شَ وُلٍيٍ نُن قٍ حَاشِيٍ فبٌ.
عَ سَاتّ تٌنفٌمَ عَسِرِيَ بّ،
عَ عٌلِوِ تُرٍ قِمَ نّ مِسِرَ مَنفّ مَ.
3عَلَ يُدَيَكَيٍ مَكِيتِمَ نّ،
عَ يَشُبَ بْنسْي حَشَنكَتَمَ نّ،
عَ قَ عَ شَ كّوَلِ سَرٍ رَفبِلٍن عَ مَ.»
4عٍ نَ عٍ نفَ قُرِ كُي، يَشُبَ نَشَ عَ تَارَ تِنفِلِنيِ سُشُ.
عَ تٌ قٌرِ، عٍ نُن عَلَ نَشَ فٍرٍ سٌ.
5عٍ نُن مَلٍكّ نَشَ فٍرٍ سٌ، عَ شُتُ سْتْ عَ مَ.
عَ نَشَ وَ، عَ عَ مَيَندِ عَ شَ هِننّ عَ رَ.
يَشُبَ عَ تٌ نّ بٍتٍلِ.
عٍ نُن عَلَ وْيّن مّننِ نّ.
6عَلَتَلَ نَن مَنفّ رَ.
شِلِ شُنفبٍ كَنيِ نَن عَلَتَلَ رَ.
7عِ تَن شَ قَ عِ مَرِفِ عَلَ مَ،
عِ نَشَ دُفُتّفّحَ كَنَ،
عِ شَ سّرِيّ تِنشِنشِ سُشُ.
عِ شَشِلِ تِ عِ مَرِفِ عَلَ رَ تّمُي بِرِن.
8يُلّ سِكٍيلِ وُلٍ رَوَلِمَ، عَ مِشِ تْورْ.
9عٍقِرَ مِ بَرَ عَ قَلَ،
«ﭑ بَرَ بَننَ هَن!
ﭑ بَرَ نَاقُلِ سْتْ ﭑ يّتّ سّنبّ رَ.
ﭑ مُ يُنُبِ يٌ رَبَشِ.»
10«ﭑ تَن نَن عِ مَرِفِ عَلَتَلَ رَ،
نَشَن عِ رَ مِنِشِ مِسِرَ بْشِ مَ.
ﭑ مَن عِ رَدْشْمَ نّ كِرِ بَنشِيٍ كُي،
عَلْ وٌن مَ سَلِ تّمُي دَنفِشِيٍ.
11ﭑ نُ وْيّنمَ نَمِحْنمّيٍ بّ،
ﭑ لَامَتُنيِيٍ وُيَشِ سٌ عٍ يِ رَ.
ﭑ نُ تَالِيٍ مَسٍنمَ وٌ بّ نَمِحْنمّيٍ سَابُي رَ.
12فَلَدِكَيٍ لُمَ نّ قٍ حَاشِ رَبَ رَ.
نَ قٍ نَ عَ نِيَمَ ﭑ قَمَ عٍ شُن نَكَنَدٍ.
عٍ نِنفٍيٍ بَمَ سّرّشّ رَ فِلِفَلِ،
كْنْ ﭑ قَمَ نّ عٍ شَ سّرّشّبَدٍيٍ كَنَدٍ،
عٍ شَ لُ عَلْ فّمّ مَلَنشِيٍ شّيٍ مَ.»
13يَشُبَ نَشَ عَ فِ عَرَ مِ بْشِ مَ.
عِسِرَيِلَ نَشَ قِندِ شُرُ سٍيٍ دّ مَدٌنيِ رَ،
عَلَكٌ عَ شَ فِنّ ندٍ سْتْ.
14عَلَتَلَ نَشَ عِسِرَيِلَ رَ مِنِ مِسِرَ بْشِ مَ
نَمِحْنمّ ندٍ سَابُي رَ.
عَلَتَلَ نَشَ مّينِ عِسِرَيِلَ مَ عَ شَ شّيرَيٍ سَابُي رَ.
15عٍقِرَ مِ بَرَ عَلَتَلَ رَشْنْ عَ حَاشِ رَ.
عٍ مَرِفِ قَمَ نّ عٍ حَشَنكَتَدٍ عٍ شَ قَشّ تِشِيٍ شَ قٍ رَ،
عَ قَ عٍ رَيَافِ.