AKS

يَبُرَ 64

عَدَ مَ شَ مَحْشُنيِ تِلِن

عَلَ مَشَندِ

1دَوُدَ شَ بّيتِ بّيتِبَيٍ شَ مَنفّ بّ

2عَلَ، عِ تُلِ مَتِ ﭑ وَ شُي رَ،

ﭑ نَتَنفَ ﭑ يَشُييٍ مَ.

3ﭑ نْشُن مِشِ حَاشِيٍ مَ

نَشٍيٍ وَ مَ ﭑ تْورْقٍ تِنشِنتَرٍيَ كُي.

4عٍ دّ شَاحّ عَلْ سَنتِدّفّمَ،

عٍ شَ وْيّن حَاشِيٍ لُمَ عَلْ تَنبّيٍ.

5عٍ مُ فَاشُمَ تِنشِنتْي يَ رَ،

عٍ لُمَ عَ حَشَنكَتَ رَ تُن.

6عٍ دّ كٌبِ، عٍ يّلّ عِتَلَمَ مِشِ يَ رَ.

عٍ نَشّ، «ندٍ نَ كٌلٌنمَ؟»

7عٍ يَنقَنتٍيَ يَءِلَنمَ، عٍ عَ قَلَ،

«وٌن شَ كٍلِ عَ يَنقَ شِلِ مَ. عَ سْونّيَمَ نّ.»

عَدَ مَ شَ مَحْشُنيِ تِلِن.

8كْنْ عَلَ نَ تَنبّيٍ وٌلِ، عٍ عٍ لِمَ نّ كٍرٍن نَ.

9عٍ بَرَ وُلٍ قَلَ.

نَشٍيٍ عٍ تٌمَ، عٍ عٍ فِمَ نّ.

10نَ فَاشُي عَدَ مَ بِرِن سُشُمَ نّ.

عٍ عَلَ شَ وَلِ مَسٍنمَ،

عٍ عَ شَ وَلِ كٌلٌنمَ نّ.

11تِنشِنتْي سّيوَ مَ نّ عَلَتَلَ رَ،

عَ قَ لُ عَ نِينِ بُن مَ.

سٌندٌن قَنيِ كَنيِ حّلّشِنمَ نّ.