عِسَيَنكَيٍ شَ كَلَمُتَرٍحَ
1نَ كُي، كِيتِ مُ كَنَمَ مِشِيٍ رَ سْنْن نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ، نَشٍيٍ نَ عِسَ عِ، 2بَرِ مَ عَلَ شَشِلِ سّنِيّنشِ شَ سّرِيّ نَشَن كِسِ قِمَ، عَ بَرَ وٌن نَمِنِ يُنُبِ نُن قَشّ شَ سّرِيّ شَ نْي بُن مَ مَرِفِ عِسَ سَابُي رَ. 3دِينّ سّرِيّ مُ نْ نَشَن نَ، بَرِ مَ مِشِ وَشْنقٍ كٌبِ نُ بَرَ عَ رَهَلَكِ، عَلَ تَن نَ نَن نَبَشِ. عَ نَشَ مِشِ شَ يُنُبِ سّنبّ شُن نَكَنَ عَ تٌ عَ شَ دِ شّي يُنُبِتْي قَتٍ بّندّ مَنِيّ رَ عَ شَ قِندِ يُنُبِ سّرّشّ رَ. 4نَ رَبَشِ نّ، عَلَكٌ سّرِيّ تِنشِنيِ نَشَن مَسٍنشِ، عَ شَ نْ رَكَمَلِدٍ وٌن بّ، وٌن تَن نَشٍيٍ مُ حّرّقٍ عَدَ مَ وَشْنقٍ كٌبِ مَ، وٌن تَن نَشٍيٍ نَ حّرّقٍ عَلَ شَشِلِ سّنِيّنشِ مَ.
5نَشٍيٍ حّرّ مَ عَدَ مَ وَشْنقٍ مَ، عٍ شَشِلِ رَقٍشِ عَدَ مَ وَشْنقٍ نَن نَ. كْنْ نَشٍيٍ حّرّ مَ عَلَ شَشِلِ سّنِيّنشِ مَ، عٍ تَن نَقٍشِ عَلَ شَشِلِ سّنِيّنشِ وَشْنقٍ نَن نَ. 6نَشٍيٍ عٍ شَشِلِ لُشِ قٍ كٌبِ رَبَقٍ مَ، عٍ شُن تِشِ قَشّ نَن نَ. كْنْ نَشٍيٍ عٍ شَشِلِ لُشِ عَلَ شَشِلِ سّنِيّنشِ شَ قٍ مَ، عٍ كِسِ نُن بْحّسَ نَن سْتْمَ. 7نَشٍيٍ عٍ شَشِلِ لُشِ عٍ يّتّ وَشْنقٍ يِ، عٍ قِندِشِ عَلَ يَشُييٍ نَن نَ. عٍ مُ عَلَ شَ سّرِيّ رَبَتُمَ، عٍ حَن مُ نْمَ عَ رَبَتُدٍ. 8نَشٍيٍ بِرَشِ عٍ يّتّ وَشْنقٍ قْشْ رَ، عٍ شَ قٍ مُ نْمَ عَلَ كّنّندٍ.
9كْنْ وٌ تَن مُ نَ وٌ يّتّ سَفٌي سْنْن. شَ عَلَ شَشِلِ سّنِيّنشِ سَبَتِشِ وٌ عِ، وٌ قَ نَ عَلَ شَشِلِ سّنِيّنشِ نَن سَفٌي. عَلَ شَ مِشِ سُفَندِشِ شَشِلِ مُ نَ نَشَن يٌ يِ رَ، نَ كَنيِ مُ قِندِشِ عِسَ فبٍ رَ. 10شَ وٌ نُن عَلَ شَ مِشِ سُفَندِشِ بَرَ قِندِ كٍرٍن نَ، وٌ قَتٍ بّندّ تَن قَشَمَ يُنُبِ نَن مَ قٍ رَ، كْنْ عَلَ شَشِلِ سّنِيّنشِ تَن وٌ رَكِسِمَ نّ بَرِ مَ وٌ بَرَ مَتِنشِن عَلَ يَ عِ. 11عَلَ نَن عِسَ رَكٍلِ قَشَمِشِيٍ تَفِ. شَ عَ تَن عَلَ شَشِلِ نَن سَبَتِشِ وٌ عِ، عَ تَن نَشَن عَ شَ مِشِ سُفَندِشِ رَكٍلِ قَشّ مَ، عَ مَن قَمَ نّ وٌ قَتٍ بّندّ رَكِسِدٍ عَ شَشِلِ سَابُي رَ نَشَن سَبَتِشِ وٌ عِ.
