عَلَ شَ تَا سِيٌن
عَلَ مَتْشْي
1كٌرَ شَ دِيٍ شَ بّيتِ. سِفِ سّنِيّنشِ.
2عَلَتَلَ فبٌ.
عَ لَنمَ وٌن شَ عَ مَتْشْ
عَ شَ تَا كُي عَ شَ فٍيَ سّنِيّنشِ قَرِ.
3عَلَ شَ فٍيَ سِيٌن تٌقَن،
عَ رَقَن دُنِحَ بِرِن مَ.
نَ قِندِ مَنفّ شُنفبٍ شَ تَا نَن نَ.
4عَلَ عَ حّنفِ سَمَ عَ شَ تَا مَكَنتَشِ شْن،
عَ بَرَ عَ يّتّ قِندِ عَ كَنتَمَ رَ.
5مَنفّيٍ تٌ عٍ مَلَن سِيٌن فٍرٍ شِلِ مَ،
6عٍ نَشَ كَابَ نَ تٌقٍ رَ.
عٍ نَشَ فَاشُ، عٍ قَ عٍ فِ.
7عٍ تٌ فَاشُ نَ يَ رَ،
عٍ نَشَ سّرّن عَلْ فِنّ نَشَن نَ دِ بَرِقٍ،
8شَ نَ مَرَ عَلْ تَرَ سِسِ شَ كُنكُييٍ
قٌيٍ شُنفبٍ نَشٍيٍ عِمَشَمَ.
9وٌن مَرِفِ عَلَ كَابَنَكٌ نَشَن نَبَشِ عَ شَ تَا كُي،
وٌن بَرَ نَ مّ، وٌن بَرَ نَ تٌ.
مَنفّ عَلَتَلَ نَ تَا رَكِسِمَ تّمُي بِرِن. حّنفِ رَتٍ.
10عَلَ، مُشُ نَ سٌ عِ شَ هْرْ مْلِنفِرَ كُي،
مُشُ رَتُمَ عِ شَ هِننّ نَن مَ.
11عَلَ شِلِ شُنفبٍ كَنيِ،
عِ شِلِ تَنتُمَ نّ دُنِحَ يِرٍ بِرِن.
عِ شَ مَنفّيَ تِنشِن.
12حَمَ حّلّشِنمَ نّ سِيٌن فٍيَ قَرِ،
يُدَكَيٍ سّيوَ مَ نّ عِ شَ كِيتِ شَ قٍ رَ.
13وٌ شَ سِيٌن مَبِلِن،
وٌ شَ عَ شَ سْورِ تِدٍيٍ كْنتِ.
14وٌ شَ عَ تّتّ نُن عَ يِرٍ مَكَنتَشِيٍ مَتٌ،
عَلَكٌ وٌ شَ نَ قَلَ وٌ شَ دِيٍ بّ.
15عَلَ نَن نَ وٌن مَرِفِ عَلَ رَ عَبَدَن.
عَ وٌن نَحّرّ مَ هَن عَلِفِيَمَ.