AKS

قْلّ 18

عَلَتَلَ شَ مَسٍنيِ عِسِيَفَ بَرِ كِ شَ قٍ رَ

1عَلَتَلَ مِنِ نّ عِبُرَهِمَ مَ مَمِرٍ، وُرِ بِلِ بٍلٍبٍلٍ نَ دّننَشّ. نَ تّمُي، عِبُرَهِمَ نُ دْشْشِ عَ شَ كِرِ بَنشِ سٌدٍ دّ رَ كُيٍقُرٍ تّمُي يَنيِ رَ. 2عَ تٌ شّمّ سَشَن تٌ قَ رَ، عَ نَشَ كٍلِ مَقُرٍن، عَ سَ عٍ رَلَن. عَ نَشَ عَ عِفٌرٌ عٍ بّ بْشِ مَ. 3عَ نَشَ عَ مَسٍن عٍ بّ، «ﭑ مَرِفِ، ﭑ بَرَ وٌ مَشَندِ، وٌ شَ وٌ مَلَبُ ﭑ تَن وٌ شَ كٌنيِ شْنيِ، 4ﭑ شَ قَ يٍ رَ وٌ بّ عَلَكٌ وٌ شَ وٌ سَنيِيٍ مَشَ. وٌ مَن شَ قٌيٍ تٌنفٌ يِ وُرِ بُن مَ. 5ﭑ شَ قَ تَامِ رَ وٌ شْن مَ عَلَكٌ وٌ نْمَ سّنبّ سْتْدٍ كِ نَشّ. نَ شَنبِ، وٌ قَ سِفَ وٌ شَ حّرّ رَ. نَ كُي وٌ عَ كٌلٌنمَ وٌ شَ كٌنيِ نَن ﭑ نَ.» نَ شْحّيٍ نَشَ عَ رَتِن، «وٌن بَرَ لَن نَ مَ. عِ نَشَن قَلَشِ، عَ رَبَ.»

6نَ نَن لَن، عِبُرَهِمَ نَشَ فبِلٍن مَقُرٍن عَ شَ كِرِ بَنشِ كُي. عَ نَشَ عَ مَسٍن عَ شَ فِنّ سَرَ بّ، «عِ شُلُن. عِ قَرِن قَنيِ سِفَاتِ يَ تٌنفٌ سٌلٌقٍرٍ يَءِلَن تَامِ رَ.» 7نَ شَنبِ، عَ نَشَ عَ فِ، عَ سِفَ نِنفٍ فْورّ، عَ سَ نِنفٍ سُبٍ بْرْشْشِ قَتٍ قَنيِ كٍرٍن تٌنفٌ. عَ نَشَ نَ نِنفٍ سٌ عَ شَ وَلِكّ يِ رَ، عَ شَ عَ قَشَ، عَ شَ عَ يَءِلَن دٌنسٍ رَ. 8نَ سُبٍ تٌ بَرَ فّ حِندٍ، عِبُرَهِمَ نَشَ عَ تٌنفٌ، عَ عَ سٌ شْحّيٍ يِ رَ، عَ نُن شِحّ شِنبٍلِ نُن شِحّ بْنبْشِ. عٍ نَ نَ دٌنسٍ دٌنقٍ، عِبُرَهِمَ نَشَ تِ عٍ سّيتِ مَ وُرِ بُن مَ.

9نَ شْحّيٍ نَشَ عِبُرَهِمَ مَشْرِن، «عِ شَ فِنّ سَرَ نَ مِندٍن؟» عَ نَشَ عٍ يَابِ، «عَ نَ كِرِ بَنشِ بُن مَ.» 10نَ شْحّ مِشِ كٍرٍن نَشَ عَ مَسٍن عِبُرَهِمَ بّ، «ﭑ مَن فبِلٍنمَ تَمُنَ يِ حْندْن تّمُي. نَ تّمُي عِ شَ فِنّ قَمَ دِ شّمّ بَرِدٍ عِ بّ.» سَرَ نُ تِشِ عِبُرَهِمَ شَنبِ رَ كِرِ بَنشِ سٌدٍ دّ رَ، عَ تُلِ مَتِشِ عٍ شَ وْيّنيِ رَ. 11عِبُرَهِمَ نُن سَرَ نُ بَرَ فّ قٌرِدٍ. سَرَ مُ نُ نْمَ دِ بَرِدٍ سْنْن. 12سَرَ تٌ نَ مّ، عَ نَشَ يٍلٍ عَ يّتّ مَ، «ﭑ تَن نَ كِ نَشّ يِ كِ ﭑ بَرَ فّ تَفَندٍ. ﭑ مَ شّمّ قَن بَرَ قِندِ شّمّ قٌرِ رَ. مُشُ تَن دِ بَرِ تّمُي بَرَ دَنفِ.»

