عَلَ شَ سّرِيّ نُن عَدَ مَ شَ نَامُنيِ
مَرَكِ ٧؛١ ٬ ٢٣
1قَرِ سّنِ نُن سّرِيّ كَرَ مْشْ ندٍيٍ نَشَ قَ عِسَ يِرٍ كٍلِقٍ دَرِ سَلَمُ. عٍ نَشَ عَ مَشْرِن، 2«مُنقٍ رَ عِ قْشِرَبِرّيٍ لُمَ قٌرِيٍ شَ نَامُنيِيٍ مَتَندِ رَ؟ عٍ مُ عٍ بّلّشّ رَشَمَ بٍينُن عٍ شَ عٍ دّفٍ عَلْ قٌرِيٍ شَ نَامُنيِيٍ عَ مَسٍنشِ كِ نَشّ.» 3عِسَ نَشَ عٍ يَابِ، «مُنقٍ رَ وٌ تَن عَلَ شَ سّرِيّ مَتَندِ مَ وٌ شَ نَامُنيِيٍ شَ قٍ رَ؟ 4عَلَ بَرَ عَ مَسٍن، ‹وٌ شَ وٌ بَبَ نُن وٌ نفَ بِنيَ.› عَ مَن بَرَ عَ مَسٍن، ‹مِشِ يٌ نَشَن نَ عَ بَبَ نُن عَ نفَ كٌنبِ، عَ لَن نّ نَ كَنيِ شَ قَشَ.› 5كْنْ وٌ تَن نَشّ، شَ مِشِ ندٍ عَ قَلَ عَ بَبَ شَ نَ مُ عَ نفَ بّ، ‹عِ نُ لَنمَ عِ شَ نَشَن سْتْ ﭑ نَ عِ مَلِسٍ رَ، ﭑ بَرَ عَ قِ عَلَ مَ،› 6هَلِ نَ كَنيِ مُ قٍقٍ رَبَ عَ بَبَ بّ. نَ كُي، وٌ عَلَ شَ سّرِيّ مَتَندِ مَ وٌ شَ نَامُنيِ سَابُي رَ. 7وٌ تَن قِلَنكَقُييٍ! عَننَبِ عٍسَيِ نْندِ يَتِ نَن مَسٍن وٌ شَ قٍ رَ،
8‹يِ حَمَ ﭑ بِنيَمَ عٍ دّ نّ،
كْنْ عٍ بْحّ مَكُيَ ﭑ نَ ثٌن!
9عٍ شَ سَلِ قُقَقُ نَن عَ رَ،
بَرِ مَ عٍ مِشِ شَرَنمَ عَدَ مَدِيٍ شَ مَحْشُنيِيٍ نَن نَ
عَلْ نَ مَحْشُنيِيٍ قِندِشِ ﭑ تَن مَ سّرِيّ نَن نَ.›»
10عِسَ نَشَ حَمَ شِلِ، عَ عَ مَسٍن عٍ بّ، «وٌ وٌ تُلِ مَتِ، وٌ شَ قَهَامُي سْتْ. 11سٍ نَشَن سٌمَ مِشِ دّ كُي، نَ شَ مُ عَ قِندِ مَ مِشِ سّنِيّنتَرٍ رَ. نَشَن مِنِمَ عَ دّ كُي، نَ نَن عَ قِندِ مَ مِشِ سّنِيّنتَرٍ رَ.»
12نَ تّمُي عِسَ قْشِرَبِرّيٍ نَشَ عٍ مَسٌ عَ رَ، عٍ عَ قَلَ عَ بّ، «عِ مُ عَ كٌلٌن عِ شَ مَسٍنيِ بَرَ قَرِ سّنِيٍ رَشْنْ؟» 13عِسَ نَشَ عٍ يَابِ، «ﭑ بَبَ نَشَن نَ عَرِيَننَ، عَ سَنسِ بِرِن تَلَمَ نّ عَ تَن مُ نَشَن سِشِ. 14وٌ عٍ لُ نَ. دْنشُي نَن نَ عٍ رَ نَشٍيٍ دْنشُييٍ رَحّرّ مَ. شَ دْنشُي دْنشُي رَحّرّ، عٍ قِرِن بِرِن بِرَ مَ نّ يِلِ كُي.»
