عَننَبِ يٍرٍ مِ شَ كَرَقٌي
1يٌسِيَ شَ دِ يٍهٌيَكِمِ شَ مَنفّيَ قْلّ يُدَيَ كُي، عَلَتَلَ نَشَ يِ مَسٍنيِ تِ عَننَبِ يٍرٍ مِ بّ، عَ نَشّ، 2«عِ شَ كَرَقٌي رَفٌرٌ عِ كْن مَ. 3عِ شَ شّيرَ شّي عٍدٌن، مٌوَبَ، عَمٌن، تِرٍ، نُن سِدْن مَنفّيٍ شْن عٍ شَ مِشِيٍ سَابُي رَ، نَشٍيٍ قَشِ دَرِ سَلَمُ، يُدَيَ مَنفّ سٍدٍكِيَ يِرٍ. 4عٍ شَ عَ قَلَ مَنفّيٍ بّ، ‹عِسِرَيِلَ مَنفّ عَلَتَلَ بَرَ يِ مَسٍنيِ تِ مَنفّيٍ بّ، 5ﭑ تَن نَن بْشِ، عَدَ مَدِيٍ، نُن دَالِسٍ بِرِن دَاشِ نَشَن نَ دُنِحَ بّندّ قُحِ قَرِ. ﭑ عٍ دَاشِ ﭑ سّنبّ مَفَاشُشِ نَن نَ. ﭑ عَ بِرِن قِمَ مِشِ نَن مَ ﭑ وَ مَ نَشَن شْن.›»
6«يَكْسِ ﭑ بَرَ يِ بْشِ بِرِن سٌ بَبِلْن مَنفّ نٍبُكَدَنسَرِ يِ رَ. عَ تَن نَن قِندِشِ ﭑ مَ كٌنيِ رَ. ﭑ بَرَ وُلَءِ سُبٍيٍ قَن لُ عَ سَفٌي. 7حَمَنّ بِرِن قَمَ لُدٍ عَ تَن نَن مَ يَامَرِ بُن مَ. عٍ مَن لُمَ نّ عَ شَ دِ نُن عَ شَ مَمَدِ قَن مَ يَامَرِ بُن مَ، بٍينُن عَ شَ وَشَتِ شَ كَمَلِ. نَ تّمُي حَمَنّ سّنبّمَيٍ نُن مَنفّ شُنفبٍيٍ قَمَ نّ دُ سُدٍ عَ شُن نَ.»
8«شَ حَمَنّ مَنفّ ندٍ تٌندِ بَبِلْن مَنفّ نٍبُكَدَنسَرِ رَبَتُدٍ، ﭑ تَن نَن قَمَ سَنتِدّفّمَ، كَامّ، نُن قُرٍ حَاشِ رَ نَ كَنيِ مَ، هَن عَ شَ حَمَنّ حْن نٍبُكَدَنسَرِ سَابُي رَ. عَلَتَلَ شَ مَسٍنيِ نَن نَ كِ. 9وٌ نَشَ وٌ تُلِ مَتِ وٌ شَ نَمِحْنمّيٍ، وٌ شَ سٍمَتٌي، وٌ شَ دُورٍيٍ، نُن وٌ شَ مَندُرُلَيٍ رَ، نَشٍيٍ عَ قَلَمَ وٌ بّ، ‹وٌ مُ لُمَ بَبِلْن مَنفّ سَفٌي.› 10عٍ نَ وُلٍ نَن قَلَقٍ وٌ بّ، عَلَكٌ وٌ شَ مَكُيَ وٌ شَ بْشِ رَ، وٌ شَ لُ كٌنيِيَ كُي، هَن وٌ شَ حْن. 11كْنْ حَمَ نَشَن نَ عَ يّتّ مَفٌرٌ بَبِلْن مَنفّ بّ، عَ عَ رَبَتُ، ﭑ نَ حَمَ شُن نَقَنمَ نّ عَ شَ بْشِ مَ، عَ شَ وَلِ مّننِ، عَ سَبَتِ نَا. عَلَتَلَ شَ مَسٍنيِ نَن نَ كِ.»
