AKS

سَمُوٍلِ ١ 7

عِسِرَيِلَكَيٍ فبِلٍنقٍ عَلَ مَ

1كِرِيَتِ يٍيَرِ مِ شّمّيٍ نَشَ قَ عَلَتَلَ شَ سَاتّ كَنكِرَ تٌنفٌدٍ، عٍ عَ شَنِن عَبِنَدَبٌ شْنيِ فٍيَ ندٍ قَرِ. عٍ نَشَ عَ شَ دِ شّمّ عٍلٍيَسَرِ قِندِ عَ كَنتَمَ رَ. 2عَلَتَلَ شَ سَاتّ كَنكِرَ حّ مْشْحّن نَن نَبَ كِرِيَتِ يٍيَرِ مِ. نَ تّمُي عِسِرَيِلَ حَمَ نُ وَ مَ فبِلٍنقٍ عَلَتَلَ مَ. 3سَمُوٍلِ نَشَ عَ قَلَ عِسِرَيِلَكَيٍ بّ، «شَ وٌ وَ مَ وٌ يّتّ رَفبِلٍنقٍ عَلَتَلَ مَ وٌ بْحّ بِرِن نَ، وٌ شَ عَسَتَرٌتِ كُيٍ نُن كُيٍ فبّتّيٍ بَ وٌ تَفِ، وٌ عَلَتَلَ كٍرٍن بَتُ. نَ تّمُي، عَ وٌ رَكِسِمَ نّ قِلِسِتَكَيٍ مَ.» 4نَ كُي، عِسِرَيِلَكَيٍ نَشَ بَلِ كُيٍيٍ نُن عَسَتَرٌتِ كُيٍيٍ بَ عٍ تَفِ، عٍ قَ عَلَتَلَ كٍرٍن بَتُ.

5سَمُوٍلِ نَشَ عٍ يَمَرِ، «عِسِرَيِلَكَ بِرِن شَ مَلَن مِسِثَ، ﭑ شَ عَلَتَلَ مَشَندِ وٌ بّ.» 6عِسِرَيِلَكَيٍ نَشَ عٍ مَلَن مِسِثَ سَمُوٍلِ شَ يَامَرِ بُن مَ. عٍ نَشَ يٍ بَ، عٍ عَ عِقِلِ عَلَتَلَ يَ عِ سُنيِ كُي. مّننِ عٍ نَشَ عَ قَلَ، «مُشُ بَرَ يُنُبِ رَبَ عَلَتَلَ رَ.»

7قِلِسِتَ مَنفّيٍ تٌ عَ مّ عَ عِسِرَيِلَكَيٍ مَلَنشِ مِسِثَ، عٍ نَشَ سِفَ عٍ فٍرٍدٍ. عِسِرَيِلَكَيٍ نَشَ فَاشُ عٍ يَ رَ، 8عٍ عَ قَلَ سَمُوٍلِ بّ، «عِ نَشَ مُشُ رَبّحِن. عِ شَ مُشُ مَرِفِ عَلَتَلَ مَكُلَ مُشُ بّ، عَ شَ مُشُ رَتَنفَ قِلِسِتَكَيٍ مَ.» 9سَمُوٍلِ نَشَ يّشّي يْرّ كٍرٍن بَ سّرّشّ فَن دَاشِ رَ عَلَتَلَ بّ، عَ عَ مَكُلَ عِسِرَيِلَ شَ قٍ رَ. عَلَتَلَ نَشَ عَ شَ مَشَندِ سُشُ.

10سَمُوٍلِ نُ نَ سّرّشّ بَقٍ عَلَتَلَ بّ تّمُي نَشّ، قِلِسِتَكَيٍ نَشَ عِسِرَيِلَكَيٍ فٍرٍ، كْنْ عَلَتَلَ نَشَ فَلَنيِ شُي رَ مِنِ عَ بٍلٍبٍلٍ رَ عٍ شِلِ مَ. نَ كُي قِلِسِتَكَيٍ نَشَ فَاشُ، عِسِرَيِلَكَيٍ قَ نْ عٍ رَ. 11عِسِرَيِلَكَيٍ نَشَ قِلِسِتَكَيٍ كٍرِ مِسِثَ، عٍ عٍ بْنبْ هَن بٍتِ كَرَ. 12سَمُوٍلِ نَشَ فّمّ ندٍ تٌنفٌ، عَ نَشَ عَ سَ مِسِثَ نُن سٍينِ تَفِ عَ قَلَقٍ رَ، «عَلَتَلَ مُشُ مَلِ نّ هَن بٍ.» 13قِلِسِتَكَيٍ رَيَافِ نَ كِ نّ، عٍ مُ قَ عِسِرَيِلَ بْشِ مَ سْنْن. عَلَتَلَ نَشَ عَ سّنبّ مَسٍن قِلِسِتَكَيٍ بّ سَمُوٍلِ شَ سِمَيَ بُن مَ. 14قِلِسِتَكَيٍ تَا نَشٍيٍ بَ عِسِرَيِلَكَيٍ يِ رَ، عٍ نَشَ فبِلٍن عِسِرَيِلَ مَ، كٍلِقٍ عٍكِرٌن هَن فَتِ. نَ تّمُي لَنيِ نَشَ لُ عِسِرَيِلَ نُن عَمٌرِكَيٍ تَفِ.

15سَمُوٍلِ قِندِ نّ عِسِرَيِلَ يَرٍرَتِ رَ عَ شَ سِمَيَ بِرِن كُي. 16حّ يٌ حّ، عَ نُ بِيَاسِ ندٍ رَبَمَ سِفَقٍ رَ بٍتٍلِ، فِلِفَلِ، نُن مِسِثَ عَلَكٌ عَ شَ عِسِرَيِلَكَيٍ رَحّرّ. 17نَ بِيَاسِ دَنفِ شَنبِ عَ نُ فبِلٍنمَ نّ عَ شْنيِ رَ مَ، عَ قِندِ مّننِكَيٍ قَن شَ مَنفّ رَ. عَ سّرّشّبَدٍ يَءِلَن عَلَتَلَ بّ نَ تَا كُي.