15ثِيّرِ نَشَ عَ قَلَ عَ بّ، «يِ تَالِ تَفِ رَبَ مُشُ بّ.» 16عِسَ نَشَ عَ يَابِ، «هَن يَ وٌ قَن مُ قَهَامُي سْتْ؟ 17وٌ مُ عَ كٌلٌن عَ سٍ نَشَن بِرِن سٌمَ مِشِ دّ كُي، عَ فٌرٌ مَ قُرِ نَن كُي، عَ قَ مِنِ قَتٍ عِ؟ 18كْنْ مَسٍنيِ نَشَن مِنِمَ مِشِ دّ كُي، عَ كٍلِمَ عَ بْحّ نَن مَ. نَ نَن نْمَ عَ قِندِدٍ مِشِ سّنِيّنتَرٍ رَ. 19بَرِ مَ مَحْشُن كٌبِيٍ، قَشّ تِقٍ، يّنّ، لَنفٌيحَ، مُحّ، تْوحّفّ، مِشِ شِلِ كَنَقٍ، نٍيٍ بِرِن قَتَنمَ مِشِ بْحّ نَن نَ. 20نٍيٍ نَن مِشِ قِندِ مَ مِشِ سّنِيّنتَرٍ رَ، كْنْ مِشِ عَ دّفٍقٍ عَ بّلّشّ رَشَتَرٍ رَ، نَ شَ مُ عَ قِندِ مَ مِشِ سّنِيّنتَرٍ رَ.»
كَنَان فِنّ شَ دَنشَنِيَ
مَرَكِ ٧؛٢٤ ٬ ٣٠
21عِسَ نَشَ كٍلِ مّننِ، عَ سِفَ تِرٍ نُن سِدْن بْشِ مَ. 22كَنَان فِنّ ندٍ نَشَن كٍلِشِ نَ لٌنفٌرِ، عَ نَشَ قَ عِسَ يِرٍ عَ عَ شُي عِتٍ، «مَرِفِ، دَوُدَ شَ دِ، كِنِكِنِ ﭑ مَ. حِننّ بَرَ ﭑ مَ دِ فِنّ حَشَنكَتَ قٍوٌ!» 23كْنْ عِسَ مُ سٍسٍ قَلَ عَ بّ. عَ قْشِرَبِرّيٍ نَشَ عٍ مَسٌ عِسَ رَ، عٍ عَ قَلَ عَ بّ، «يِ فِنّ كٍرِ، عَ نَ فبٍلٍفبٍلٍقٍ وٌن قْشْ رَ.» 24عِسَ نَشَ عَ مَسٍن، «ﭑ شّيشِ عِسِرَيِلَ بْنسْي فبَنسَن نَن مَ، نَشٍيٍ لُشِ عَلْ يّشّي لْيشِيٍ.» 25كْنْ فِنّ نَشَ قَ عَ سُيِدِ عَ بّ، عَ عَ قَلَ، «مَرِفِ، عِ شَ ﭑ مَلِ!» 26عِسَ نَشَ عَ يَابِ، «عَ مُ لَن تَامِ شَ بَ دِ مّدِيٍ يِ رَ، عَ سَ بَرٍيٍ بُن مَ.» 27فِنّ نَشَ عَ قَلَ، «مَرِفِ، عِ نْندِ، كْنْ هَلِ بَرٍيٍ، عٍ دٌنسٍ شُنتُنيِ ندٍ سْتْمَ نَشَن بِرَ مَ عٍ كَنيِ شَ تٍيبِلِ رَ.» 28نَ كُي، عِسَ نَشَ عَ مَسٍن عَ بّ، «فِنّ، عِ شَ دَنشَنِيَ فبٌ! عِ وَشْنقٍ بَرَ رَبَ عِ بّ.» عَ شَ دِ فِنّ نَشَ يَلَن كٍرٍن نَ.
