AKS

سَمُوٍلِ ١ 4

سَاتّ كَنكِرَ لْيقٍ

1نَ وَشَتِ سَمُوٍلِ نُ عَلَتَلَ شَ مَسٍنيِ كَوَندِ مَ عِسِرَيِلَكَيٍ بِرِن بّ.

عِسِرَيِلَكَيٍ نَشَ مِنِ قِلِسِتَكَيٍ فٍرٍدٍ. عٍ نَشَ يٌنكِن عٍبٍنٍسٍرِ، قِلِسِتَكَيٍ نَشَ سَ يٌنكِن عَقٍكِ. 2قِلِسِتَكَيٍ نَشَ مِنِ عَ فٍرٍ كِ مَ عِسِرَيِلَكَيٍ يَ عِ. نَ فٍرٍ كُي عٍ نَشَ عِسِرَيِلَكَيٍ بْنبْ، عٍ مِشِ وُلُ نَانِ قَشَ. 3سْورِيٍ تٌ فبِلٍن يٌنكِن يِرٍ، عِسِرَيِلَ قٌرِيٍ نَشَ مَشْرِنيِ تِ، «مُنقٍ رَ عَلَتَلَ عَ لُشِ قِلِسِتَكَيٍ شَ وٌن بْنبْ تٌ؟ وٌن شّي سِلٌ عَلَتَلَ شَ سَاتّ كَنكِرَ تٌنفٌدٍ. عَ شَ لُ وٌن تَفِ، عَ شَ قَ وٌن نَكِسِ وٌن يَشُييٍ مَ.»

4عٍ نَشَ مِشِيٍ شّي سِلٌ عَلَتَلَ شَ سَاتّ كَنكِرَ تٌنفٌدٍ، نَشَن دْشْشِ مَلٍكّ سَوُرّ قِرِنيِيٍ تَفِ. عٍلِ شَ دِ قِرِنيِيٍ شٌقِنِ نُن قِنٍشَسِ نَشَ نَ سَاتّ كَنكِرَ مَتِ هَن عِسِرَيِلَكَيٍ نُ يٌنكِنشِ دّننَشّ. 5عَلَتَلَ شَ سَاتّ كَنكِرَ تٌ سٌ يٌنكِندٍ، عِسِرَيِلَكَيٍ نَشَ عٍ شُي عِتٍ هَن بْشِ قَ سّرّن. 6قِلِسِتَكَيٍ تٌ نَ مّ، عٍ نَشَ عَ قَلَ، «مُنسٍ نَ يِ شُي فبٍ رَ نَشَن تٍقٍ عِسِرَيِلَكَيٍ شْنيِ يِ كِ؟» عٍ تٌ عَ كٌلٌن عَ عَلَتَلَ شَ سَاتّ كَنكِرَ بَرَ قَ عِسِرَيِلَكَيٍ يٌنكِندٍ، 7عٍ نَشَ فَاشُ، بَرِ مَ عٍ نُ عَ قَلَمَ، «عَلَ بَرَ قَ عٍ يِرٍ. حَشَنكَتّ نَ وٌن بّ، نَشَن مَنِيّ مُ تٌشِ سِندٍن. 8حَشَنكَتّ نَ وٌن بّ. ندٍ وٌن كَنتَمَ يِ عَلَ سّنبّمَيٍ مَ؟ عَلَيٍ نَن يِ كِ نَشٍيٍ فبَلٌي مْولِ بِرِن دْشْ مِسِرَكَيٍ مَ فبٍنفبٍرٍنيِ مَ. 9قِلِسِتَكَيٍ، وٌن شَ لِمَنِيَ، وٌن شَ لُ عَلْ شّمّ سّنبّمَيٍ، عَلَكٌ عِسِرَيِلَكَيٍ نَشَ نْ وٌن نَ عَلْ وٌن تَن نْشِ عٍ رَ كِ نَشّ. وٌن شَ قِندِ شّمّ سّنبّمَيٍ رَ، وٌن شَ فٍرٍ سٌ!»

10قِلِسِتَكَيٍ نَشَ فٍرٍ تِ، عٍ نَشَ عِسِرَيِلَكَيٍ بْنبْ هَن عٍ فِ عٍ سِفَ عٍ شْنيِ. نَ لْشْي كَسَرّ نَشَ فبٌ. عِسِرَيِلَكَ مِشِ وُلُ تٌنفٌ سَشَن نَشَ قَشَ نَ فٍرٍ كُي. 11قِلِسِتَكَيٍ نَشَ عَلَ شَ سَاتّ كَنكِرَ سُشُ، عٍ قَ عٍلِ شَ دِ قِرِنيِيٍ شٌقِنِ نُن قِنٍشَسِ قَشَ.

