AKS

كٌرِنتِ عِ 11

دَنشَنِيَتْييٍ شَ مَلَنيِ رَبَ كِ

1وٌ شَ بِرَ ﭑ مَ مِسَالِ قْشْ رَ، عَلْ ﭑ قَن بِرَشِ عَلَ شَ مِشِ سُفَندِشِ شَ مِسَالِ قْشْ رَ كِ نَشّ. 2ﭑ بَرَ وٌ مَتْشْ بَرِ مَ وٌ رَتُمَ ﭑ مَ قٍ مَ تّمُي بِرِن، وٌ مَن ﭑ مَ يَامَرِيٍ رَبَتُمَ.

3عَ شْلِ ﭑ مَ وٌ شَ عَ كٌلٌن شّمّ بِرِن نَ عَلَ شَ مِشِ سُفَندِشِ شَ يَامَرِ نَن بُن مَ، فِنّ بِرِن نَ شّمّ شَ يَامَرِ نَن بُن مَ، عَ نُن عَلَ شَ مِشِ سُفَندِشِ قَن نَ عَلَ شَ يَامَرِ نَن بُن مَ. 4شّمّ نَشَن بِرِن سَلِمَ، شَ نَ مُ عَ رَ عَ وْيّنمَ عَلَ شِلِ رَ، عَ شُنيِ مَكٌتٌشِ، عَ بَرَ عَ مَرِفِ يٍلٍبُ. 5فِنّ نَشَن بِرِن سَلِمَ، شَ نَ مُ عَ رَ عَ وْيّنمَ عَلَ شِلِ رَ، عَ شُنيِ مُ مَكٌتٌشِ، عَ بَرَ عَ شَ مَنفّ يٍلٍبُ. عَ لُشِ نّ عَلْ عَ شُنيِ بَرَ بِ.

6فِنّ نَشَن مُ عَ شُنيِ مَكٌتٌمَ، هَلِ عَ شُنيِ بِ. فِنّ شُنيِ بِقٍ تٌ قِندِشِ يَافِ رَ، شَ نَ مُ عَ رَ عَ شُنسّشّ مَشَبَقٍ، عَ لَنمَ نّ عَ شَ عَ شُنيِ مَكٌتٌ. 7شّمّ تَن مُ لَنمَ عَ شَ عَ شُنيِ مَكٌتٌ، بَرِ مَ عَ قِندِشِ عَلَ مِسَالِ نُن عَ نْرّ نَن نَ، كْنْ فِنّ تَن قِندِشِ شّمّ شَ نْرّ نَن نَ. 8شّمّ شَ مُ مِنِشِ فِنّ عِ. فِنّ نَن مِنِشِ شّمّ عِ. 9شّمّ شَ مُ دَاشِ فِنّ شَ قٍ رَ. فِنّ نَن دَاشِ شّمّ شَ قٍ رَ. 10نَ نَن عَ تٌشِ فِنّ لَنمَ عَ شَ عَ شُنيِ مَكٌتٌ مَلٍكّيٍ شَ قٍ رَ. عَ شُنيِ مَكٌتٌقٍ قِندِشِ تْنشُمَ نَن نَ عَ عَ نَ شّمّ شَ يَامَرِ نَن بُن مَ.

11كْنْ مَرِفِ شَ قٍ كُي، فِنّ هَيِ نَ شّمّ مَ، شّمّ قَن هَيِ نَ فِنّ مَ. 12فِنّ مِنِشِ شّمّ عِ كِ نَشّ، شّمّ قَن بَرِ مَ فِنّ نَن سَابُي رَ. نَ بِرِن كٍلِشِ عَلَ نَن مَ. 13وٌ شَ نَ كِيتِ سَ وٌ يّتّ رَ. عَ دَشَ فِنّ شَ سَلِ عَ شُنيِ مُ مَكٌتٌشِ؟ 14وٌ دَا كِ يّتّ يَتِ عَ مَسٍنشِ وٌ بّ عَ شّمّ شُنسّشّ نَ كُيَ عَ قِندِشِ يَافِ نَن نَ عَ بّ، 15كْنْ فِنّ تَن شُنسّشّ نَ كُيَ، نَ قِندِشِ عَ بّ نْرّ نَن نَ. شُنسّشّ كُيٍ قِشِ فِنّ مَ عَ شُنيِ مَكٌتٌسٍ نَن نَ. 16شَ مِشِ ندٍ وَ مَ نَ قٍ مَتَندِقٍ، عَ شَ عَ كٌلٌن مُشُ نُن عَلَ شَ دَنشَنِيَتْي حَمَيٍ بِرَ مَ نَ سّرِيّ نَن قْشْ رَ.

17كْنْ قٍ ندٍ نَ نَ وٌ نَشَن نَبَمَ وٌ شَ مَلَنيِيٍ كُي، ﭑ مُ نْمَ نَشَن مَتْشْدٍ. نَ ندٍ بَمَ وٌ شَ قٍ قَنيِ نَن نَ، عَ قِندِ قٍ حَاشِ رَ وٌ بّ. 18عَ قْلّ، ﭑ بَرَ عَ مّ عَ وٌ مُ لَنمَ وٌ بٌرٍ مَ وٌ وٌ مَلَنمَ تّمُي نَشّ. ﭑ لَشِ عَ رَ نْندِ ندٍ نَ نَ كُي. 19لَنتَرٍيَ نَ مِنِ وٌ تَفِ، نَ نْمَ نّ عَ مَسٍندٍ نْندِ نَ نَشٍيٍ بّ وٌ يَ مَ.

