مَلٍكّيٍ شَ بُكِ لَنمَدِ
1ﭑ نَشَ مَلٍكّ سّنبّمَ فبّتّ تٌ فٌرٌ رَ كٍلِقٍ كٌورٍ نُشُي كُي. سٍنكُي نُ نَ عَ شُنيِ رَبِلِنيِ، عَ يَتَفِ نُ يَنبَمَ عَلْ سٌفٍ، عَ سَنيِيٍ نُ مَنِيَشِ تّ نَن نَ. 2بُكِ لَنمَدِ نُ نَ عَ بّلّشّ، عَ رَبِشِ. مَلٍكّ يِرٍقَنيِ سَنيِ نُ تِشِ بَا قَرِ، بٌورٍ قَن نُ تِشِ شَرٍ مَ. 3عَ نَشَ عَ شُي رَ مِنِ سّنبّ رَ، نَشَن مَنِيَ يّتّ شُي رَ. فَلَنيِ سٌلٌقٍرٍ نَشَ عَ شُي رَتِن. 4نَ فَلَنيِ سٌلٌقٍرٍ شُي تٌ مِنِ، ﭑ نُ وَ مَ نَ سّبّقٍ، كْنْ شُي ندٍ نَشَ كٍلِ كٌورٍ مَ، عَ عَ قَلَ ﭑ بّ، «فَلَنيِ سٌلٌقٍرٍ شَ مَسٍنيِ نْشُن، عِ نَشَ عَ سّبّ.»
5مَلٍكّ نَشَن سَنيِ نُ تِشِ بَا نُن شَرٍ قَرِ، عَ نَشَ عَ يِرٍقَنيِ بّلّشّ عِتَلَ كٌورٍ مَ، 6عَ قَ عَ كَلِ عَلَ رَ نَشَن حِحّ عَ رَ عَبَدَن، نَشَن كٌورٍ، بْشِ، نُن بَا دَا، عَ نُن عٍ كُي سٍ بِرِن. عَ نَشَ عَ مَسٍن عَ وَشَتِ مُ قَ دُفُندِقٍ سْنْن. 7مَلٍكّ سٌلٌقٍرٍ ندٍ نَ عَ شَ سَرَ قٍ تّمُي نَشّ، عَلَ فُندٌ قَمَ نّ كَمَلِدٍ عَلْ عَ نُ بَرَ عَ مَسٍن عَ شَ كٌنيِ نَمِحْنمّيٍ بّ كِ نَشّ.
8نَ شُي نَشَن نُ بَرَ وْيّن ﭑ بّ كٍلِقٍ كٌورٍ مَ، نَ مَن نَشَ عَ مَسٍن ﭑ بّ، «سِفَ، عِ سَ بُكِ لَنمَدِ رَبِشِ تٌنفٌ نَشَن نَ مَلٍكّ بّلّشّ، مَلٍكّ نَشَن سَنيِ تِشِ بَا نُن شَرٍ قَرِ.» 9ﭑ نَشَ سِفَ نَ مَلٍكّ يِرٍ، ﭑ قَ عَ مَشَندِ عَ شَ نَ بُكِ لَنمَدِ سٌ ﭑ يِ رَ. عَ نَشَ عَ قَلَ ﭑ بّ، «عِ شَ عَ تٌنفٌ، عَ دٌن. عَ شْنّ رَ سٌمَ نّ عِ قُرِ، كْنْ عَ حْشُنمَ نّ عِ دّ كُي عَلْ كُمِ.» 10ﭑ نَشَ نَ بُكِ لَنمَدِ تٌنفٌ مَلٍكّ بّلّشّ، ﭑ نَشَ عَ دٌن. عَ نُ حْشُن ﭑ دّ كُي عَلْ كُمِ، كْنْ عَ تٌ ﭑ قُرِ كُي لِ، عَ نَشَ قِندِ شْنّ رَ. 11نَ تّمُي عَ نَشَ عَ قَلَ ﭑ بّ، «عَ لَنمَ عِ مَن شَ وْيّن عَلَ شِلِ رَ حَمَنّيٍ شَ قٍ رَ، سِيٍ شَ قٍ رَ، شُي فبّتّ قَلّيٍ شَ قٍ رَ، نُن مَنفّ فبٍفبٍ شَ قٍ رَ.»