12نَ كُي، ﭑ نفَشَكٍرٍنيِيٍ، دٌنِ ندٍ نَ وٌن مَ، كْنْ عَ مُ نَ وٌن مَ وٌن يّتّ قَتٍ بّندّ شَ سّيتِ شّ. عَ مُ لَن وٌن مَن شَ لُ عَ سَفٌي سْنْن وٌن مَن شَ عَ وَشْنقٍ كٌبِ رَبَ. 13شَ وٌ حّرّ قَتٍ بّندّ وَشْنقٍ كٌبِيٍ مَ، وٌ قَشَمَ نّ، كْنْ شَ وٌ فبِلٍن عٍ قْشْ رَ عَلَ شَشِلِ سّنِيّنشِ سَابُي رَ، وٌ كِسِمَ نّ، 14بَرِ مَ عَلَ شَشِلِ سّنِيّنشِ مِشِ نَشٍيٍ بِرِن نَحّرّ مَ، عٍ تَن قِندِشِ عَلَ شَ دِيٍ نَن نَ. 15عَلَ مُ شَشِلِ قِشِ وٌ مَ نَشَن مَن وٌ قِندِ مَ فَاشُي شَ كٌنيِيٍ رَ. عَ عَ يّتّ شَشِلِ سّنِيّنشِ نَن قِشِ وٌ مَ نَشَن وٌ قِندِشِ عَ شَ دِيٍ رَ، نَشَن عَ نِيَمَ وٌن شَ نْ وٌن شُي عِتٍدٍ عَلَ مَ، وٌن نَ عَ شِلِ، «ﭑ بَ، ﭑ بَ!» 16نَ كُي، عَلَ شَشِلِ سّنِيّنشِ نُن وٌن يّتّ شَشِلِ عَ مَسٍنمَ عَ وٌن قِندِشِ عَلَ شَ دِيٍ نَن نَ. 17عَنُن، وٌن تٌ قِندِشِ عَ شَ دِيٍ رَ، وٌن بَرَ قِندِ عَلَ شَ كّتٌنفٌي رَ، وٌن نُن عَ شَ مِشِ سُفَندِشِ. بَرِ مَ، شَ وٌن تْورْ عَ شَ تْورّ، وٌن مَن قَمَ نّ شُننَكٍلِ سْتْدٍ عَلْ عَ تَن.
دَنشَنِيَتْييٍ شَشِلِ تِدٍ
18ﭑ لَشِ عَ رَ وٌن تْورّ نَشَن تِمَ يِ دُنِحَ مَ يِ كِ، عَ نُن وٌن قَمَ شُننَكٍلِ نَشَن سْتْدٍ، عٍ تَفِ عِكُيَ كِ قَنيِ! عٍ حَن مُ نْمَ سَدٍ عٍ بٌورٍ مَ. 19دَالِ بِرِن مَمّ تِقٍ وَشَتِ رَ، عَلَ عَ شَ دِيٍ مَكّنّنمَ تّمُي نَشّ، 20بَرِ مَ دُنِحَ بِرِن نَ سٍنتَنّ شَ نْي بُن مَ، تِدٍ يٌ مُ نَشَن مَ. نَ مُ كٍلِشِ دُنِحَ يّتّ شَ مَ، عَ كٍلِشِ عَلَ نَن مَ. كْنْ نَ بِرِن كُي شَشِلِ تِدٍ لُشِ بِرِن بّ. 21وَشَتِ قَمَ قَدٍ دَالِ قُلُنمَ تّمُي نَشّ كَنَرِ شَ كٌنيِيَ بُن، عَ قَن شْرّيَ نُن شُننَكٍلِ سْتْ عَ نُن عَلَ شَ دِيٍ رَ. 22وٌن عَ كٌلٌن، عَ كَبِ عَ قْلّ هَن تٌ، دَالِ بِرِن نَ عَ كُي عِوَقٍ نّ تْورّ كُي، عَلْ فِنّ دِ قُرِ نَ كٍلِ عَ رَ. 23كْنْ دَالِ فبَنسَن شَ مُ عَ رَ. هَلِ وٌن تَن نَشٍيٍ بَرَ عَلَ شَشِلِ سّنِيّنشِ سْتْ عَ شَ كِ سِنفٍ رَ، وٌن تَن يَتِ نَ وٌن كُي عِوَقٍ، هَن عَلَ وٌن قِندِ مَ عَ شَ دِيٍ رَ تّمُي نَشّ، عَ وٌن قَتٍ نْرْ. 24وٌن شَشِلِ تٌ تِ عَ رَ، نَ نَن عَ رَ وٌن بَرَ كِسِ، كْنْ وٌن شَشِلِ مَن تِشِ عَ رَ. كْنْ شَ مِشِ يَ قٍ تٌ عَ شَشِلِ نُ تِشِ نَشَن نَ، نَ كَنيِ مُ عَ شَشِلِ تِمَ نَ رَ سْنْن. مِشِ نْمَ عَ شَشِلِ تِدٍ قٍ ندٍ رَ عَ حَن بَرَ نَشَن سْتْ؟ 25كْنْ شَ وٌن شَشِلِ تِشِ قٍ ندٍ رَ وٌن مُ نَشَن تٌشِ سِندٍن، وٌن نَ مَمّمَ تُننَبّشِ نَن كُي.
