سُنيِ
1دَرِيُسِ شَ مَنفّيَ حّ نَانِ ندٍ، كِسِلٍوِ كِكٍ سٌلٌمَنَانِ ندٍ، شِ نَانِ ندٍ لْشْي، عَلَتَلَ نَشَ مَسٍنيِ تِ عَننَبِ سَكَرِ بّ. 2بٍتٍلِكَيٍ نُ بَرَ سَرٍ سٍرِ نُن رٍفٍمِ مٍلٍكِ نُن عٍ شَ مِشِيٍ شّي عَلَتَلَ مَشَندِدٍ. 3عٍ مَن شَ مَنفّ عَلَتَلَ شَ سّرّشّدُبّيٍ، نَشٍيٍ نُ نَ هْرْ مْبَنشِ كُي، عَ نُن نَمِحْنمّيٍ مَشْرِن، «مُشُ لَن مُشُ شَ مُشُ وَ شُي رَ مِنِ كِكٍ سُولِ ندٍ رَ، مُشُ شَ سُنيِ سُشُ عَلْ مُشُ عَ رَبَشِ حّ وُيَشِيٍ رَ كِ نَشّ؟»
4مَنفّ عَلَتَلَ نَشَ مَسٍنيِ تِ ﭑ بّ يِ كِ، 5«حَمَ نُن سّرّشّدُبّيٍ مَشْرِن ﭑ بّ، ‹وٌ تٌ نُ سُنيِ سُشُمَ سُننُنيِ كُي نَ كِكٍ سُولِ ندٍيٍ نُن نَ كِكٍ سٌلٌقٍرٍ ندٍيٍ حّ تٌنفٌ سٌلٌقٍرٍ بُن مَ، وٌ نُ سُنمَ ﭑ تَن نَن بّ؟ 6وٌ تٌ نُ وٌ دّفٍمَ نُن وٌ وٌ مِنمَ، وٌ مُ عَ رَبَشِ وٌ يّتّ شَ بّ؟ 7عَلَتَلَ مُ نَ مَسٍنيِ مْولِ تِ عَ شَ نَمِحْنمّ سِنفٍيٍ سَابُي شَ رَ، دَرِ سَلَمُ نُن عَ رَبِلِنيِ نُ سَبَتِشِ بْحّسَ كُي تّمُي نَشّ؟ نَ تّمُي، مِشِيٍ نُ نَ نٍفٍوِ نُن سٍقٍلَ بْشِ مَ.›»
8عَلَتَلَ نَشَ مَسٍنيِ تِ عَننَبِ سَكَرِ بّ يِ كِ، 9«مَنفّ عَلَتَلَ شَ مَسٍنيِ نَن يَ؛ ‹وٌ شَ كِيتِ سَ تِنشِنيِ كُي. وٌ شَ هِننّ وٌ بٌورٍ رَ كِنِكِنِ كُي. 10وٌ نَشَ كَاحّ فِنّيٍ، كِرِدِيٍ، بْشِ شْحّيٍ، نُن سٍتَرٍيٍ تْورْ. وٌ نَشَ نَتّ حَاشِ تٌنفٌ وٌ بْحّ كُي وٌ بٌورٍيٍ شَ قٍ رَ.› 11كْنْ عٍ مُ تِن نَ مَسٍنيِ رَ، عٍ نَشَ عٍ كٌبٍ سٌ، عٍ مُ عٍ تُلِ مَتِ نَ رَ. 12عٍ بْحّيٍ نَشَ شْرْشْ عَلْ دِيَمَن، عٍ نَشَ تٌندِ مَنفّ عَلَتَلَ شَ سّرِيّ سُشُدٍ، عَ شَشِلِ سّنِيّنشِ نُ بَرَ نَشَن نَسَنبَ نَمِحْنمّ سِنفٍيٍ مَ. نَ نَن عَ رَ مَنفّ عَلَتَلَ نَشَ شْنْ عٍ مَ عَ بٍلٍبٍلٍ رَ. 13عَ تٌ عٍ شِلِ، عٍ نَشَ تٌندِ عَ شُي سُشُدٍ. يَكْسِ، شَ عٍ تَن بَرَ عَ شِلِ، عَ مُ عٍ شَ مَشَندِ سُشُمَ دٍ.» مَنفّ عَلَتَلَ شَ مَسٍنيِ نَن يَ، 14«ﭑ عٍ رَيٍنسٍن نّ سِيٍ بِرِن يَ مَ عٍ مُ نَشٍيٍ كٌلٌن. عٍ تٌ كٍلِ عٍ شَ بْشِ مَ، دّننَشّ نُ بَرَ رَبّحِن، مِشِ يٌ مُ دَنفِمَ دّننَشّ، مِشِ يٌ مُ سِفَمَ دّننَشّ. بْشِ قَنيِ قِندِ فبَلٌي بْشِ رَ عٍ تَن نَن سَابُي رَ.»