AKS

كْنتِ تِقٍ 30

لَايِدِ تٌنفٌشِ سّرِيّ

1مُنسَ نَشَ عَلَتَلَ شَ يَامَرِ بِرِن قَلَ عِسِرَيِلَكَيٍ بّ، عَ نَشٍيٍ سٌ عَ يِ رَ. 2مُنسَ نَشَ يِ مَسٍنيِ تِ عِسِرَيِلَ بْنسْي كُنتِفِيٍ بّ، «عَلَتَلَ شَ يَامَرِيٍ نَن يَ؛ 3شَ مِشِ ندٍ سَ لَايِدِ تٌنفٌ عَلَتَلَ بّ قٍ ندٍ مَ، شَ نَ مُ عَ عَ كَلِ عَلَتَلَ رَ قٍ ندٍ مَ، نَ كَنيِ لَن نّ عَ شَ عَ شُي رَكَمَلِ. عَ نَشَن بِرِن قَلَشِ عَ دّ رَ، عَ شَ عَ بِرِن نَبَ.»

4«فِنّ دِ مّدِ نَ سَ لَايِدِ تٌنفٌ قٍ ندٍ مَ عَلَتَلَ بّ، عَ نَ عَ بَبَ شْنيِ تّمُي نَشّ، عَ قَ عَ كَلِ، 5عَ بَبَ نَشَ عَ كٌلٌن عَ عَ شَ دِ فِنّ بَرَ لَايِدِ ندٍ تٌنفٌ، عَ بَبَ مُ سٍسٍ قَلَ نَ قٍ كُي، عَ شَ نَ لَايِدِ رَكَمَلِ. 6كْنْ شَ عَ بَبَ مُ تِن نَ لَايِدِ تٌنفٌشِ رَ عَ مّ تّمُي، عَ مُ لَن نَ فِنّ دِ مّدِ شَ عَ رَكَمَلِ. عَلَتَلَ مُ عَ سُشُمَ عَ رَ عَ بَبَ وَشْنقٍ شَ قٍ رَ.»

7«فِنّ نَ سَ لَايِدِ تٌنفٌ، شَ نَ مُ عَ عَ كَلِ وْيّنيِ مَقُرَشِ رَ، 8شَ عَ شَ مْرِ سَ نَ مّ، عَ قَ لُ عَ مُ سٍسٍ قَلَ نَ قٍ رَ، عَ شَ نَ لَايِدِ رَكَمَلِ. 9كْنْ شَ عَ شَ مْرِ مُ تِن نَ قٍ رَ عَ مّ تّمُي، عَ مُ لَن نَ فِنّ شَ عَ رَكَمَلِ. عَلَتَلَ مُ عَ سُشُمَ عَ رَ.»

10«كَاحّ فِنّ نَ لَايِدِ تٌنفٌ، شَ نَ مُ، فِنّ نَشَن نُن عَ شَ شّمّ بَرَ قَتَن، عَ شَ عَ شَ لَايِدِ رَكَمَلِ.»

11«فِنّ شّمّ تَا عِدْشْي نَ لَايِدِ تٌنفٌ، شَ نَ مُ عَ عَ كَلِ قٍ ندٍ مَ، 12شَ عَ شَ مْرِ قَ نَ قٍ كٌلٌن، كْنْ عَ مُ قٍقٍ قَلَ نَ قٍ كُي، عَ لَنمَ نَ فِنّ شَ عَ شَ لَايِدِ رَكَمَلِ. 13عَ شَ مْرِ نَ عَ شَ لَايِدِ مّ تّمُي نَشّ، عَ نْمَ تِندٍ عَ رَ، شَ نَ مُ عَ رَ، عَ نْمَ تْنيِ دْشْدٍ عَ مَ. عَلَتَلَ مُ عَ سُشُمَ عَ رَ. 14عَ شَ مْرِ نْمَ تِندٍ، شَ نَ مُ عَ رَ تٌندِدٍ عَ شَ لَايِدِ نُن عَ شَ كَلِ بِرِن نَ. 15شَ عَ مُ قٍقٍ قَلَمَ نَ قٍ كُي، عَ شَ فِنّ لَنمَ عَ شَ عَ شَ لَايِدِ رَكَمَلِ. عَ شَ دُندُي عَ نِيَمَ نّ فِنّ شَ عَ شَ لَايِدِ رَكَمَلِ. 16شَ عَ شَ مْرِ تْنيِ دْشْمَ عَ شَ فِنّ شَ لَايِدِ مَ تّمُي فبّتّ، عَ تَن نَن يَتِ عَ شَ فِنّ شَ كٌتٍ شَنِنمَ.»

17«عَلَتَلَ شَ سّرِيّ نَن نَ كِ عَ نَشَن قِشِ مُنسَ مَ، فِنّ شَ قٍ رَ نَشَن نَ شّمّ تَا، شَ نَ مُ عَ رَ فِنّ نَشَن نَ عَ بَبَ شْنيِ.»