12ﭑ نَشَ يِ مَسٍنيِ تِ يُدَيَ مَنفّ سٍدٍكِيَ بّ، «وٌ شَ لُ بَبِلْن مَنفّ شَ يَامَرِ بُن مَ، وٌ شَ وٌ مَفٌرٌ عَ تَن نُن عَ شَ حَمَ بّ عَلَكٌ وٌ شَ كِسِ. 13مُنقٍ رَ عِ نُن عِ شَ حَمَ وَ مَ قَشَقٍ سَنتِدّفّمَ، كَامّ، نُن قُرٍ حَاشِ رَ، عَلْ عَلَتَلَ عَ مَسٍنشِ كِ نَشّ حَمَ بِرِن بّ نَشَن مُ تِن عَ مَفٌرٌدٍ بَبِلْن مَنفّ بّ؟ 14وٌ نَشَ وٌ تُلِ مَتِ نَمِحْنمّيٍ رَ نَشٍيٍ عَ قَلَمَ، ‹وٌ مُ لُمَ بَبِلْن مَنفّ شَ يَامَرِ بُن مَ.› عٍ وُلٍ نَن تُن قَلَقٍ. 15عَلَتَلَ شَ مَسٍنيِ نَن يَ؛ ‹ﭑ تَن شَ مُ عٍ شّيشِ. عٍ وُلٍ نَن تُن قَلَقٍ وٌ بّ ﭑ شِلِ رَ، عَلَكٌ ﭑ شَ وٌ كٍرِ، ﭑ مَن شَ وٌ شُن نَكَنَ، وٌ تَن نُن نَمِحْنمّ نَشٍيٍ وْيّنقٍ وٌ بّ.›»
16ﭑ بَرَ يِ مَسٍنيِ تِ سّرّشّدُبّيٍ نُن حَمَ بّ، «عَلَتَلَ نَشَ عَ مَسٍن، ‹وٌ نَشَ وٌ تُلِ مَتِ وٌ شَ نَمِحْنمّيٍ رَ نَشٍيٍ عَ قَلَمَ وٌ بّ عَ عَلَتَلَ شَ بَنشِ يِرَبَسٍيٍ قَمَ نّ رَفبِلٍندٍ وٌ يِرٍ كٍلِقٍ رَ بَبِلْن بْشِ مَ. عٍ نَ وُلٍ نَن تُن قَلَقٍ. 17وٌ نَشَ وٌ تُلِ مَتِ عٍ رَ، وٌ وٌ مَفٌرٌ بَبِلْن مَنفّ بّ، عَلَكٌ وٌ شَ كِسِ. مُنقٍ رَ وٌ وَ مَ يِ تَا شَ كَنَ؟ 18شَ نَمِحْنمّيٍ نَن عٍ رَ، شَ عٍ نَ عَلَتَلَ شَ مَسٍنيِ نَن تِقٍ، عٍ شَ مَنفّ عَلَتَلَ مَشَندِ عَلَكٌ يِرَبَسٍ نَشٍيٍ لُشِ عَلَتَلَ شَ بَنشِ كُي، يُدَيَ مَنفّ شَ بَنشِ كُي، نُن دَرِ سَلَمُ كُي، عٍ نَشَ عٍ شَنِن بَبِلْن بْشِ مَ. 19مَنفّ عَلَتَلَ بَرَ قٍ ندٍ قَلَ عَ شَ بَنشِ سَنيِيٍ شَ قٍ رَ، نَ يٍ رَفَتَدٍ شُنفبٍ، نُن نَ يٍ رَفَتَدٍ شُنشُرِيٍ، نُن سٍ فبّتّ شَ قٍ رَ نَشٍيٍ نَ تَا كُي، 20بَبِلْن مَنفّ نٍبُكَدَنسَرِ مُ نَشٍيٍ شَنِن، عَ تٌ نُ يٍهٌيَكِمِ شَ دِ يُدَيَ مَنفّ يٍهٌيَكِنِ، يُدَيَ كُنتِفِيٍ، نُن دَرِ سَلَمُكَيٍ شَنِنقٍ عَ شْنيِ. 21عِسِرَيِلَ مَنفّ عَلَتَلَ نَشَ مَسٍنيِ تِ يِرَبَسٍيٍ شَ قٍ رَ نَشٍيٍ نُ لُشِ عَ شَ بَنشِ كُي، يُدَيَ مَنفّ شَ بَنشِ كُي، نُن دَرِ سَلَمُ كُي، 22عٍ بِرِن شَنِنمَ نّ بَبِلْن بْشِ مَ. عٍ لُمَ نّ نَا هَن عَ نَتّ تٌنفٌمَ تّمُي نَشّ، عَ مَن شَ عٍ رَفبِلٍن دَرِ سَلَمُ.›»