مُحَ سٍ حْشْي
نُن يَامَرِ فبّتّيٍ
1شَ وٌ مِشِ سُشُ عَ مُحّ تِقٍ كْي رَ، عَ قَ قَشَ وٌ يِ بْنبْي رَ، قَشّ كٌتٍ مُ دْشْمَ وٌ شُن مَ. 2كْنْ شَ وٌ نَ مْولِ رَبَ يَنيِ رَ، قَشّ كٌتٍ دْشْمَ نّ وٌ شُن مَ. مُحّتِ لَنمَ عَ شَ سٍ مُحَشِيٍ سَرٍ رَفبِلٍن، كْنْ شَ عَ مُ نْمَ نَ رَ، عَ فُندِ شَ مَتِ كٌنيِ رَ عَلَكٌ مُحّ سٍ سَرٍ شَ قِ. 3شَ عَ سَ لِ، نَ سٍ مُحَشِ نَ عَ يِ عَلْ نِنفٍ، سٌقَلٍ، يّشّي، شَ نَ مُ عَ رَ، عَ حِحّ رَ، عَ عٍ حْندْن قِرِن نَن قِمَ عَ حْشْي رَ.
4نَشَن نَ عَ شَ شُرُ سٍيٍ بّحِن، عَ سَ عَ بٌورٍ شَ شّ كَنَ، نَ كَنيِ لَنمَ عَ شَ عَ سَرٍ قِ عَ شَ شّ بٌفِ قَنيِ نَن نَ.
5نَشَن نَ تّ سَ حٌوفٍ فَنقٍ رَ، كْنْ تّ قَ مِشِ ندٍ شَ سَنسِ مَلَنشِ فَن، شَ نَ مُ عَ شَ شّ، نَ كَنيِ لَنمَ عَ شَ نَ سٍ بِرِن سَرٍ قِ.
6شَ مِشِ هَرِفٍ ندٍ تَشُ عَ دْشْبٌورٍ رَ، كْنْ مِشِ قَ نَ مُحَ، نَ مُحّتِ شَ نَ سٍ سَرٍ قِرِن نَفبِلٍن عَ حْشْي رَ. 7كْنْ شَ نَ مُحّتِ مُ تٌ، سٍ تَشُشِ نَشَن نَ، نَ شَ عَ كَلِ عَلَ شِلِ رَ كِيتِسَمَيٍ يِرٍ، عَلَكٌ عٍ شَ عَ كٌلٌن عَ تَن شَ مُ نَ هَرِفٍ تٌنفٌشِ. 8شَ سٍ ندٍ سَ لُ مِشِ يِ رَ عَلْ نِنفٍ، سٌقَلٍ، يّشّي، دُفِ، شَ نَ مُ عَ رَ سٍ فبّتّ، كْنْ مِشِ فبّتّ قَ عَ قَلَ عَ تَن نَن فبٍ نَ عَ رَ، عٍ لَنمَ عٍ شَ سِفَ كِيتِسَيٍ يِرٍ. كِيتِ كَنَمَ نَشَن نَ، عَ شَ نَ سٍ سَرٍ دْشْ قِرِن نَفبِلٍن عَ بٌورٍ مَ.
9شَ مِشِ ندٍ شُرُ سٍ تَشُ عَ بٌورٍ رَ، عَلْ سٌقَلٍ، نِنفٍ، شَ نَ مُ يّشّي، نَ شُرُ سٍ قَ قَشَ، شَ نَ مُ عَ سَلٌنسٍ ندٍ قَ فِرَ، شَ نَ مُ مِشِ قَ عَ مُحَ، 10عَ بٌورٍ شَ عَ كَلِ عَلَتَلَ رَ عَ مُ عَ يِ. سٍ كَنيِ شَ لَ نَ رَ، عَ شَ دِحّ نَ سٍ لْيشِ مَ. 11كْنْ شَ نَ شُرُ سٍ مُحَشِ نَ عَ شْنيِ نّ، عَ حْشْي قِمَ نّ. 12شَ وُلَءِ سُبٍ ندٍ نَن قَ عَ قَشَ، عَ تَشُ نَشَن نَ، نَ شَ عَ بِنبِ مَسٍن شُرُ سٍ كَنيِ بّ سٍيدٍحْشْيَ رَ. نَ تّمُي، عَ مُ نَ حْشْي قِمَ.
