AKS

سُوكِ 1

فِنّ شَنُشِ شَ حّلّشِنيِ

1عَننَبِ سُلٍمَنِ شَ سُوكِ قِسَمَنتٍ نَن يَ؛

فِنّ شَ مَسٍنيِ عَ شَنُنتٍنيِ بّ

2«عِ شَ ﭑ مَسُنبُ.

عِ شَ شَنُنتٍيَ حْشُن وّنِ بّ.

3عِ شِرِ حْشُنمّ لُشِ نّ عَلْ لَبُندّ،

نَشَن شِرِ قَنيِ مِنِمَ.

نَ نَن عَ رَ عِ رَقَن فِنّدِ مّ بِرِن مَ.

4عِ شَ ﭑ تٌنفٌ، وٌن شَ سِفَ.

مَنفّ شَ ﭑ شَنِن عَ شْنيِ.

فِنّدِ مّيٍ شَ مَسٍنيِ فِنّ بّ

عِ شَ قٍ نَ عَ نِيَمَ وٌن شَ لُ سّيوّ كُي.

عِ شَ شَنُنتٍيَ حْشُن وّنِ بّ.

نْندِ نَ مِشِ بّ عِ رَقَنشِ نَشَن مَ.»

فِنّ شَ مَسٍنيِ فِنّدِ مّيٍ بّ

5«دَرِ سَلَمُ فِنّدِ مّيٍ، ﭑ كِرِ قْورْ،

كْنْ ﭑ تٌقَن عَلْ كٍدَرِ شَ كِرِ بَنشِيٍ،

عَلْ دُفِ نَشٍيٍ فبَكُشِ عَننَبِ سُلٍمَنِ شْنيِ.

6وٌ نَشَ ﭑ كِرِ قْورْشِ مَتٌ،

سٌفٍ نَن ﭑ قْورْشِ.

ﭑ نفَ شَ دِ شّمّيٍ نُ شْنْشِ ﭑ مَ،

عٍ نُ ﭑ شّيمَ عٍ شَ وّنِ بِلِيٍ رَوَلِدٍ.

ﭑ مُ نْ ﭑ حّنفِ سَدٍ ﭑ فبٍ شْن مَ.»

فِنّ شَ مَسٍنيِ عَ شَنُنتٍنيِ بّ

7«ﭑ شَنُنتٍنيِ، عِ شَ عَ قَلَ ﭑ بّ

عِ شُرُ سٍيٍ دّ مَدٌنمَ دّننَشّ،

عَلَكٌ ﭑ نَشَ لُ عِ قٍن نَ مَلَبُي تّمُي

عِ بٌورٍيٍ شَ شُرُ سٍ فْورّيٍ يَ مَ.»

شّمّ شَ مَسٍنيِ فِنّ بّ

8«فِنّ تٌقَنيِ قِسَمَنتٍ،

شَ عِ مُ نَ يِرٍ كٌلٌن،

عِ شَ ﭑ مَ يّشّييٍ قْشِ قٍن،

عِ شَ عِ فبٍيٍ دّ مَدٌن ﭑ مَ فْورّ لٌنفٌرِ رَ.

9ﭑ شَنُنتٍنيِ،

عِ تٌقَن عَلْ مِسِرَ مَنفّ شَ سٌي،

نَشَن عَ رَفِسٍ بّندُنمَ.

10عِ شَ تُلِرَ سٌييٍ بَرَ عِ شّرّيٍ رَتٌقَن،

عِ كْنيِ رَيَبُ كْنمَفٌرٍ كُي.

11وٌن شَ مَرَتٌقَن سٍ فبّتّيٍ قٍن،

نَشٍيٍ يَءِلَنشِ شّيمَ نُن فبٍتِ رَ.»

فِنّ شَ مَسٍنيِ عَ شَ شّمّ شَ قٍ رَ

12«ﭑ مَ لَبُندّ شِرِ نُ مّمَ،

مَنفّ شَ شُلُنيِ يِرٍ.

13ﭑ شَنُنتٍنيِ مَنِيَشِ سٍ سَسٍ نَن نَ،

نَشَن فبَكُشِ ﭑ شِحّيٍ تَفِ،

سٍ شِرِ قَنيِ سَشِ عَ كُي.

14عَ شِرِ لُشِ نّ عَلْ سَنسِ قُفٍ شِرِ،

نَشٍيٍ كٍلِشِ وّنِ بِلِيٍ يَ مَ عٍن فٍدِ بْشِ مَ.»

شّمّ شَ مَسٍنيِ فِنّ بّ

15«ﭑ شَنُنتٍنيِ، عِ تٌقَن، عِ تٌقَن.

عِ يَيٍ رَيَبُ عَلْ فَنبّ.»

فِنّ شَ مَسٍنيِ شّمّ بّ

16«ﭑ شَنُنتٍنيِ، عِ تٌقَن، عِ تٌقَن.

وٌن نَ دّننَشّ،

حٌوفٍ قَنيِ بَرَ قِندِ وٌن مَ سَدٍ رَ،

17سّدِرِ وُرِ سَلٌنيِيٍ بَرَ قِندِ وٌن مَ بَنشِ شُنيِ رَ،

سِثِرّ وُرِ بَرَ قِندِ وٌن مَ بَنشِ كَنكٍ رَ.»