عِسِرَيِلَ بْشِ عَلَ شَ حَمَ رَ سّنّقٍ
عَلَ مَتْشْي
1يَشُبَ بْنسْي نَشَن قِندِشِ عِسِرَيِلَ رَ،
عٍ نَشَ مِنِ مِسِرَ شَ كٌنيِيَ رَ،
2عٍ سَبَتِ يُدَيَ عَلَ شَ هْرْ مْلِنفِرَ لُشِ دّننَشّ.
عِسِرَيِلَ بْشِ نَشَ قِندِ عَلَ شَ مَنفّيَ رَ.
3شُلُنيُمِ بَا تٌ عِسِرَيِلَ حَمَ تٌ،
عَ نَشَ رَبِ مَقُرٍن.
يُرُدّن شُرٍ تٌ عٍ تٌ قَ رَ،
عَ مَن نَشَ كِرَ قِ عٍ مَ.
4عِسِرَيِلَ فٍيَيٍ تٌ عٍ تٌ،
عٍ نَشَ تُفَن تُفَن حّلّشِنيِ رَ،
عَلْ يّشّي كٌنتٌنيِيٍ نُن يّشّي يْرّيٍ تُفَنمَ كِ نَشّ.
5مُنسٍ عَ نِيَشِ نَ بَا شَ رَبِ مَقُرٍن؟
مُنسٍ عَ نِيَشِ يُرُدّن شُرٍ كِرَ قِشِ عٍ مَ؟
6مُنسٍ عَ نِيَشِ عِسِرَيِلَ فٍيَيٍ شَ حّلّشِن
عَلْ يّشّي كٌنتٌنيِيٍ نُن يّشّيٍ يْرّيٍ؟
7دُنِحَ بِرِن شَ سّرّن مَرِفِ يَ رَ،
نَشَن قِندِ يَشُبَ مَرِفِ عَلَ رَ،
8نَشَن يٍ دُلٌنيِ رَ مِنِ قَنيٍ شْرْشْي كُي.