عَيُبَ شَ مَسٍنيِ دْنشْي
«ﭑ مَ تّمُي قَنيِ دَنفِشِ»
1عَيُبَ نَشَ يِ مَسٍنيِ تِ؛
2«شَ ﭑ مَ تّمُي دَنفِشِيٍ نَن عَ رَ يِ كِ نُ،
عَلَ نُ مّينِمَ ﭑ مَ تّمُي نَشّ.
3عَ شَ نَءِيَلَنيِ تٌ نُ نَ ﭑ شُن مَ،
عَ تٌ نُ تّ تِمَ ﭑ بّ كِرَ شْن مَ دِ مِ كُي.
4ﭑ سّنبّ نُ فبٌ نَ تّمُي،
ﭑ نُن عَلَ دّ نُ قَن.
5نَ تّمُي عَلَ سّنبّ كَنيِ نُ نَ ﭑ سّيتِ مَ،
ﭑ مَ دِيٍ قَن نُ نَ ﭑ نَبِلِنيِ.
6ﭑ مَ قٍ بِرِن نُ سْونّيَشِ،
شِحّ نُن تُرٍ نُ فبٌ ﭑ يِ رَ.»
7«ﭑ تٌ نُ سِفَمَ تَا سٌدٍ دّ رَ،
حَمَ نُ نَ دّننَشّ،
8قٌنِكٍيٍ نُ كِرَ عِبَمَ نّ ﭑ بّ،
قٌرِيٍ نُ كٍلِ عٍ تِ ﭑ بِنيَقٍ مَ.
9كُنتِفِيٍ نُ عٍ سَبَرِ مَ نّ ﭑ يَ رَ،
10مَنفّيٍ نُ وْيّنيِ سٌ ﭑ يِ، عٍ تَن دُندُ،
11بَرِ مَ نَشَن نَ ﭑ شُي مّ، عَ قٍ قَنيِ قَلَ ﭑ مَ قٍ رَ.
نَشٍيٍ نُ ﭑ تٌمَ، ﭑ نُ رَقَنمَ عٍ مَ.
12ﭑ نُ تْورْ مِشِيٍ مَلِمَ،
ﭑ نُ كِرِدِيٍ كِمَ، بٌورٍيٍ نُ نّيمُمَ نَشٍيٍ مَ.
13مِشِ نَشَن نُ نَ سَيَ كِرَ شْن مَ،
نَ نُ دُبَمَ نّ ﭑ بّ.
ﭑ نُ كَاحّ فِنّ بْحّ رَ سّيوَ مَ.
14ﭑ نُ ﭑ حّرّ مَ تِنشِنيِ كُي،
نْندِ نُ قِندِشِ ﭑ يُفٍ نَن نَ.
15ﭑ نُ قِندِشِ سَابُي قَنيِ نَن نَ دْنشُي نُن مَبّنيِ بّ.
16ﭑ نُ قِندِشِ بَبّ نَن نَ سٍتَرٍيٍ بّ،
ﭑ شْحّيٍ مَلِ عٍ شَ تْورّ كُي.
17ﭑ نُ تِنشِنتَرٍيٍ شَ قٍ شُن نَكَنَمَ،
ﭑ مِسِكِينّ رَتَنفَ عٍ شَ قٍ كٌبِيٍ مَ.
18ﭑ نُ عَ مَحْشُنمَ سَيَ ﭑ لِمَ هّيرِ نَن كُي،
ﭑ مَ سِمَيَ قَ كَمَلِ عَلْ بَا دّ رَ مّيّنيِ.
19ﭑ نُ عَ مَحْشُنمَ ﭑ مَ دُنِحّءِفِرِ سْونّيَمَ نّ،
عَلْ سَنسِ نَشَن سَنكٍ بَرَ يٍ لِ، عَ سَلٌنيِ شِنِ سْتْ.
20ﭑ نُ عَ مَحْشُنمَ ﭑ شُن نَكٍلِمَ نّ تّمُي بِرِن،
ﭑ تَنبّ وٌلِ سّنبّ رَ.»
21«مِشِيٍ نُ عٍ تُلِ مَتِمَ نّ ﭑ نَ،
عٍ عٍ سَبَرِ ﭑ مَ مَرَ سِ رَ مّقٍ رَ.
22ﭑ مَ مَسٍنيِيٍ نُ رَقَنمَ عٍ مَ،
عٍ مُ نُ عٍ مَتَندِ مَ.
23عٍ نُ ﭑ مَمّمَ عَلْ مِشِ تُنّ مَمّمَ كِ نَشّ،
عٍ ﭑ مَ وْيّنيِ بِرِن سُشُ سّيوّ كُي.
24عٍ نَ ﭑ يَتَفِ تٌ،
عٍ بِرِن نُ عٍ شَشِلِ تِمَ ﭑ نَ.
25ﭑ نُ عٍ رَحّرّ مَ،
ﭑ نُ لُشِ نّ عٍ بّ عَلْ عٍ شَ مَنفّ،
نَشَن دْشْشِ كِبَنيِ كُي عٍ تَفِ،
عَ نُ تْورْ مِشِيٍ مَدُندُ.»