13شَ مِشِ شُرُ سٍ يٍقُ عَ بٌورٍ مَ، شُرُ سٍ قَ عَ يّتّ مَشْنْ، شَ نَ مُ عَ رَ عَ قَشَ شُرُ سٍ كَنيِ شَنبِ، عَ يٍقُمَ شَ عَ حْشْي قِ. 14كْنْ شَ قٍ ندٍ نَ شُرُ سٍ سْتْ عَ كَنيِ يَ شْرِ، عَ يٍقُمَ مُ عَ حْشْي قِمَ. شَ عَ سَ لِ، عَ هّرِشِ نَن عَ رَ، هّرِ مَسُندِ نَن قِندِ مَ عَ حْشْي رَ.
15نَشَن نَ فِنّ دِ مّدِ قُتِ كَنَ نَشَن شَ كٌتٍ مُ دْشْشِ سِندٍن، عَ لَنمَ عَ شَ عَ شَ كٌتٍ دْشْ عَلَكٌ عَ شَ قِندِ عَ شَ فِنّ رَ. 16شَ نَ فِنّ بَبَ مُ تِن عَ قِدٍ عَ مَ، نَ قُتِكَنّ كْبِرِ نَن قِمَ نَشَن لَنمَ فِنّ دِ مّدِ شَ كٌتٍ مَ.
17مَندُرُلَ فِنّ لَنمَ نّ عَ شَ قَشَ.
18نَشَن يٌ يّنّ رَبَ شُرُ سٍ رَ، عَ لَنمَ عَ شَ قَشَ.
19نَشَن يٌ نَ سّرّشّ بَ عَلَ فبّتّ بّ، بَقٍ عَلَتَلَ رَ، نَ كَنيِ لَن نّ عَ شَ قَشَ.
20وٌ نَشَ شْحّ تْورْ نَشَن قَتَن سِ فبّتّ رَ عَ سَبَتِ وٌ شْنيِ، بَرِ مَ وٌ قَن نُ نَ شْحّيَ نّ مِسِرَ بْشِ مَ. 21وٌ نَشَ قُ كَاحّ فِنّ نُن كِرِدِ مَ. 22وٌ نَ قُ نٍيٍ مَ، ﭑ عٍ وَ شُي مّمَ نّ. 23ﭑ مَ شْنّ تٍمَ نّ وٌ شِلِ مَ، ﭑ وٌ قَشَ سَنتِدّفّمَ رَ. وٌ شَ فِنّيٍ قِندِ مَ نّ كَاحّ فِنّيٍ رَ، وٌ شَ دِيٍ قَن قِندِ مَ نّ كِرِدِيٍ رَ.
24شَ وٌ سَ كْبِرِ دٌنِ تْورْ مِشِ ندٍ بّ ﭑ مَ حَمَ يَ مَ، وٌ نَشَ فٍينِ يٌ قٍن عَ شُن نَ عَلْ دٌنِتِ حَاشِ ندٍيٍ.
25وٌ نَ وٌ بٌورٍ شَ دُفِ دْشْ سّيكّ رَ، وٌ شَ عَ رَفبِلٍن عَ مَ بٍينُن سٌفٍ شَ دُلَ، 26بَرِ مَ نَ كٍرٍن ثٍتِ نَن عَ يِ رَ، عَ نَ نَن قٍلٍنمَ عَ مَ. عَ نَ ﭑ شِلِ، ﭑ عَ شُي سُشُمَ نّ، بَرِ مَ كِنِكِنِنتٍ نَن ﭑ نَ.
27وٌ نَشَ ﭑ تَن عَلَ بّشُ. وٌ نَشَ وٌ شَ حَمَ مَنفّ دَنكَ.
28وٌ نَشَ دُفُندِ ﭑ كِدٍ وٌ شَ شّ بٌفِيٍ رَ. وٌ شَ وٌ شَ دِ سِنفٍ بِرِن قِ ﭑ مَ.
29وٌ شَ وٌ شَ شُرُ سٍيٍ شَ دِ سِنفٍيٍ قِ ﭑ مَ. وٌ شَ عٍ لُ عٍ نفَ قْشْ رَ شِ سٌلٌقٍرٍ. عَ شِ سٌلٌمَسَشَن ندٍ، وٌ قَ عٍ قِ ﭑ مَ.
30وٌ شَ قِندِ ﭑ مَ حَمَ سّنِيّنشِ رَ. وٌ نَشَ وُلَءِ سُبٍ دٌن، سُبٍ فبّتّ نَشَن قَشَشِ. وٌ شَ نَ مْولِ قِ بَرٍيٍ مَ.