حَشَسِ بِرَقٍ يُدَيَ كُي
1مَرِفِ عَلَتَلَ سّنبّمَ بَرَ نَتّ تٌنفٌ
دَرِ سَلَمُ نُن يُدَيَ شُن نَكَنَقٍ رَ.
عَ شَ بَلٌي نُن يٍ بَ عٍ يِ رَ،
2عَ شَ عٍ شَ حَلَمَيٍ نُن عٍ شَ سْورِيٍ رَفٌرٌ،
عَ شَ عٍ شَ كِيتِسَيٍ نُن نَمِحْنمّيٍ رَ سَبَرِ،
عَ شَ عٍ شَ سٍمَتٌي نُن عٍ شَ قٌرِيٍ مَكُيَ عٍ بٌورٍ رَ،
3عَ شَ عٍ شَ سْورِ مَنفّيٍ، عٍ شَ مَرَ سِمَيٍ، عٍ شَ وَلِكّ قَنيِيٍ،
نُن عٍ شَ مِشِ كْوتَشِ بِرِن بَ عٍ يِ رَ.
4ﭑ قَمَ قٌنِكٍيٍ نَن تِدٍ مَنفّيَ رَ عٍ شُن مَ،
دِ مّيٍ نَن قَمَ دْشْدٍ عٍ قَرِ.
5كَنكَن قُمَ نّ عَ بٌورٍ مَ،
قٌنِكٍيٍ تِمَ نّ شّمْشِيٍ كَنكٍ،
قُيَنتٍيٍ قَن بَفَن مِشِ بِنيّ مَ.
6نَ كُي، مِشِ ندٍ عَ قَلَمَ نّ عَ بَرِ بٌورٍ ندٍ بّ،
«دٌنمَ قَنيِ تٌ نَ عِ تَن يِ رَ،
عِ شَ قِندِ مُشُ شَ يَرٍرَتِ رَ،
عِ شَ مَنفّيَ تٌنفٌ يِ حَشَسِ كُي.»
7كْنْ عَ نفَشَكٍرٍنيِ عَ يَابِمَ نّ،
«سٍرِبَ مُ نَ ﭑ نَ،
دٌنمَ نُن دٌنسٍ يٌ مُ نَ ﭑ مَ بَنشِ كُي.
وٌ نَشَ ﭑ قِندِ حَمَ شَ مَنفّ رَ.»
8دَرِ سَلَمُ نَ بِرَقٍ، يُدَيَ شُن نَ كَنَقٍ،
بَرِ مَ عٍ عَلَتَلَ مَتَندِ مَ عٍ شَ وْيّنيِ نُن عٍ شَ وَلِ رَ،
عٍ بَرَ مُرُتَ عَلَتَلَ شَ مَنفّيَ مَ.
9عٍ شَ كَارِنيِ قِندِ سٍيدٍ حَاشِ نَن نَ عٍ شِلِ مَ.
عٍ يُنُبِ رَبَمَ كّنّ نَن مَ،
عَلْ سٌدٌ مَكَ نَشٍيٍ مُ عٍ شَ يُنُبِ نْشُن.
حَشَنكَتّ نَ عٍ بّ،
عٍ نَ فبَلٌي نَن بّندُنقٍ عٍ يّتّ مَ نَ كِ.
10وٌ عَ قَلَ تِنشِنتْي بّ، عَ نَ كِرَ قَنيِ شْن مَ،
عَ قَمَ نّ عَ شَ تِنشِنيِ سَرٍ سْتْدٍ.
11حَشَنكَتّ نَ مِشِ حَاشِ تَن بّ،
فبَلٌي قَمَ نّ عَ لِدٍ عَ حَاشِ رَ،
عَ قَمَ نّ عَ شَ تِنشِنتَرٍيَ سَرٍ سْتْدٍ.
12دِ مّيٍ نَن نَ ﭑ مَ حَمَ حَشَنكَتَقٍ،
فِنّيٍ نَن نْي دْشْشِ عَ مَ،
مَنفّيٍ نَ عَ رَلْيقٍ كِرَ حَاشِ شْن مَ.
