AKS

يُدَيَ مَنفّيٍ ٢ 7

عَلَ شَ نْرّ فٌرٌقٍ عَ شَ هْرْ مْبَنشِ كُي

عِسِرَيِلَ مَنفّيٍ عِ ٨‏؛٦٢ ٬ ٦٦

1سُلٍمَنِ تٌ فّ سَلِدٍ، تّ نَشَ فٌرٌ كٍلِ كٌورٍ مَ، عَ سّرّشّ فَن دَاشِ نُن سّرّشّ فبّتّيٍ بِرِن فَن. عَلَتَلَ شَ نْرّ قَن نَشَ هْرْ مْبَنشِ رَقٍ. 2سّرّشّدُبّيٍ مُ نْ سٌدٍ عَلَتَلَ شَ بَنشِ كُي، بَرِ مَ عَلَتَلَ شَ نْرّ نُ بَرَ عَ شَ بَنشِ رَقٍ. 3عِسِرَيِلَكَيٍ بِرِن تٌ تّ نُن عَلَتَلَ شَ نْرّ تٌ هْرْ مْبَنشِ كُي، عٍ نَشَ عٍ يَتَفِيٍ رَقٍلٍن بْشِ مَ، عٍ قَ عَلَتَلَ مَتْشْ يِ مَسٍنيِ رَ، «عَلَ قَن، عَ شَ قٌنِسِرٍيَ مُ حْنمَ عَبَدَن.»

4مَنفّ نُن حَمَ بِرِن نَشَ سّرّشّ بَ عَلَتَلَ بّ. 5مَنفّ سُلٍمَنِ نَشَ نِنفٍ وُلُ مْشْحّن نُن قِرِن بَ سّرّشّ رَ، عَ نُن يّشّي وُلُ كّمّ مْشْحّن. نَ دَنفِ شَنبِ، مَنفّ نُن حَمَ نَشَ عَلَ شَ بَنشِ رَبِ. 6سّرّشّدُبّيٍ نُن لٍوِكَيٍ نَشَ تِ عٍ تِدٍ عٍ بٌورٍ يَ رَ. بّيتِبَسٍيٍ، مَنفّ دَوُدَ نُ بَرَ نَشٍيٍ يَءِلَن عَلَتَلَ مَتْشْقٍ رَ، نُ نَ لٍوِ بّيتِبَيٍ يِ رَ. عٍ نَشَ عَلَتَلَ مَتْشْ يِ مَسٍنيِ رَ، «عَلَ شَ قٌنِسِرٍيَ مُ حْنمَ عَبَدَن.» سّرّشّدُبّيٍ تَن نَشَ سَرَيٍ قٍ، عِسِرَيِلَكَيٍ بِرِن قَ كٍلِ، عٍ تِ.

7سُلٍمَنِ نَشَ تّتّ يِرٍ رَ سّنِيّن سّرّشّ رَ عَلَتَلَ شَ هْرْ مْبَنشِ يَ رَ. عَ نَشَ سّرّشّ فَن دَاشِيٍ فَن نَا، عَ نُن شَنُنتٍيَ سّرّشّيٍ نَشٍيٍ قِندِ عَ تُرٍ يِرٍيٍ رَ، بَرِ مَ يْشُي سّرّشّبَدٍ، سُلٍمَنِ نَشَن يَءِلَنشِ، عَ شُرُن نَ سّرّشّيٍ بِرِن بّ. 8سُلٍمَنِ نُن عِسِرَيِلَكَيٍ بِرِن سَلِ رَبَ نّ شِ سٌلٌقٍرٍ بُن مَ. حَمَ فبٍفبٍ قَ نّ كٍلِقٍ شَمَتَ هَن مِسِرَ شُرٍ. 9عَ شِ سٌلٌمَسَشَن ندٍ، عٍ نَشَ سَلِ شُنفبٍ رَبَ. عٍ نُ بَرَ سّرّشّبَدٍ رَ سّنِيّن شِ سٌلٌقٍرٍ بُن مَ. نَ دَنفِ شَنبِ، عٍ مَن نَشَ سَلِ شِ سٌلٌقٍرٍ فبّتّ بُن مَ. 10كِكٍ سٌلٌقٍرٍ ندٍ، شِ مْشْحّن نُن سَشَن لْشْي، سُلٍمَنِ نَشَ حَمَ رَفبِلٍن عٍ شْنيِ. عٍ بِرِن نُ بَرَ سّيوَ عٍ بْحّ كُي قٍ قَنيِ رَ، عَلَتَلَ نَشَن نَبَشِ دَوُدَ، سُلٍمَنِ، نُن عَ شَ حَمَ عِسِرَيِلَ بّ.