عِسَ نّمّ قِقٍ شّمّ مِشِ وُلُ نَانِ مَ
مَرَكِ ٨؛١ ٬ ١٠
29عِسَ تٌ كٍلِ مّننِ، عَ نَشَ حّرّ فَلِلٍ بَا دّ رَ هَن عَ نَشَ فٍيَ لِ. عَ نَشَ تٍ فٍيَ قَرِ، عَ دْشْ. 30حَمَ فبٍفبٍ نَشَ قَ عَ يِرٍ نَا، عٍ قَ نَمَتّيٍ رَ، عَ نُن دْنشُييٍ، مَبّنيِيٍ، بٌبٌي، نُن قُرٍ مَ فبّتّيٍ فبٍفبٍ رَ. عٍ نَشَ قُرٍ مَيٍ سَ عِسَ بُن مَ، عَ قَن نَشَ عٍ رَيَلَن. 31حَمَ تٌ عَ تٌ بٌبٌي وْيّنمَ، مَبّنيِيٍ يَلَنمَ، نَمَتّيٍ حّرّ مَ، دْنشُييٍ سٍ تٌمَ، عٍ نَشَ كَابَ. عٍ نَشَ عِسِرَيِلَ مَرِفِ عَلَ مَتْشْ.
32عِسَ نَشَ عَ قْشِرَبِرّيٍ شِلِ، عَ عَ مَسٍن عٍ بّ، «ﭑ بَرَ كِنِكِنِ يِ حَمَ مَ، بَرِ مَ شِ سَشَن نَن يِ كِ، عٍ نَ ﭑ يِرٍ بٍ، كْنْ دٌنسٍ مُ نَ عٍ نَشَن دٌنمَ. ﭑ مُ وَ مَ عٍ شَ فبِلٍن عٍ شْنيِ كَامّ رَ عٍ مَ، شَ نَ مُ عَ رَ عٍ تْورْ مَ نّ كِرَ شْن مَ.» 33عَ قْشِرَبِرّيٍ نَشَ عَ مَشْرِن، «وٌن دٌنسٍ سْتْمَ يِ حَمَ فبٍفبٍ بّ مِندٍن؟ وٌن نَ وُلَ نّ يِ كِ.» 34عِسَ نَشَ عٍ يَابِ، «تَامِ فُندِ يٍرِ نَ وٌ يِ؟» عٍ نَشَ عَ قَلَ، «سٌلٌقٍرٍ، عَ نُن يّشّ شُنشُرِ ندٍيٍ.»
35عِسَ نَشَ عَ قَلَ حَمَ بّ عٍ شَ دْشْ بْشِ. 36عَ نَشَ نَ تَامِ فُندِ سٌلٌقٍرٍ نُن نَ يّشّيٍ تٌنفٌ، عَ عَلَ نُوَلِ سَ. عَ تٌ عٍ عِفِرَ، عَ نَشَ عٍ سٌ عَ قْشِرَبِرّيٍ يِ رَ، عٍ شَ عٍ عِتَشُن حَمَ مَ. 37حَمَ بِرِن نَشَ عٍ دّفٍ هَن عٍ وَ سَ. دٌنسٍ دْنشْي قَن نَشَ مَتٌنفٌ هَن دٍبٍ سٌلٌقٍرٍ نَشَ رَقٍ. 38شّمّ مِشِ وُلُ نَانِ نَن عٍ دّفٍ، بَقٍ فِنّيٍ نُن دِ مّيٍ رَ.
39عِسَ تٌ فّ حَمَ رَفبِلٍندٍ، عَ نَشَ بَكِ كُنكُي كُي، عَ سِفَ مَفَدَن بْشِ مَ.