12نَ لْشْي بُنيَمِن بْنسْي مِشِ ندٍ نَشَ عَ فِ كٍلِقٍ فٍرٍ يِرٍ هَن سِلٌ تَا كُي. عَ شَ دُفِيٍ عِبْوشِ عَ مَ، شُبُتَنيِ سٌشِ عَ شُنيِ بِرِن مَ. 13عَ تٌ سٌ، عَ نَشَ عٍلِ لِ، عَ دْشْشِ كِرَ دّ رَ، بَرِ مَ عَ نُ كْنتْقِلِ كُي سَاتّ كَنكِرَ شَ قٍ رَ. شّيرَ قٍ نَشَن تٌ فٍرٍ يِرٍ عَ نَشَ نَ تَفِ رَبَ عَ بّ، تَاكَيٍ نَشَ فبٍلٍفبٍلٍ. 14عٍلِ تٌ عٍ فبٍلٍفبٍلٍ شُي مّ، عَ نَشَ مَشْرِنيِ تِ، «مُنقٍ رَ عٍ نَ فبٍلٍفبٍلٍقٍ يِ كِ؟» شّيرَ نَشَ قَ عَ يِرٍ كٍرٍن نَ، عَ نَ شِبَارُ قَلَ عَ بّ. 15عٍلِ نُ بَرَ حّ تٌنفٌ سٌلٌمَنَانِ نُن سٌلٌمَسَشَن سْتْ، عَ يَيٍ مُ نُ سٍسٍ تٌمَ سْنْن. 16شّيرَ نَشَ عَ قَلَ عٍلِ بّ، «ﭑ قَشِ ﭑ فِ رَ نّ يِ كِ كٍلِقٍ فٍرٍ يِرٍ.» عٍلِ نَشَ عَ مَشْرِن، «ﭑ مَ دِ، مُنسٍ دَنفِشِ نَا؟» 17شّيرَ نَشَ عَ يَابِ، «عِسِرَيِلَ عَ فِشِ نّ قِلِسِتَكَيٍ يَ رَ، نٍيٍ بَرَ نْ عٍ رَ عَ قَنيِ رَ. عِ شَ دِ قِرِنيِيٍ قَن بَرَ قَشَ، شٌقِنِ نُن قِنٍشَسِ. قِلِسِتَكَيٍ بَرَ عَلَ شَ سَاتّ كَنكِرَ سُشُ.» 18عَ قّقّ عَلَ شَ سَاتّ كَنكِرَ شَ قٍ مّ، عٍلِ نَشَ بِرَ عَ لٍفٍرٍ مَ تَا نَادّ سّيتِ مَ. عَ كٌبٍ نَشَ فِرَ، عَ نَشَ قَشَ، بَرِ مَ شّمْشِ تِرْنشِ نَن نُ عَ رَ. عَ نُ بَرَ قِندِ عِسِرَيِلَ يَرٍرَتِ رَ حّ تٌنفٌ نَانِ بُن مَ.

19عَ شَ دِ قِنٍشَسِ شَ فِنّ نُ قُرُشِ، عَ فبٍ مُ نُ لُشِ عَ شَ دِ بَرِ. عَ تٌ عَ مّ عَ عَلَ شَ سَاتّ كَنكِرَ بَرَ سُشُ، عَ تَنُن نُن عَ شَ مْرِ قَن بَرَ قَشَ، عَ نَشَ عَ قٍلٍن عَ قُرِ مَ شْنّ كُي، عَ دِ بَرِ كٍرٍن نَ. 20عَ تٌ نُ نَ قَشّ دّ نَن مَ، فِنّيٍ نَشَ عَ قَلَ عَ بّ، «عِ شَ لِمَنِيَ، عِ دِ شّمّ نَن بَرِشِ.» كْنْ عَ مُ عَ حْشْ يٌ سَشِ نَ وْيّنيِ شْن مَ، عَ مُ عَ يَابِ. 21عَ نَشَ دِيْرّ شِلِ سَ عِكَبٌدِ، نَشَن نُ وَ مَ عَ قَلَقٍ، «نْرّ بَرَ حْن عِسِرَيِلَ.» عَ نَ قَلَ نّ بَرِ مَ عَلَتَلَ شَ سَاتّ كَنكِرَ نُ بَرَ سُشُ، عَ شَ مْرِ نُن عَ تَنُن قَن نُ بَرَ قَشَ. 22عَ نَشَ عَ قَلَ، «نْرّ بَرَ حْن عِسِرَيِلَ، بَرِ مَ عٍ بَرَ عَلَتَلَ شَ سَاتّ كَنكِرَ سُشُ.»