بَبِلْن بِرَقٍ
1«بَبِلْن تَا، كٍلِ عِ شَ كِبَنيِ كُي، عِ دْشْ بْشِ مَ.
عِ شَ تٌقَنيِ نُن عِ شَ بَننَيَ بَمَ نّ عِ يِ.
2وَلِ سٍيٍ تٌنفٌ كُرِ سٌقٍ رَ.
عِ شَ مَقٍلٍنيِ بَمَ نّ عِ مَ، عِ شَ دُفِ مَتٍ، عِ شُرٍ عِفِرِ عِ مَفٍلِ رَ.
3عِ حَءِبْمَ نّ يَافِ كُي،
ﭑ قَمَ نّ ﭑ فبٍ حْشْدٍ كِنِكِنِ شَنبِ.»
4عَلَتَلَ سّنبّمَ نَن قِندِ مُشُ شُنسَرَ مَ رَ، عِسِرَيِلَ شَ سّنِيّنتْي.
5«بَبِلْن حَمَ، وٌ دْشْ، وٌ وٌ دّ بَلَن.
وٌ شَ مَنفّيَ بَرَ حْن.
6ﭑ نُ شْنْشِ ﭑ مَ حَمَ مَ، ﭑ قَ عٍ كّ تٌنفٌمَيٍ شُن نَكَنَ.
ﭑ نَشَ عٍ لُ وٌ سَفٌي، كْنْ وٌ مُ كِنِكِنِ عٍ مَ قٍقٍ مَ.
هَلِ قٌرِيٍ، وٌ بَرَ عٍ حَشَنكَتَ عَ حَاشِ رَ.
7وٌ نُ عَ قَلَمَ نّ، ‹ﭑ مَ مَنفّيَ مُ حْنمَ عَبَدَن!›
كْنْ وٌ مُ وٌ حْشْ سَشِ قٍ شْن مَ نَشَن نْمَ وٌ لِدٍ.»
8«يَكْسِ وٌ وٌ تُلِ مَتِ ﭑ نَ،
وٌ تَن بَننَ نَشٍيٍ عَ مَحْشُنشِ عَ قٍقٍ مُ نْمَ وٌ تْورْدٍ،
نَشٍيٍ عَ قَلَمَ، ‹ﭑ كٍرٍن نَن تِدٍ فبٌ دُنِحَ،
ﭑ مُ قِندِ مَ كَاحّ رَ، ﭑ مَ دِيٍ مُ بَمَ ﭑ يِ.›
9كْنْ ﭑ شَ عَ قَلَ وٌ بّ، نَ قٍ قِرِنيِيٍ وٌ لِمَ نّ قّيحّن كٍرٍن كُي.
وٌ فَنمَ نّ وٌ شَ دِيٍ رَ، وٌ قِندِ كَاحّ رَ
هَلِ وٌ دُورٍيَ نُن كَرَ مْشْ وَلِ رَوُيَ.
10وٌ نُ لَشِ وٌ شَ حَاشُحَ نَن نَ،
وٌ حْشْ عَ مَ نَ مُ تٌمَ.
وٌ شَ قٍ كٌلٌنيِ بَرَ وٌ مَدَشُ.
وٌ بَرَ عَ قَلَ وٌ بْحّ مَ، ‹ﭑ كٍرٍن نَن بٍ، ﭑ تَن نَن فبَنسَن تِدٍ فبٌ.›
11فبَلٌي قَمَ نّ وٌ لِدٍ، وٌ مُ نْمَ وٌ يّتّ رَتَنفَدٍ نَشَن مَ وٌ شَ نَاقُلِ رَ،
فبَلٌي نَشَن وٌ تّرّننَمَ.»
12«وٌ تٌ لَشِ نَ قٍ مْولِ نَن نَ، وٌ شَ لُ وٌ شَ دُورٍيَ،
نُن وٌ شَ مَندُرُيَ كُي وٌ دَرِشِ نَشَن نَ.
وٌ عَ مَحْشُن عَ نَ سْونّيَمَ نّ وٌ بّ، وٌ قَ فٍينِ وٌ يَشُي شُن مَ،
13كْنْ نَ بِرِن قَمَ نّ وٌ رَتَفَندٍ.
وٌ شَ سٍ مَتٌي شِلِ، نَشٍيٍ كٌورٍ مَتٌمَ، عٍ قٍ قَلَ نَشَن قَمَ وٌ لِدٍ.
14نٍيٍ تَن قَن لُمَ نّ عَلْ سّشّ نَشَن فَنمَ تّ رَ.
عٍ مُ نْمَ عٍ يّتّ رَكِسِدٍ تّ شْورَ.
سٍسٍ مُ لُمَ عٍ يِ رَ، هَلِ تّ شُنشُرِ عٍ دْشْمَ نَشَن سّيتِ مَ شِنبٍلِ تّمُي.
15عٍ مُ نْمَ قٍقٍ رَبَدٍ وٌ بّ،
هَلِ وٌ تٌ بَرَ وٌ شَشِلِ تِ عٍ رَ كَبِ وٌ دِ مّدِ تّمُي.
عٍ سِفَمَ نّ يَرٍ عٍ شَ كِرَ حَاشِ شْن مَ.
مِشِ يٌ مُ نْمَ وٌ رَكِسِدٍ.»