سِ بِرِن شَ عَلَ شَ مَرَكِسِ كٌلٌن
عَلَ مَتْشْي
1بّيتِ نُن سُوكِ بّيتِبَيٍ شَ مَنفّ بّ. عَ شَ بَ كْرَ شُي رَ.
2عَلَ شَ هِننّ وٌن نَ،
عَلَ شَ بَرَكّ رَفٌرٌ وٌن مَ،
عَلَ شَ نَءِيَلَنيِ شَ يَنبَ وٌن مَ، حّنفِ رَتٍ
3عَلَكٌ عَ شَ كِرَيٍ شَ كٌلٌن دُنِحَ مَ،
عَلَكٌ سِ بِرِن شَ عَ شَ مَرَكِسِ كٌلٌن.
4عَلَ، سِيٍ شَ عِ تَنتُ، سِ بِرِن شَ عِ تَنتُ.
5عٍ شَ بّيتِ بَ حّلّشِنيِ كُي،
بَرِ مَ عِ سِيٍ مَكِيتِمَ نْندِ رَ،
عِ تَن نَن عٍ رَحّرّ مَ يِ دُنِحَ بّندّ قُحِ قَرِ. حّنفِ رَتٍ.
6عَلَ، سِيٍ شَ عِ تَنتُ،
سِ بِرِن شَ عِ تَنتُ.
7بْشِ بَرَ دَشَمُي رَ مِنِ وٌن بّ،
تَنتُي نَ وٌن مَرِفِ عَلَ بّ.
8عَلَ شَ بَرَكّ سَ وٌن مَ،
دُنِحَ بِرِن شَ فَاشُ عَ يَ رَ.