20وٌ نَ وٌ مَلَن، وٌ نَشَن دٌنمَ عَ مُ قِندِشِ مَرِفِ شَ سّرّشّ تْنشُمَ شَ رَ، 21بَرِ مَ ندٍيٍ عٍ دّفٍمَ عٍ بٌورٍيٍ شَنبِ. دٌنسٍ نُن مِنسٍ لُمَ ندٍيٍ يِ رَ، كْنْ عٍ بٌورٍيٍ تَن لُمَ كَامّ رَ. 22بَنشِيٍ مُ نَ وٌ يِ رَ وٌ وٌ دّفٍمَ عَ نُن وٌ وٌ مِنمَ دّننَشّ؟ مُنقٍ رَ وٌ يٌمَ عَلَ شَ دَنشَنِيَتْي حَمَ مَ، وٌ قَ سٍتَرٍيٍ رَيَافِ؟ ﭑ شَ مُنسٍ قَلَ وٌ بّ؟ ﭑ شَ وٌ مَتْشْ؟ ﭑ مُ وٌ مَتْشْمَ نَ شَ قٍ رَ.

23مَرِفِ نَشَن مَسٍنشِ ﭑ بّ، ﭑ بَرَ نَ دّنتّفّ وٌ بّ. عٍ مَرِفِ عِسَ يَنقَ كْي نَشَن نَ، عَ نَشَ تَامِ تٌنفٌ، 24عَ نَشَ تَنتُي رَ سِفَ عَلَ مَ، عَ قَ تَامِ عِفِرَ، عَ عَ سٌ عَ قْشِرَبِرّيٍ يِ رَ عَ قَلَقٍ رَ، «وٌ ﭑ كٌ، وٌ عَ دٌن. يِ قِندِشِ ﭑ قَتٍ نَن نَ، نَشَن قِشِ وٌ بّ. وٌ شَ رَتُ ﭑ مَ يِ سَابُي رَ.» 25عٍ تٌ فّ عٍ دّفٍدٍ، عِسَ مَن نَشَ تْنبِلِ تٌنفٌ، عَ عَ قَلَ، «ﭑ وُلِ نَن يَ، سَاتّ وُلِ نَشَن بَشِ مِشِ فبٍفبٍ بّ. وٌ نَ عَ مِن تّمُي يٌ تّمُي، وٌ شَ رَتُ ﭑ مَ يِ سَابُي رَ. 26تّمُي يٌ تّمُي، وٌ نّ نَ تَامِ دٌنمَ، وٌ نّ نَ مِنسٍ مِنمَ، وٌ لُمَ مَرِفِ شَ قَشّ نَن مَسٍن نَ هَن عَ فبِلٍن وَشَتِ.»

27نَ نَ عَ رَ، مِشِ يٌ نَشَن نَ تَامِ دٌن، عَ نَ مِنسٍ مِن بِنيّتَرٍحَ كُي، عَ بَرَ يُنُبِ سْتْ مَرِفِ قَتٍ نُن عَ وُلِ رَ. 28بٍينُن مِشِ شَ نَ تَامِ دٌن، بٍينُن مِشِ شَ نَ مِنسٍ مِن، عَ لَنمَ عَ شَ عَ يّتّ مَتٌ، 29بَرِ مَ نَشَن نَ تَامِ دٌن، عَ نَ مِنسٍ مِن، عَ مُ عَ كٌلٌن مَرِفِ قَتٍ نَن عَ رَ، عَ بَرَ كِيتِ حَاشِ سْتْ.

30نَ نَن عَ تٌشِ قُرٍ مَيٍ نُن سّنبّتَرٍيٍ وُيَشِ وٌ يَ مَ. ندٍيٍ حَن بَرَ بّلّ. 31شَ وٌن لُمَ وٌن يّتّ مَتٌ رَ، وٌن مُ قَمَ كِيتِ حَاشِ سْتْدٍ. 32مَرِفِ وٌن مَكِيتِمَ نّ، عَلَكٌ عَ شَ وٌن مَتِنشِن، وٌن نَشَ كِيتِ حَاشِ سْتْ عَلْ دُنِحَ مِشِيٍ. 33ﭑ نفَشَكٍرٍنيِيٍ، نَ كُي، وٌ شَ وٌ بٌرٍ مَمّ، وٌ وٌ مَلَنمَ تّمُي نَشّ مَرِفِ شَ سّرّشّ تْنشُمَ دٌندٍ. 34شَ كَامّ نَ مِشِ مَ، عَ شَ عَ دّفٍ عَ شْنيِ، عَلَكٌ عَ نَشَ قِندِ كِيتِ حَاشِ رَ وٌ شَ مَلَنيِ كُي. ﭑ نَ قَ، ﭑ قَمَ نَ قٍ فبّتّيٍ يَءِلَندٍ نَشٍيٍ كَنَشِ وٌ تَفِ.