13عَلَتَلَ نَشَ عَ مَسٍن عِبُرَهِمَ بّ، «سَرَ يٍلٍشِ مُنقٍ رَ؟ عَ عَ قَلَشِ مُنقٍ رَ، عَ تَن مُ نْمَ دِ بَرِدٍ سْنْن، بَرِ مَ عَ بَرَ فّ تَفَندٍ؟ 14نَ قٍ نَ نَ عَلَتَلَ مُ نْمَ نَشَن نَبَدٍ؟ ﭑ نَ قَ تَمُنَ عِ شْنيِ بٍ يِ تّمُي، سَرَ قَمَ نّ دِ بَرِدٍ.» 15سَرَ نَشَ فَاشُ، عَ نَشَ وُلٍ قَلَ، «ﭑ مُ يٍلٍشِ دٍ.» عَلَتَلَ نَشَ عَ مَسٍن عَ بّ، «عِيٌ، عِ يٍلٍشِ نّ!»

16نَ شْحّيٍ نَشَ تِ كِرَ شْن مَ، عٍ نَشَ عٍ شُنسَ سٌدٌ مَ تَا مَ. عِبُرَهِمَ نَشَ سِفَ عٍ مَتِدٍ. 17عَلَتَلَ نَشَ عَ مَسٍن، «ﭑ نْمَ عَ نْشُندٍ عِبُرَهِمَ مَ، ﭑ وَ مَ نَشَن نَبَقٍ؟ 18عَ قَمَ نّ قِندِدٍ سِ بٍلٍبٍلٍ سّنبّمَ رَ. ﭑ قَمَ نّ بَرَكّ سَدٍ سِ بِرِن مَ عَ تَن سَابُي رَ. 19ﭑ نَ عَ سُفَندِشِ نّ، عَلَكٌ عَ شَ نْ يَامَرِ سَدٍ عَ شَ دِيٍ نُن عَ بْنسْييٍ مَ، عٍ شَ نْ عٍ حّنفِ سَدٍ ﭑ مَ سّرِيّ شْن مَ تِنشِنيِ كُي. نَ تّمُي، ﭑ تَن عَلَتَلَ، ﭑ قَمَ نّ ﭑ مَ لَايِدِ رَكَمَلِدٍ ﭑ نَشَن تٌنفٌشِ عِبُرَهِمَ بّ.» 20عَلَتَلَ نَشَ عَ مَسٍن عِبُرَهِمَ بّ، «قٍ نَشَن قَلَشِ سٌدٌ مَكَيٍ نُن فٌمٌرَكَيٍ شُن، قٍ مَفَاشُشِ نَ عَ رَ. عٍ شَ يُنُبِ بَرَ فبٌ هَن، 21ﭑ قَمَ فٌرٌدٍ ﭑ شَ سَ عَ مَتٌ قٍ نَشَن بِرِن قَلَشِ عٍ شُن مَ، شَ عَ نَ نَ كِ نّ.»

22شْحّ قِرِن نَشَ كٍلِ عٍ نُ نَ دّننَشّ، عٍ نَشَ سِفَ سٌدٌ مَ. كْنْ عَلَتَلَ نُن عِبُرَهِمَ نَشَ لُ يِرٍ كٍرٍن. 23عِبُرَهِمَ نَشَ عَ مَسٌ عَلَتَلَ رَ، عَ نَشَ عَ مَسٍن عَ بّ، «عَلَتَلَ، عِ قَمَ نّ مِشِ كٌبِ نُن مِشِ تِنشِنشِ بِرِن سْنتْدٍ؟ 24تّمُندٍ مِشِ تٌنفٌ سُولِ نَ سٌدٌ مَكَيٍ يَ مَ نَشٍيٍ قِندِشِ مِشِ مَتِنشِنشِيٍ رَ. عِ قَمَ نّ نَ تَا كَنَدٍ؟ عِ مُ نْمَ دِحّدٍ سٌدٌ مَ حَمَ مَ نَ مِشِ مَتِنشِنشِ تٌنفٌ سُولِ شَ قٍ رَ؟ 25عَدٍ، عَ مُ لَن عِ شَ مِشِ كٌبِ نُن مِشِ تِنشِنشِ قَشَ كِ كٍرٍن. عَ مُ لَن كِيتِ كٍرٍن شَ سَ مِشِ كٌبِ نُن مِشِ تِنشِنشِ مَ. عَ مُ لَن عِ شَ نَ رَبَ. نَشَن دُنِحَ بِرِن مَكِيتِمَ، عَ رَبَمَ نّ تِنشِنيِ كِرَ رَ.» 26عَلَتَلَ نَشَ يَابِ تِ، «شَ ﭑ مِشِ مَتِنشِنشِ تٌنفٌ سُولِ لِ سٌدٌ مَ تَا كُي، ﭑ قَمَ نّ دِحّدٍ سٌدٌ مَ مِشِ بِرِن مَ نَ مِشِ تٌنفٌ سُولِ شَ قٍ رَ.»

