AKS

يّتّ سْتْي 7

عَلَ شَ شّيرَيَ مُنسَ بّ

1عَلَتَلَ نَشَ عَ مَسٍن مُنسَ بّ، «هَرُنَ شَ عِ شُي مَدَنفِ قِرَوُنَ بّ عَلْ نَمِحْنمّ عَلَ شُي مَدَنفِمَ مِشِيٍ بّ كِ نَشّ. 2ﭑ عِ يَمَرِ مَ نَشَن بِرِن نَ، عِ شَ نَ قَلَ عِ تَارَ هَرُنَ بّ نَشَن نَ مَدَنفِمَ قِرَوُنَ مَ، عَلَكٌ عَ شَ عَ لُ عِسِرَيِلَكَيٍ شَ مِنِ مِسِرَ بْشِ رَ. 3ﭑ قِرَوُنَ شَشِلِ رَشْرْشْمَ نّ. ﭑ تْنشُمَ نُن كَابَنَكٌ فبٍفبٍ رَبَمَ نّ مِسِرَ بْشِ كُي، 4كْنْ قِرَوُنَ مُ قَمَ عَ تُلِ مَتِدٍ وٌ رَ. ﭑ قَمَ نّ حَشَنكَتّ شْرْشْييٍ دْشْدٍ مِسِرَ مَ، ﭑ قَ ﭑ مَ حَمَ عِسِرَيِلَ رَ مِنِ عَ لَنشُندّ كِ مَ. 5ﭑ نَ مِسِرَ هَلَكِ عِسِرَيِلَ رَ مِنِقٍ رَ عٍ تَفِ، عٍ ﭑ كٌلٌنمَ نّ عَلَتَلَ رَ.» 6مُنسَ نُن هَرُنَ نَشَ عَلَتَلَ شَ يَامَرِ سُشُ عَلْ عَ مَسٍنشِ عٍ بّ كِ نَشّ. 7عٍ نُ مَسٍنيِ تِمَ قِرَوُنَ بّ تّمُي نَشّ، مُنسَ شَ سِمَيَ نُ بَرَ حّ تٌنفٌ سٌلٌمَسَشَن لِ. هَرُنَ شَ سِمَيَ نُ بَرَ حّ تٌنفٌ سٌلٌمَسَشَن عَ نُن سَشَن لِ.

8عَلَتَلَ نَشَ عَ مَسٍن مُنسَ نُن هَرُنَ بّ، 9«قِرَوُنَ نَ عَ قَلَ وٌ بّ، ‹وٌ شَ كَابَنَكٌ ندٍ رَبَ،› عِ تَن مُنسَ، عِ شَ عَ قَلَ هَرُنَ بّ، عَ شَ عِ شَ يِسُشُوُرِ تٌنفٌ، عَ عَ وٌلِ قِرَوُنَ سّيتِ مَ. نَ مَقِندِ مَ نّ بْشِمَسٍ رَ.»

10نَ كُي مُنسَ نُن هَرُنَ نَشَ سِفَ قِرَوُنَ يِرٍ، عٍ قَ عَ رَبَ، عَلْ عَلَتَلَ عٍ يَمَرِشِ كِ نَشّ. هَرُنَ نَشَ مُنسَ شَ يِسُشُوُرِ وٌلِ بْشِ مَ قِرَوُنَ نُن عَ شَ كُنتِفِيٍ يَ عِ، نَ نَشَ قِندِ بْشِمَسٍ رَ. 11نَ تّمُي قِرَوُنَ نَشَ عَ شَ كَرَ مْشْييٍ نُن عَ شَ مَندُرُلَيٍ شِلِ، عٍ شَ نَ كَابَنَكٌ مْولِ رَبَ عٍ شَ دُورٍيَ رَ. 12عٍ نُن هَرُنَ بِرِن نَشَ عٍ شَ يِسُشُوُرِيٍ وٌلِ بْشِ مَ. نٍيٍ بِرِن نَشَ مَقِندِ بْشِمَسٍيٍ رَ، كْنْ هَرُنَ فبٍ نَشَ بٌورٍ فبٍ فٍرُن. 13نَ كُي قِرَوُنَ شَشِلِ نَشَ شْرْشْ، عَ مُ عَ تُلِ مَتِ مُنسَ نُن هَرُنَ رَ، عَلْ عَلَتَلَ نُ بَرَ عَ مَسٍن كِ نَشّ.

