عِسِرَيِلَ شَ كُيٍ بَتُي
1«وٌ شَ فٍرٍ سَرَ قٍ!
يَشُي فٌرٌ مَ نّ عَلَتَلَ شَ بَنشِ مَ عَلْ سّفّ،
بَرِ مَ حَمَ بَرَ ﭑ مَ لَايِدِ كَنَ،
عٍ نَشَ مُرُتَ ﭑ مَ سّرِيّ مَ.
2عٍ ﭑ شِلِمَ،
‹مُشُ مَرِفِ عَلَ، مُشُ عِ كٌلٌن، مُشُ تَن، عِسِرَيِلَ.›
3عِسِرَيِلَ تٌ بَرَ قٍ قَنيِ بّحِن،
يَشُي بِرَ مَ نّ عَ قْشْ رَ.
4عٍ بَرَ مَنفّيٍ تِ ﭑ مَ يَامَرِ مُ نَشَن نَ،
عٍ بَرَ كُنتِفِيٍ تِ عٍ مُ ﭑ مَشْرِن.
عٍ بَرَ كُيٍيٍ رَقَلَ عٍ شَ فبٍتِ نُن شّيمَ رَ.
نٍيٍ هَلَكِمَ نَ نَن مَ.
5سَمَرِكَيٍ، وٌ وٌ شَ نِنفٍ كُيٍ وْلّ.
ﭑ بَرَ شْنْ وٌ مَ عَ حَاشِ رَ.
وٌ وٌ يّتّ مَنْشْمَ يِ قٍ مْولِ رَ هَن مُن تّمُي؟
6يِ كُيٍ قَتَنشِ وٌ تَن عِسِرَيِلَ نَن نَ.
مِشِ ندٍ نَن عَ رَقَلَشِ، عَلَ مُ عَ رَ!
سَمَرِ شَ نِنفٍ كُيٍ قَمَ نّ بُتُشُندٍ.
7نَشَن حّرّ مَ قٍ حَاشِ كُي،
فبَلٌي قَمَ نّ عَ لِدٍ.
هَلِ مّنفِ تْنسْي كٍرٍن، عٍ مُ عَ سْتْمَ شّ مَ.
سَنسِ نَشَن بُلَمَ، عَ مُ قِندِ مَ بَلٌي رَ.
هَلِ ندٍ قِندِ عَ رَ، سِ فبّتّ نَن عَ دٌنمَ.
8عٍ بَرَ عِسِرَيِلَ شُن نَكَنَ،
عٍ عٍ شَنِن حَمَنّ كٌنيِيَ كُي.
9عِسِرَيِلَكَيٍ بَرَ سِفَ عَسِرِيَ بْشِ مَ،
عَلْ سٌقَلٍ نَشَن لُمَ عَ كٍرٍن.
10هَلِ عٍ مِشِ نَشٍيٍ سَرَشِ سِيٍ تَفِ عٍ كَنتَقٍ مَ،
ﭑ عٍ بِرِن مَلَنمَ نّ،
عَلَكٌ عٍ شَ تْورْ مَنفّيٍ شَ كٌتٍ بُن مَ.
11عٍقِرَ مِ بَرَ سّرّشّبَدٍيٍ رَوُيَ
عَلَكٌ عٍ شَ يُنُبِيٍ شَ شَقَرِ،
كْنْ نَ سّرّشّبَدٍيٍ بَرَ عَ نِيَ
عٍ شَ يُنُبِيٍ سْتْ.
12ﭑ بَرَ ﭑ مَ سّرِيّيٍ بِرِن سّبّ، عٍ شَ نَ كٌلٌن،
كْنْ عٍ مُ تِدٍ تٌشِ عَ مَ.
13عٍ سّرّشّيٍ بَمَ ﭑ بّ، عٍ نَ سُبٍ دٌن،
كْنْ نَ مُ رَقَن عَلَتَلَ مَ.
يَكْسِ، عَلَتَلَ قَمَ نّ عٍ حَشَنكَتَدٍ عٍ شَ يُنُبِيٍ شَ قٍ رَ،
عٍ شَ فبِلٍن مِسِرَ بْشِ مَ.
14عِسِرَيِلَ بَرَ نّيمُ عَلَ مَ، نَشَن عٍ دَاشِ.
عٍ نَ مَنفّ بَنشِيٍ تِقٍ.
يُدَيَ قَن نَ تَايٍ تِقٍ، نَشٍيٍ سّنبّ فبٌ،
كْنْ ﭑ نَ بِرِن فَنمَ نّ تّ رَ.»