27عِبُرَهِمَ مَن نَشَ وْيّنيِ تٌنفٌ، «ﭑ مَرِفِ، ﭑ بَرَ عِ مَشَندِ عِ شَ نْ دِحّدٍ ﭑ بّ، ﭑ شَ نْ يِ مَسٍنيِ تِدٍ عِ بّ، بَ ﭑ تَن كٍلِشِ شُبٍ نُن بّندّ نّ. 28عِ سَ عَ لِمَ مِشِ تٌنفٌ سُولِ شَ مُ مِشِ مَتِنشِنشِ رَ، تّمُندٍ قٌ مِشِ تٌنفٌ نَانِ عَ نُن سُولِ. نَ مِشِ سُولِ نَشَن لُمَ نَ كِ، عِ قَمَ نّ نَ تَا كَنَدٍ نٍيٍ شَ قٍ رَ؟» عَلَتَلَ نَشَ عَ مَسٍن، «ﭑ مُ نَ كَنَمَ شَ ﭑ مِشِ مَتِنشِنشِ تٌنفٌ نَانِ عَ نُن سُولِ لِ نَا.»

29عِبُرَهِمَ مَن نَشَ عَ مَشْرْشْ، «تّمُندٍ عِ مِشِ تٌنفٌ نَانِ نَن لِمَ نَا.» عَلَتَلَ نَشَ عَ مَسٍن، «ﭑ مُ قَمَ نَ كَنَدٍ نَ مِشِ تٌنفٌ نَانِ شَ قٍ رَ.»

30عِبُرَهِمَ نَشَ عَ قَلَ، «ﭑ مَرِفِ، ﭑ بَرَ عِ مَشَندِ، عِ نَشَ شْنْ شَ ﭑ مَن قَ وْيّنيِ ندٍ مَسٍن عِ بّ. تّمُندٍ عِ قَمَ مِشِ تٌنفٌ سَشَن نَن لِدٍ نَا.» عَلَتَلَ نَشَ عَ مَسٍن عَ بّ، «ﭑ مُ قَمَ نَ كَنَدٍ شَ ﭑ مِشِ مَتِنشِنشِ تٌنفٌ سَشَن لِ نَا.»

31عِبُرَهِمَ نَشَ عَ مَسٍن، «مَرِفِ عِ شَ عِ هَاكّ تٌ ﭑ بّ ﭑ مَ بْحّ شْرْشْي مَ. تّمُندٍ وٌ مِشِ مْشْحّن نَن لِمَ نَا.» عَلَتَلَ نَشَ عَ مَسٍن، «ﭑ مُ قَمَ نَ تَا كَنَدٍ نَ مِشِ مْشْحّن شَ قٍ رَ.»

32عِبُرَهِمَ مَن نَشَ عَ قَلَ، «ﭑ مَرِفِ، ﭑ بَرَ عِ مَشَندِ، عِ نَشَ شْنْ. ﭑ مَ مَشْرِنيِ دْنشْي نَن يِ كِ عِ بّ. تّمُندٍ، عِ مِشِ قُ نَن لِمَ نَا.» عَلَتَلَ نَشَ عَ مَسٍن عِبُرَهِمَ بّ، «ﭑ مُ قَمَ نَ تَا كَنَدٍ نَ مِشِ قُ شَ قٍ رَ.» 33عٍ تٌ فّ نَ مَسٍنيِ رَ، عَلَتَلَ نَشَ سِفَ، عِبُرَهِمَ قَن نَشَ فبِلٍن عَ شْنيِ.