مَنكَنّ سِنفٍ؛ يٍ قِندِقٍ وُلِ رَ

14عَلَتَلَ نَشَ عَ مَسٍن مُنسَ بّ، «قِرَوُنَ شَشِلِ بَرَ شْرْشْ. عَ بَرَ تٌندِ ﭑ مَ حَمَ بّحِندٍ. 15تِنَ فّيسّفّ عِ شَ نَرَلَن قِرَوُنَ رَ نِلِ شُرٍ دّ. عِ شَ عِ شَ يِسُشُوُرِ شَنِن، نَشَن نُ بَرَ مَقِندِ بْشِمَسٍ رَ. 16مّننِ عِ شَ عَ قَلَ قِرَوُنَ بّ، ‹عِسِرَيِلَكَيٍ مَرِفِ عَلَتَلَ بَرَ ﭑ شّي عِ يِرٍ، ﭑ شَ عَ قَلَ عِ بّ، «ﭑ مَ حَمَ بّحِن، عَلَكٌ عٍ شَ سِفَ ﭑ بَتُدٍ فبٍنفبٍرٍنيِ مَ.» هَن يَكْسِ عِ تَن مُ تِنشِ نَ شُي سُشُدٍ. 17نَ كُي عَلَتَلَ شَ مَسٍنيِ نَن يَ، «نَ نَن عَ رَ، عِ قَمَ عَ كٌلٌندٍ، ﭑ تَن نَن عَلَتَلَ رَ. ﭑ مَ يِسُشُوُرِ نَ دِن نِلِ شُرٍ رَ، يٍ مَقِندِ مَ نّ وُلِ رَ. 18يّشّ نَشٍيٍ نَ نِلِ شُرٍ مَ، عٍ قَمَ سْنتْدٍ، عٍ شِرِ حَاشِ قَ مِنِ، مِسِرَكَيٍ مُ نْمَ نَ يٍ مِندٍ.»›» 19عَلَتَلَ نَشَ عَ مَسٍن مُنسَ بّ، «هَرُنَ يَمَرِ، ‹عِ شَ عِ شَ يِسُشُوُرِ عِتَلَ مِسِرَ بَايٍ، شُرٍيٍ، نُن دَبٌنيِ بِرِن مَ.› نَ عَ نِيَمَ نّ يٍ بِرِن شَ مَقِندِ وُلِ رَ مِسِرَ بْشِ مَ، هَلِ نَشٍيٍ نَ قّحّيٍ كُي، وُرِ نُن فّمّ دَاشِ.»

20مُنسَ نُن هَرُنَ نَشَ عَ رَبَ عَلْ عَلَتَلَ عٍ يَمَرِشِ كِ نَشّ. هَرُنَ نَشَ عَ شَ يِسُشُوُرِ عِتَلَ، عَ عَ دِن نِلِ شُرٍ رَ. شُرٍ نَشَ قِندِ وُلِ رَ قِرَوُنَ نُن عَ شَ كُنتِفِيٍ يَ شْرِ. 21يّشّ بِرِن نَشَ قَشَ، عٍ شِرِ حَاشِ نَشَ مِنِ نِلِ شُرٍ مَ. مِسِرَكَيٍ مُ نُ نْمَ نَ يٍ مِندٍ، بَرِ مَ مِسِرَ يٍ بِرِن قِندِشِ وُلِ نَن نَ.

22مَندُرُلَيٍ قَن نَشَ نَ كَابَنَكٌ مْولِ رَبَ. قِرَوُنَ شَشِلِ نَشَ شْرْشْ، عَ مُ تِن مُنسَ نُن هَرُنَ شُي رَ، عَلْ عَلَتَلَ نُ بَرَ عَ مَسٍن كِ نَشّ. 23قِرَوُنَ نَشَ فبِلٍن عَ شْنيِ، عَ نَشَ نَ قٍ بْتّ بَ. 24مِسِرَكَ بِرِن نَشَ تِفِيٍ فٍ نِلِ شُرٍ سّيتِيٍ مَ، عَلَكٌ عٍ شَ يٍ مِن دَاشِ سْتْ، بَرِ مَ عٍ مُ نُ نْمَ نِلِ شُرٍ يٍ مِندٍ.

مَنكَنّ قِرِن ندٍ؛ لَنشَنسَرِ مَيٍ

25عَلَتَلَ تٌ فّ نِلِ شُرٍ فَرِندٍ، شِ سٌلٌقٍرٍ دَنفِ شَنبِ، 26عَ نَشَ عَ مَسٍن مُنسَ بّ، «عِ شَ سِفَ قِرَوُنَ يِرٍ، عَ قَلَ عَ بّ، ‹عَلَتَلَ بَرَ عَ يَمَرِ، عِ شَ عَ شَ حَمَ بّحِن، عٍ شَ سِفَ عَ بَتُدٍ. 27شَ عِ مُ تِن نَ رَ، عَلَتَلَ قَمَ عِ شَ بْشِ بِرِن شُن نَكَنَدٍ لَنشَنسَرِ مَيٍ رَ. 28عٍ قَمَ يِرِوَدٍ نِلِ شُرٍ مَ، عٍ قَ تٍ، عٍ سٌ عِ شَ بَنشِ كُي هَن عٍ عِ شَ سَدٍ لِ. عٍ سٌمَ عِ شَ كُنتِفِيٍ نُن مِسِرَ حَمَ شَ بَنشِيٍ كُي، عٍ مَن سٌمَ تَامِ رَقَلَمَ دّننَشّ. 29لَنشَنسَرِ مَيٍ قَمَ نّ تٍدٍ عِ تَن، عِ شَ حَمَ، نُن عِ شَ كُنتِفِيٍ بِرِن مَ.›»