13كْنْ عَلَتَلَ بَرَ عَ عِكٍلِ كِيتِسَ يِرٍ،
عَ شَ كَلَمُي تِنشِنشِ مَسٍن، عَ شَ كِيتِ سَ نْندِ رَ.
14عَلَتَلَ نَ عَ شَ حَمَ كُنتِفِيٍ نُن عَ مَنفّيٍ مَكِيتِقٍ يِ وْيّنيِ رَ،
«وٌ بَرَ ﭑ مَ حَمَ شُن نَكَنَ.
وٌ بَرَ مِسِكِينّيٍ مُحَ.
15وٌن ﭑ مَ حَمَ هَلَكِمَ مُنقٍ رَ؟
وٌ سٍتَرٍيٍ تْورْ مَ مُنقٍ رَ؟»
مَرِفِ عَلَتَلَ سّنبّمَ شُي نَن نَ كِ.
16عَلَتَلَ نَشّ، «سِيٌنِ فِنّيٍ قِندِشِ يّتّ عِفبٌي نَن نَ،
نَشٍيٍ عٍ حّرّ مَ عٍ شُنيِ رَكٍلِشِ،
عٍ عٍ حّرّ مّرّ مّرّ رَ عٍ سَنكْنيِ شُنمَسٍيٍ نُ عٍ شُي رَ مِنِ.
17عَلَتَلَ قَمَ نّ سُورِ رَ مِنِدٍ عٍ شُنيِ مَ،
عَ عٍ شُنسّشّ بِرِن بَ عٍ مَ.»
18نَ لْشْي، عَلَتَلَ عٍ شَ شُنمَسٍ بِرِن بَمَ نّ عٍ يِ رَ؛ عٍ شَ سَنكْنيِ شُنمَسٍ تٌقَنيِيٍ، عٍ شَ كْنمَفٌرٍ، عٍ شَ شُنمَسٍ نَشٍيٍ مِسَالِشِ كِكٍ رَ، 19عٍ شَ تُلِرَ سٌي، عٍ شَ بّلّشّرَ سٌي، عٍ شَ مَقٍلٍنيِيٍ، 20عٍ شَ شُن مَشِرِ سٍيٍ، عٍ شَ سَنكْنيِ شُنمَسٍيٍ، عٍ شَ بّلّتِيٍ، عٍ شَ لَبُندّ سَسٍيٍ، عٍ شَ مَكَنتَسٍيٍ، 21عٍ شَ بّلّشّسٌلٍ شُرُندّيٍ، عٍ شَ حْي شُرُندّيٍ، 22عٍ شَ شُلُن دُفِيٍ، عٍ شَ دٌنمَ كُيٍيٍ، عٍ شَ دٌنمَ قَرِ عِفٌرٌي، عٍ شَ فبْنقْييٍ، 23عٍ شَ دُفِيٍ، عٍ شَ دٌنمَ بُنمَفٌرٍ، عٍ شَ شُنمَشِرِيٍ، نُن عٍ شَ مَقٍلٍنيِيٍ. عَلَتَلَ نَ بِرِن بَمَ نّ عٍ يِ رَ.
24سٍ بْرْشِ نَن قِندِ مَ عٍ شَ لَبُندّ رَ.
لُوتِ نَن قِندِ مَ عٍ شَ بّلّتِ رَ.
عٍ شُنيِ دّنبّشِ بِمَ نّ.
بّكِ نَن قِندِ مَ عٍ شَ دُفِ رَ.
عٍ قَتٍ كِرِ تٌقَنيِ فَنمَ نّ.
25سَنتِدّفّمَ عٍ شَ مْرِيٍ قَشَمَ نّ،
عٍ شَ حَلَمَيٍ قَشَمَ فٍرٍ نَن كُي.
26سِيٌنِ حَمَ وَ شُي مِنِمَ نّ سُننُنيِ كُي،
عَلْ كَاحّ فِنّ نَشَن دْشْ بْشِ مَ، عَ وَ.