AKS

عَننَبِ عٍسٍكِيٍلِ 25

عَمٌن، مٌوَبَ، عٍدٌن، نُن قِلِسِتَ شَ حَشَنكَتّ

1عَلَتَلَ نَشَ عَ مَسٍن ﭑ بّ، عَ نَشّ، 2«عَدَ مَدِ، عِ شَ ﭑ مَ مَسٍنيِ تِ عَمٌنِكَيٍ شِلِ مَ. 3عَ قَلَ عٍ بّ، ‹وٌ وٌ تُلِ مَتِ وٌ مَرِفِ عَلَتَلَ شُي رَ. عَ يِ نَن مَسٍنشِ؛ وٌ تٌ يٍلٍ ﭑ مَ هْرْ مْبَنشِ شَ سّنِيّنيِ كَنَقٍ رَ، عَ نُن عِسِرَيِلَ شَ بْشِ شَ كَنَرِ، عَ نُن يُدَ بْنسْي سِفَقٍ رَ كٌنيِيَ كُي، 4ﭑ وٌ سَمَ نّ سٌفٍتٍدٍكَيٍ سَفٌي. عٍ يٌنكِنمَ نّ وٌ تَفِ، عٍ وٌ شَ دٌنسٍ دٌن، عٍ وٌ شَ شِحّ مِن. 5ﭑ رَابَ قِندِ مَ حْشْمّ فْورّ نَن نَ، ﭑ عَمٌنِ بْشِ قِندِ يّشّي مَلَبُدٍ رَ. وٌ عَ كٌلٌنمَ نّ عَ ﭑ تَن نَن نَ عَلَتَلَ رَ.›»

6«وٌ مَرِفِ عَلَتَلَ يِ مَسٍنشِ، عَ نَشّ، ‹وٌ تَن بْحّ حَاشِيٍ تٌ قَرٍ بٌرٌن حّلّشِنيِ كُي ﭑ مَ حَمَ شَ فبَلٌي شَ قٍ رَ، 7ﭑ قَمَ نّ ﭑ بّلّشّ عِتَلَدٍ وٌ شِلِ مَ، ﭑ وٌ سَ سِ فبّتّيٍ سَفٌي. ﭑ وٌ سِ حْنمَ نّ دُنِحَ مَ. ﭑ نَ فّ نَ رَبَدٍ، وٌ عَ كٌلٌنمَ نّ عَ ﭑ تَن نَن نَ عَلَتَلَ رَ.›»

8«وٌ مَرِفِ عَلَتَلَ يِ نَن مَسٍنشِ، عَ نَشّ، ‹مٌوَبَ نُن سٍيِرِ تٌ بَرَ عَ قَلَ عَ يُدَ بْنسْي لُشِ نّ عَلْ حَمَنّيٍ بِرِن، 9ﭑ قَمَ نّ عَ نِيَدٍ عَ شَ بْشِ قَنيِ كٍلِ بٍتِ يٍسِمٌتِ مَ، بَلِ مٍيٌنِ، هَن كِرِيَتَيِمِ، بِرِن شَ لُ عَ يَشُييٍ سَفٌي. 10ﭑ عَ قِمَ نّ سٌفٍتٍدٍكَيٍ مَ، عَ نُن عَمٌنِ بْشِ ﭑ قَمَ نَشَن شِلِ حْندٍ دُنِحَ مَ. 11ﭑ نَ فّ مٌوَبَ حَشَنكَتَدٍ، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.›»

12«وٌ مَرِفِ عَلَتَلَ يِ نَن مَسٍنشِ، عَ نَشّ، ‹عٍدٌن بْنسْي تٌ عَ فبٍحْشْ يُدَ بْنسْي مَ، عٍ بَرَ هَاكّ سْتْ. 13نَ كُي، عَلَتَلَ يِ نَن مَسٍنشِ؛ ﭑ عٍدٌن فٍرٍ مَ نّ سَنتِدّفّمَ رَ، ﭑ مِشِ نُن شُرُ سٍ بِرِن سْنتْ كٍلِقٍ تٍمَن مَ هَن دٍدَن. 14ﭑ نَ ﭑ فبٍحْشْمَ نّ عٍدٌن مَ ﭑ مَ حَمَ عِسِرَيِلَ سَابُي رَ ﭑ مَ شْنّ بّرّ رَ. عٍ قَمَ نّ فبٍحْشْي كٌلٌندٍ. وٌ مَرِفِ عَلَتَلَ شُي نَن نَ كِ.›»

15«وٌ مَرِفِ عَلَتَلَ يِ نَن مَسٍنشِ، عَ نَشّ، ‹قِلِسِتَكَيٍ تٌ عٍ فبٍحْشْ يُدَيَ مَ عٍ نَشَن شْنشِ كَبِ تّمُي شْنكُيٍ، 16ﭑ تَن وٌ مَرِفِ عَلَتَلَ يِ نَن مَسٍنشِ؛ ﭑ قِلِسِتَكَيٍ فٍرٍ مَ نّ، ﭑ كٍرِتِ بْنسْي حْن، ﭑ مِشِيٍ سْنتْ نَشٍيٍ سَبَتِشِ بَا دّ رَ. 17ﭑ نَ ﭑ فبٍحْشْمَ نّ عٍ مَ ﭑ مَ شْنّ كُي. نَ تّمُي عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.›»