عَلَ شَنُنتٍنيِ
عَلَ مَتْشْي
1دَوُدَ شَ سُوكِ
عَلَ، عِ شَ ﭑ كَنتَ!
ﭑ مَ كَنتَرِ نَ عِ يِ رَ.
2عَلَتَلَ، ﭑ مَرِفِ نَن عِ رَ.
ﭑ مَ قٍ قَنيِ بِرِن نَ عِ تَن نَن يِ.
3يِ بْشِ سّنِيّنتْييٍ رَقَن ﭑ مَ.
مِشِ شُنفبٍ نَن عٍ رَ.
4كُيٍ بَتُييٍ شَ تْورّ فبٌمَ نّ.
كْنْ ﭑ تَن مُ سّرّشّ وُلِ دَاشِ بَمَ كُيٍيٍ بّ.
ﭑ دّ مُ عٍ شِلِ قَلَمَ.
5سٍسٍ مُ نَ ﭑ يِ رَ، قٌ عَلَتَلَ.
ﭑ وَشْنقٍ بِرِن، عَلَ نَن عَ رَ.
ﭑ مَ دُنِحّءِفِرِ بِرِن نَ عَلَ يِ رَ.
6عَلَ نَشَن سٌشِ ﭑ يِ رَ نَ قَن ﭑ بّ،
ﭑ بَرَ حّلّشِن عَ رَ.
7ﭑ بَرَ عَلَتَلَ تَنتُ، عَ مَرَ سِ قِمَ ﭑ مَ.
هَلِ كْي رَ، ﭑ شَشِلِ سْتْمَ نّ.
8لْشْ يٌ لْشْ ﭑ شَشِلِ تِشِ عَلَتَلَ رَ.
شَ عَ نَ ﭑ سّيتِ مَ، ﭑ مُ بِرَ مَ.
9ﭑ بْحّ حّلّشِنمَ نّ،
ﭑ شَشِلِ سّيوَ مَ نّ،
ﭑ قَتٍ قَن مَلَبُمَ نّ بْحّسَ كُي،
10بَرِ مَ عِ مُ ﭑ نِي رَبّحِنمَ عَلِفِيَمَ.
عِ مُ عِ شَنُنتٍنيِ لُمَ فَبُرِ كُي.
11عِ سِمَيَ كِرَ مَسٍنمَ ﭑ بّ.
حّلّشِنيِ فبٍفبٍ نَ عِ يِرٍ.
قٍ قَنيِ مُ حْنمَ عِ يِرٍ قَنيِ مَ عَبَدَن.