عَلَ شَ سّرِيّ تِلِنشِ
1نَ نَن عَ تٌشِ وٌن لَنمَ وٌن شَ سِفَ يَرٍ مَ عَلَ شَ مِشِ سُفَندِشِ شَ شَرَنيِ كُي. وٌن شَ دَنفِ نَ مَسٍنيِ سِنفٍيٍ رَ، وٌن شَ سٌ قٍ تِلِنشِيٍ كُي. نَ مَسٍنيِ سِنفٍيٍ نَن يَ؛ وَلِ حَاشِ بّحِنقٍ نَشَن مِشِ شَنِنمَ يَهَننَمَ، 2دَنشَنِيَقٍ عَلَ مَ، شُنشَقٍ يٍ شْورَ، بّلّشّ سَقٍ مِشِيٍ مَ، كٍلِقٍ قَشّ مَ، نُن عَلَ شَ كِيتِ دْنشْي. 3شَ عَلَ تِن، وٌن شَ سِفَ يَرٍ مَ وٌن مَ شَرَنيِ كُي.
4مِشِ نَشَن بَرَ فّ عَلَ شَ نَءِيَلَنيِ تٌدٍ، نَشَن بَرَ عَلَ شَ كِ نّمُننّمُن، عَلَ شَشِلِ سّنِيّنشِ بَرَ لُ نَشَن بّ، 5نَشَن بَرَ عَ كٌلٌن عَ عَلَ شَ مَسٍنيِ قَن، نَشَن بَرَ عَلَ سّنبّ كٌلٌن نَشَن قَمَ رَوَلِدٍ وَشَتِ نَشَن سَ قَمَ، 6شَ عَ سَ لِ نَ مِشِ مْولِ بَرَ دَنشَنِيَ بّحِن، عَ مُ نْمَ تُوبِدٍ سْنْن. عَ لُشِ عَلْ عَ مَن بَرَ عَلَ شَ دِ مَبَنبَن وُرِ مَفَلَنبُشِ مَ، عَ قَ عَ رَيَافِ حَمَ يَ شْرِ.
7بْشِ نَشَن بَرَ تُنّ يٍ سْتْ عَ قَنيِ رَ، عَ قَ سَنسِ رَ مِنِ عَ كَنيِ بّ، عَلَ بَرَكَ رَفٌرٌ مَ نّ عَ مَ. 8كْنْ بْشِ نَشَن تُنبٍ نُن حٌوفٍ تُن نَمِنِمَ، نَ بْشِ مُ قَن. عَ فبٍ مُ لُشِ عَ شَ دَنكَ، عَ رَحْنيِ عَ قَ فَن.
9مُشُ شَنُنتٍنيِيٍ، هَلِ مُشُ شَ وْيّنيِ شْرْشْ، مُشُ بَرَ لَ عَ رَ وٌ نَ كِرَ قَنيِ نَن شْن، نَشَن قِندِ كِسِ كِرَ رَ. 10عَلَ تِنشِن، عَ مُ نّيمُمَ وٌ شَ وَلِ مَ. عَ وٌ شَ شَنُنتٍيَ كٌلٌن، وٌ نَشَن مَسٍنشِ وٌ شَ وَلِ كُي عَ شِلِ رَ، عَ نُن وٌ نَشَن مَسٍنشِ سّنِيّنتْييٍ بّ. هَن يَ وٌ نَ نَ وَلِ نَن كُي. 11مُشُ وَ مَ نّ وٌ شَ وٌ تُننَبّشِ نَ بِرِن كُي هَن عَ رَحْنيِ، عَلَكٌ وٌ شَ قٍ سْتْ وٌ وٌ شَشِلِ تِشِ نَشَن نَ. 12وٌ نَشَ وٌ تُننَشْنْ. وٌ شَ بِرَ دَنشَنِيَتْييٍ شَ مِسَالِ قْشْ رَ، نَشٍيٍ كّ سْتْمَ عَلَ نَشَن لَايِدِشِ عٍ بّ. عٍ نَ سْتْمَ عٍ شَ دَنشَنِيَ نُن عٍ شَ تُننَبّشِ نَن سَابُي رَ.
13عَلَ تٌ لَايِدِ تٌنفٌ عِبُرَهِمَ بّ، عَ مُ نْ عَ كَلِدٍ قٍ ندٍ رَ نَشَن فبٌ عَ بّ. نَ نَ عَ رَ، عَ نَشَ عَ كَلِ عَ يّتّ رَ، 14عَ قَلَقٍ رَ،
«ﭑ بَرَكَ سَمَ نّ عِ شَ قٍ. عِ بْنسْي وُيَمَ نّ.»
15عِبُرَهِمَ تٌ فّ مَمّ تِدٍ، عَلَ نَشَ عَ شَ لَايِدِ رَكَمَلِ عَ بّ. 16عَدَ مَ عَ كَلِمَ قٍ ندٍ رَ نَشَن فبٌ عَ بّ. نَ مَرَكَلِ سّنبّ قِمَ نّ عَ شَ وْيّنيِ مَ، عَلَكٌ مِشِ نَشَ نْ نَ مَتَندِدٍ. 17نَ نَن عَ تٌشِ، عَلَ قَن نَشَ عَ رَكَلِ عَلَكٌ مِشِيٍ، نَ لَايِدِ تٌنفٌشِ نَشٍيٍ بّ، عٍ شَ عَ كٌلٌن عَلَ شَ نَتّ مُ مَسَرَ مَ. 18عَلَ نَشَ نَ لَايِدِ تٌنفٌ، عَ مَن نَشَ عَ رَكَلِ، عَلَكٌ وٌن شَ نْ لِمَنِيَ شُنفبٍ سْتْدٍ. وُلٍ يٌ مُ نَ نَ قٍ قِرِنيِ كُي. وٌن بَرَ قٍ بِرِن نَبٌلٌ عَ شَ قٍ رَ، وٌن قَ وٌن شَشِلِ تِ عَ رَ. 19مِشِ شَشِلِ تِقٍ عَلَ رَ، عَ لُمَ نّ عَلْ هَنفَ نَشَن بَنبَنشِ يٍ بُن مَ. وٌن قَن وٌن شَشِلِ تِمَ عَلَ رَ نَ كِ نّ نَشَن نَ عَ شَ هْرْ مْلِنفِرَ كُي دُفِ فبَكُشِ شَنبِ رَ، 20عِسَ سٌشِ دّننَشّ وٌن يَ رَ، عَ شَ قِندِ وٌن مَ سّرّشّدُبّ كُنتِفِ رَ عَبَدَن، عَلْ مٍلٍكِسٍدٍكِ.