AKS

يَبُرَ 60

عَلَ قَمَ شُننَكٍلِ رَ

عَلَ مَشَندِ

1دَوُدَ شَ لْننِ سُوكِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «قُفٍ تٌقَنيِ عَلْ عَلَ شَ سَاتّ.» 2عِسِرَيِلَ تٌ سِرٍنِكَيٍ فٍرٍ، عٍ يِ بّيتِ بَ نَ تّمُي نّ. عٍ نُ كٍلِشِ مٍسٌثٌتَمِيَ نُن سٌبَ بْشِ مَ. يٌوَبَ نَشَ عٍدٌنكَ وُلُ قُ نُن قِرِن قَشَ قٌلٍ كُي قْشْي نَ دّننَشّ.

3عَلَ، عِ بَرَ مُشُ رَلْي،

عِ بَرَ ندٍ بَ مُشُ شَ فَلِ رَ،

عِ بَرَ شْنْ مُشُ مَ،

كْنْ يَكْسِ، عِ شَ سّنبّ قِ مُشُ مَ.

4عِ بَرَ بْشِ رَ سّرّن،

عِ بَرَ عَ عِبْو.

عِ شَ نَ يَءِلَن مُشُ بّ

بَرِ مَ بْشِ وَ مَ كَنَقٍ.

5عِ بَرَ قٍ شْرْشْييٍ دْشْ عِ شَ مِشِيٍ مَ،

هَن عٍ بَرَ لُ عَلْ سِيسِلَ.

6كْنْ نَشٍيٍ فَاشُشِ عِ يَ رَ،

عِ بَرَ تْنشُمَ سٌ عٍ يِ رَ،

عٍ شَ نْ عٍ يَشُييٍ رَ.

7عِ شَ عِ شَنُنتٍنيِيٍ رَكِسِ عِ سّنبّ رَ،

عِ شَ مُشُ شَ دُبّ سُشُ.

8عَلَ شَ مَسٍنيِ نَن يَ،

عَ نَشَن قَلَشِ هْرْ مْبَنشِ سّنِيّنشِ كُي،

«ﭑ سِكٍمِ تَا قِمَ نّ وٌ مَ شُننَكٍلِ كُي،

ﭑ سُكْتِ فٍيَ لَنبَنيِ قَن قِ وٌ مَ.

9فَلَدِ بْشِ، ﭑ فبٍ. مَنَسِ بْشِ، ﭑ فبٍ.

عٍقِرَ مِكَيٍ نَن قِندِ مَ ﭑ مَ فٍرٍ سٌي رَ.

ﭑ مَنفّ دْشْمَ نّ يُدَيَ.

10مٌوَبَكَيٍ قِندِ مَ ﭑ مَ كٌنيِيٍ نَن نَ.

عٍدٌن قِندِ ﭑ مَ بْشِ رَ.

ﭑ فٍرٍ شُي رَتٍمَ نّ قِلِسِتَ.»

11عَلَ، ندٍ نْمَ ﭑ شَنِندٍ نَ تَا مَكَنتَشِ كُي؟

ندٍ نْمَ ﭑ شَنِندٍ هَن عٍدٌن بْشِ مَ؟

12عِ تَن فبَنسَن، عِ تَن نَشَن مُشُ رَلْي،

عِ تَن نَشَن مُ نُ نَ مُشُ شَ سْورِيٍ سّيتِ مَ.

13مُشُ مَلِ مُشُ يَشُييٍ فٍرٍدٍ.

عَدَ مَدِ شَ مَلِ، سٍسٍ مُ عَ رَ،

14كْنْ عَلَ شَ مَلِ تَن قَمَ مُشُ يَشُي بِرِن هَلَكِدٍ.