26عَلَ شَشِلِ سّنِيّنشِ قَن قَمَ نّ وٌن مَلِدٍ وٌن مَ سّنبّتَرٍيَ كُي. وٌن مُ عَ كٌلٌن عَ لَن وٌن شَ مَشَندِ نَشَن نَبَ، كْنْ عَلَ شَشِلِ سّنِيّنشِ نَن عَلَ مَشَندِ مَ وٌن بّ مَيَندِ شُي رَ نَشَن مُ نْمَ مَسَرَدٍ وْيّنيِ رَ. 27عَنُن، عَلَ، نَشَن وٌن بْحّ مَ قٍ كٌلٌن، عَ عَ شَشِلِ سّنِيّنشِ شَ مَشَندِيٍ كٌلٌن، بَرِ مَ شَشِلِ سّنِيّنشِ مَشَندِ تِمَ سّنِيّنتْييٍ بّ عَلَ سَفٌي نَن مَ.
28وٌن مَن عَ كٌلٌن عَ عَلَ وَلِمَ قٍ بِرِن كُي عَ شَنُنتٍنيِيٍ شَ مُنَقَنيِ نَن بّ، عَ بَرَ نَشٍيٍ شِلِ عَ يّتّ سَفٌي مَ. 29بَرِ مَ عَلَ بَرَ مِشِ نَشٍيٍ سُفَندِ، عَ نُ عٍ كٌلٌن كَبِ قٍ قْلْ قْلّ، عَ نَشَ عَ رَفِرِ عٍ مَ عٍ شَ قِندِ عَ شَ دِ مَنِيّيٍ رَ، عَلَكٌ عَ شَ دِ تَن شَ قِندِ دِ سِنفٍ رَ عَ نفَشَكٍرٍنيِ فبٍفبٍ تَفِ. 30عَ بَرَ نَ رَفِرِ نَشٍيٍ مَ، عَ مَن بَرَ عٍ شِلِ. عَ بَرَ نَشٍيٍ شِلِ، عَ مَن بَرَ عٍ قِندِ تِنشِنتْييٍ رَ عَ يَ عِ. عَ بَرَ نَشٍيٍ قِندِ تِنشِنتْييٍ رَ، عَ مَن بَرَ شُننَكٍلِ قِ عٍ مَ.
عَلَ شَ شَنُنتٍيَ عَ شَ دِيٍ بّ
31وٌن مُنسٍ قَلَمَ نَ كُي قَ؟ عَلَ تٌ نَ وٌن بّ، ندٍ قَ نْمَ تِدٍ وٌن كَنكٍ؟ 32عَ تَن نَشَن مُ تٌندِ عَ شَ دِ يَتِ مَ، عَ عَ بَ سّرّشّ رَ وٌن بِرِن بّ، عَ مُ قَمَ شّ وٌن كِدٍ سٍ بِرِن نَ سَقٍ رَ عَ شَ دِ شُن مَ؟ 33ندٍ نْمَ عَلَ شَ مِشِ سُفَندِشِيٍ كَلَمُدٍ؟ عَلَ يّتّ نَن عٍ قِندِشِ تِنشِنتْييٍ رَ عَ يَ عِ. 34ندٍ قَ كِيتِ رَكَنَمَ عٍ رَ سْنْن؟ عَلَ شَ مِشِ سُفَندِشِ عِسَ نَشَن قَشَ، عَلَ نَشَن مَن نَكٍلِ قَشّ مَ، عَ مَفٌرٌشِ عَلَ يِرٍقَنيِ مَ، عَ نُ عَ مَشَندِ وٌن بّ. 35ندٍ قَ وٌن بَمَ عَلَ شَ مِشِ سُفَندِشِ شَ شَنُنتٍيَ يِ؟ مُنسٍ نْمَ نَ رَ؟ تْورّ، كَ شْرْشْي، كَ حَشَنكَتّ، كَ كَامّ، كَ لُقٍ شّحّ رَ، كَ قِتِنّ، كَ سَنتِدّفّمَ؟ 36عَلْ عَ سّبّشِ كِ نَشّ،
«قّيحّن، عٍ مُشُ قَشَمَ عِ تَن نَن مَ قٍ رَ.
عٍ مُشُ قِندِشِ يّشّييٍ نَن نَ عٍ نَشٍيٍ كْن نَشَبَمَ.»
37كْنْ نَ بِرِن كُي، وٌن بَرَ نْي سْتْ نَ قٍ بِرِن شُن مَ وٌن شَنُنتٍنيِ سَابُي رَ. 38بَرِ مَ ﭑ لَشِ عَ رَ، عَ سٍسٍ مُ نْمَ وٌن بَدٍ عَلَ شَ شَنُنتٍيَ يِ. عَ قِندِ قَشّ رَ بَ، فبَلٌي بَ، مَلٍكّ بَ، حِننّيٍ بَ، يِ وَشَتِ بَ، وَشَتِ نَشَن سَ قَمَ بَ، سّنبّمَ نَشٍيٍ كُيٍ مَ بَ، 39نَشَن بِرِن نَ دُنِحَ شُن مَ، نَشَن بِرِن نَ بْشِ بُن مَ، عَ قِندِ دَالِ يٌ رَ، عٍ سٍسٍ مُ نْمَ وٌن نُن عَلَ شَ شَنُنتٍيَ رَقَتَندٍ، عَ بَرَ نَشَن مَسٍن وٌن بّ وٌن مَرِفِ عِسَ سَابُي رَ، عَ شَ مِشِ سُفَندِشِ!