تِنَ شَ قٍ
1عِ نَشَ عِ يّتّ مَتْشْ تِنَ شَ قٍ رَ،
بَرِ مَ عِ مُ عَ كٌلٌن نَشَن قَمَ رَبَدٍ.
2عِ نَشَ عِ يّتّ مَتْشْ، عَ لُ مِشِ فبّتّ نَن شَ عِ مَتْشْ.
مِشِ فبّتّ شَ مَتْشْي قِسَ عِ يّتّ شَ مَتْشْي بّ.
3كٌتٍ نَن فّمّ رَ، مّيّنيِ قَن بِنيَ،
كْنْ شَشِلِتَرٍ شَ فبّسّنشْننّيَ شْرْشْ عَ بِرِن بّ.
4بْحّ شَ تٍ شْرْشْ، شْنّ قَن مَفَاشُ،
كْنْ ندٍ نْمَ تِدٍ تْونّ تَن يَ رَ؟
5مَرَكْرْ سِ رَ مِنِقٍ كّنّ مَ مِشِ شَ تَنتَنيِ شَ قٍ رَ،
نَ قِسَ مَرَكْرْ سِ نْشُنقٍ مَرَقَنيِ شَ قٍ رَ.
6عِ شَنُنتٍنيِ شَ مَرَكْرْ سِ شْنْ، كْنْ لَ نَ رَ.
عِ يَشُي تَن عِ مَدَشُمَ نّ وْيّنيِ حْشُنمّ رَ.
7مِشِ لُفَشِ مُ وَ مَ هَلِ كُمِ شْن،
كْنْ كَامّتْي تَن، هَلِ سٍ شْنّ نَن عَ رَ،
عَ حْشُن عَ بّ.
8شّمّ نَشَن عَ مَكُيَمَ عَ شْنيِ رَ،
نَ مَنِيَ شْنِ رَ نَشَن عَ مَكُيَمَ عَ تّي رَ.
9لَبُندّ نُن سُرَيِ بْحّ رَ سّيوَ مَ نّ،
عَلْ عِ شَنُنتٍنيِ شَ مَرَ سِ قَنيِ.
10عِ نَشَ عِ دّقَنبٌورٍ رَبٌلٌ،
عِ نَشَ عِ بَبَ دّقَنبٌورٍ رَبٌلٌ.
عِ نَشَ عِ بَرِبٌورٍ شِلِ عِ شَ تْورّ مَ.
عِ دْشْبٌورٍ مَكْرّشِ قِسَ عِ نفَشَكٍرٍنيِ مَكُيَشِ بّ.
11ﭑ مَ دِ، بِرَ لْننِ قْشْ رَ عَلَكٌ ﭑ بْحّ شَ رَقَن ﭑ مَ.
نَ كُي ﭑ نْمَ نّ مِشِ يَابِدٍ نَشَن وَ مَ ﭑ نَيَافِقٍ.
12شَشِلِمَ عَ يّتّ رَتَنفَمَ قٍ شْرْشْي مَ،
كْنْ شَشِلِتَرٍ تَن سٌمَ نّ نَ كُي، عَ قَ حَشَنكَتّ سْتْ.
13مِشِ شَ سّيكّ سٍ رَ سُشُ عَ نَشَن تَانِ شْحّ بّ،
شَ نَ مُ عَ رَ عَ نَشَن تَانِ لَنفٌي بّ.
14عِ نَ عِ دْشْبٌورٍ شّيبُ عِ شُي عِتٍشِ رَ فّيسّفّ فبٍ رَ،
عِ بَرَ عَ بْحّ رَحَاشُ عَ مَ عِ تَن مَبِرِ.
15فِنّ قِتِنّتْي لُشِ نّ عَلْ تُنّ دِ نَشَن قّيحّنمَ قَ رَ.
16نَ فِنّ مْولِ رَشَنقٍ، نَ مَنِيَمَ قٌيٍ رَشَنقٍ رَ،
عَ سُشُقٍ شْرْشْ عَلْ تُرٍ سُشُقٍ عِ بّلّشّ رَ.
17وُرٍ نَن وُرٍ رَلُفَنمَ.
مِشِ عَ بٌورٍ رَكَمَلِمَ نّ.
18مِشِ نَشَن مّينِمَ شْرّ بِلِ مَ، عَ عَ بٌفِ دٌنمَ نّ.
مِشِ نَشَن مّينِمَ عَ كَرَ مْشْ مَ، عَ بِنيّ سْتْمَ نّ.
19عَدَ مَ يَتَفِ نَ كِ نَشّ، نَ نَن مِنِمَ يٍ شْورَ.
عَدَ مَ يَتِ نَ كِ نَشّ، نَ تٌمَ نّ عَ بْحّ كُي.
20عَلِفِيَمَ مُ وَ سَمَ مِشِ قَشَشِيٍ رَ،
عَدَ مَ قَن مُ وَ سَمَ عَ وَشْنسٍ رَ.
21شّيمَ نُن فبٍتِ مَتٌمَ تّ رَ،
كْنْ مِشِ مَكِيتِمَ عَ شِلِ نَن مَ.
22عِ نَ مَالٍ دِن، عَ لَفِ بَمَ نّ عَ مَ،
كْنْ شَشِلِتَرٍحَ مُ بَمَ شَشِلِتَرٍ بْحّ كُي.
23عِ شَ عِ شَ شُرُ سٍ بِرِن كٌلٌن عَ قَنيِ رَ، عِ شَ مّينِ عٍ مَ،
24بَرِ مَ بَننَيَ مُ بُمَ تّمُي بِرِن،
شُننَكٍلِ قَن مُ بُمَ عَبَدَن.
25شُرُ سٍيٍ نَ فّ عٍ بَلٌدٍ حٌوفٍ رَ نَشَن تٌمَ قِيلِ مَ نُن فٍيَ قَرِ،
26يّشّييٍ شَبٍ يَءِلَن دُفِ رَ عِ بّ،
سِ كٌنتٌنيِ قِندِ كْبِرِ رَ عِ شّ سَرَ مَ نَشَن نَ،
27سِ شِحّ قِندِ عِ شَ دٍنبَيَ نُن عِ شَ كٌنيِيٍ بَلٌ سٍ رَ.