11سُلٍمَنِ تٌ فّ عَلَتَلَ شَ بَنشِ نُن عَ شَ مَنفّ بَنشِ وَلِ رَ، عَ تٌ عَ وَشْنقٍ بِرِن نَكَمَلِ نَ وَلِ قِرِنيِ شَ قٍ رَ، 12عَلَتَلَ نَشَ مِنِ سُلٍمَنِ مَ كْي رَ، عَ عَ مَسٍن عَ بّ، «ﭑ بَرَ عِ شَ دُبّ سُشُ. يِ بَنشِ بَرَ قِندِ سّرّشّبَدٍ رَ. ﭑ بَرَ نَ نَتّ تٌنفٌ. 13ﭑ نَ كٌورٍ بَلَن تّمُي نَشّ، تُنّ مُ قَ، شَ نَ مُ عَ رَ ﭑ نَ كَتٌي يَمَرِ تّمُي نَشّ، عٍ شَ سَ بْشِ تُشُنسَن، شَ نَ مُ عَ رَ ﭑ نَ قَ قُرٍ حَاشِ رَ ﭑ مَ حَمَ مَ، 14شَ ﭑ مَ حَمَ، ﭑ شِلِ قَلَشِ نَشَن شُن، نَشَ عٍ مَفٌرٌ، عٍ ﭑ مَشَندِ، عٍ قَ فبِلٍن عٍ شَ وَلِ كٌبِيٍ قْشْ رَ، ﭑ نَن ﭑ تُلِ مَتِمَ نّ عٍ رَ كٌورٍ مَ، ﭑ قَ عٍ شَ يُنُبِيٍ شَقَرِ، ﭑ عٍ شَ بْشِ رَيَلَن. 15يَكْسِ ﭑ نَن ﭑ يَيٍ تِمَ نّ يِ يِرٍ رَ. ﭑ نَن ﭑ تُلِ مَتِمَ نّ مَشَندِيٍ رَ نَشٍيٍ رَبَمَ بٍ. 16ﭑ بَرَ نَتّ تٌنفٌ ﭑ شِلِ شَ قَلَ بٍ عَبَدَن. ﭑ يَيٍ نُن ﭑ بْحّ مُ كٍلِمَ بٍ.»

17«عِ تَن قَن، شَ عِ حّرّ ﭑ مَ كِرَ شْن مَ عَلْ عِ بَبَ دَوُدَ، عِ قَ ﭑ مَ يَامَرِيٍ، ﭑ مَ سّرِيّ، نُن ﭑ مَ شَرَنيِ سُشُ عَ قَنيِ رَ، 18ﭑ عِ شَ مَنفّ كِبَنيِ مَبَنبَنمَ نّ، عَلْ ﭑ عَ رَ سَاتَشِ عِ بَبَ دَوُدَ بّ كِ نَشّ. ﭑ عَ مَسٍن نّ عَ بّ، ‹عِسِرَيِلَ مَنفّيَ مُ بَمَ عِ بْنسْي يِ رَ.› 19كْنْ شَ وٌ وٌ كٌبٍ سٌ ﭑ نَ، وٌ قَ فبِلٍن ﭑ مَ سّرِيّ نُن ﭑ مَ يَامَرِيٍ قْشْ رَ، شَ وٌ سَ تُوبِ عَلَ فبّتّيٍ بّ، 20ﭑ وٌ تَلَمَ نّ ﭑ مَ بْشِ مَ، ﭑ نَشَن قِشِ وٌ مَ، ﭑ يِ بَنشِ رَكَسَن يّ عِ، ﭑ نَشَن قِندِشِ ﭑ شِلِ قَلَدٍ رَ. نَ تّمُي سِيٍ بِرِن قَمَ نّ يٍلٍدٍ عِسِرَيِلَ شَ قٍ مَ، عٍ يٌ وٌ مَ. 21مِشِيٍ نّ دَنفِمَ يِ بَنشِ عِتٍشِ رَ، عٍ دّ عِشَرَ مَ نّ، عٍ عَ قَلَ، ‹عَلَتَلَ يِ بْشِ نُن يِ بَنشِ شَ قٍ رَلْيشِ يِ مْولِ رَ مُنقٍ رَ؟› 22عٍ عٍ يَابِمَ نّ، ‹عَلَ يِ بِرِن نِيَشِ عٍ رَ نّ بَرِ مَ عٍ بَرَ فبِلٍن عٍ بَبَيٍ مَرِفِ عَلَتَلَ قْشْ رَ، نَشَن عٍ رَ مِنِ مِسِرَ بْشِ رَ. عٍ بَرَ عٍ تَفِ عِشِرِ عَلَ فبّتّيٍ بَتُقٍ رَ، عٍ تُوبِ عٍ بّ. عٍ يِ تْورّ سْتْشِ نَ نَن مَ.›»