AKS

عِسِرَيِلَ مَنفّيٍ ١ 10

سٍيبَ مَنفّ فِنّ قَقٍ مَنفّ سُلٍمَنِ شّيبُدٍ

يُدَيَ مَنفّيٍ عِِ ٩‏؛١ ٬ ١٢

1سٍيبَ مَنفّ فِنّ تٌ سُلٍمَنِ شِلِ فبٍ مّ عَلَتَلَ شِلِ شَ قٍ رَ، عَ نَشَ سِفَ مَشْرِنيِ شْرْشْييٍ تِدٍ عَ مَ. 2عَ نَشَ سِفَ دَرِ سَلَمُ، عَ سَنبَسٍ فبٍفبٍ شَنِن عَ شُن مَ حْشْمّيٍ قَرِ عَلْ لَبُندّ، شّيمَ، نُن فّمّ تٌقَنيِيٍ. عَ نَشَ عَ شَ مَشْرِنيِ بِرِن تِ سُلٍمَنِ مَ. 3مَنفّ سُلٍمَنِ نَشَ عَ شَ مَشْرِنيِيٍ بِرِن يَابِ، نَ بِرِن نَشَ سْونّيَ عَ بّ.

4سٍيبَ مَنفّ فِنّ تٌ فّ سُلٍمَنِ شَ لْننِ تٌدٍ، عَ نُن عَ شَ بَنشِيٍ عَ نَشٍيٍ تِ، 5عَ شَ دٌنسٍيٍ، عَ شَ وَلِكّيٍ نُن عٍ وَلِ كِ، عٍ شَ دُفِيٍ، عٍ لُدٍيٍ، نَ قٍ بِرِن نَشَ عَ دّ عِشَرَ. 6عَ نَشَ عَ قَلَ مَنفّ بّ، «ﭑ قٍ نَشٍيٍ بِرِن مّشِ ﭑ مَ بْشِ مَ عِ شَ مَسٍنيِيٍ نُن عِ شَ لْننِ شَ قٍ رَ، نَ بِرِن قِندِشِ نْندِ نَن نَ. 7بٍينُن ﭑ شَ بٍ تٌ ﭑ يّتّ رَ، ﭑ مُ لَ عٍ شَ مَسٍنيِ رَ. كْنْ يَكْسِ ﭑ بَرَ عَ كٌلٌن عِ شَ لْننِ فبٌ دَنفِقٍ عٍ نَشَن مَسٍنشِ ﭑ بّ. عِ قٍ نَشَن بِرِن تَفِ رَبَشِ ﭑ بّ نُن عِ شَ نَاقُلِ، نَ دَنفِ عِ شِلِ رَ. 8حّلّشِنيِ نَ عِ شَ مِشِيٍ بّ، حّلّشِنيِ نَ عِ شَ كٌنيِيٍ بّ، بَرِ مَ عٍ نَ عِ سّيتِ مَ تّمُي بِرِن عِ شَ لْننِ رَ مّقٍ رَ. 9تَنتُي نَ عِ مَرِفِ عَلَتَلَ بّ، نَشَن هِننّشِ عِ رَ، عَ قَ عِ دْشْ عِسِرَيِلَ مَنفّ كِبَنيِ كُي. عِ مَرِفِ عَلَ نَ رَبَ نّ بَرِ مَ عِسِرَيِلَ رَقَن عَ مَ عَبَدَن. عَ عِ قِندِشِ نّ عٍ شَ مَنفّ رَ عَلَكٌ عِ شَ عٍ يَمَرِ تِنشِنيِ نُن نْندِ رَ.» 10عَ نَشَ شّيمَ كِلٌ وُلُ نَانِ قِ مَنفّ مَ، عَ نُن لَبُندّ فبٍفبٍ، نُن فّمّ تٌقَنيِيٍ. كَبِ نَ تّمُي، سٍيبَ مَنفّ فِنّ لَبُندّ شَسَبِ نَشَن قِ مَنفّ سُلٍمَنِ مَ نَ حْندْن مُ تٌ عِسِرَيِلَ بْشِ مَ سْنْن.

11شِرَ مِ نُن سُلٍمَنِ شَ وَلِكّيٍ نَشٍيٍ قَ شّيمَ رَ كٍلِقٍ عٌقِرِ بْشِ مَ، نٍيٍ مَن نَشَ قَ وُرِ نُن فّمّ تٌقَنيِيٍ رَ. 12مَنفّ نَشَ نَ وُرِ رَوَلِ عَلَتَلَ شَ هْرْ مْبَنشِ سٌدٍ دّ رَ، عَ نُن مَنفّ شَ بَنشِ سٌدٍ دّ رَ. عَ مَن نَشَ نَ وُرِ رَوَلِ كْرَيٍ يَءِلَنقٍ رَ بّيتِبَيٍ بّ. نَ وُرِ مْولِ مُ نُ تٌشِ يُدَيَ سِندٍن.

13مَنفّ سُلٍمَنِ نَشَ سٍيبَ مَنفّ فِنّ وَشْنسٍ بِرِن سٌ عَ يِ رَ دَنفِقٍ عَ نَشَن نَسَنبَشِ عَ مَ. نَ شَنبِ، عَ نَشَ فبِلٍن عَ شَ بْشِ مَ، عَ تَن نُن عَ شَ مِشِيٍ.

مَنفّ سُلٍمَنِ شَ نَاقُلِ

يُدَيَ مَنفّيٍ عِِ ١‏؛١٤ ٬ ١٧، ٩‏؛١٣ ٬ ٢٨

14حّ يٌ حّ سُلٍمَنِ نُ شّيمَ كِلٌ وُلُ مْشْحّن نُن قِرِن، كِلٌ كّمّ سٍننِ تٌنفٌ نَانِ نُن نَانِ سْتْمَ، 15بَقٍ عَ نَشَن سْتْ يُلّيَ دُوتِ رَ. عَ مَن نُ شّيمَ نُن فبٍتِ سْتْمَ مَنفّيٍ نُن فٌمِنَيٍ رَ عَرَبُ بْشِ مَ.

16مَنفّ سُلٍمَنِ نَشَ سْورِ مَكَنتَسٍ كّمّ قِرِن يَءِلَن شّيمَ رَ، كَنكَن يَءِلَنشِ شّيمَ كِلٌ سٌلٌقٍرٍ نَن نَ. 17عَ مَن نَشَ سْورِ مَكَنتَسٍ شُنشُرِ كّمّ سَشَن يَءِلَن شّيمَ رَ، كَنكَن يَءِلَنشِ شّيمَ كِلٌ سَشَن نَن نَ. عَ نَشَ عٍ فبَكُ بَنشِ كُي نَشَن شِلِ قَلَمَ لِبَن قْتْن بَنشِ. 18مَنفّ نَشَ كِبَنيِ شُنفبٍ يَءِلَن سِلِ حِنيِ رَ، عَ قَ شّيمَ قَنيِ مَسٌ عَ مَ. 19سَنتِدٍ سٍننِ نُ نَ نَ كِبَنيِ مَ. عَ شَنبِ رَدِفِلِنشِ، بّلّشّ سَدٍ قِرِن نُ نَ عَ سّيتِيٍ مَ، يّتّ مَسٌلِشِ قِرِن قَن نُ نَ عَ سّيتِيٍ مَ. 20يّتّ قُ نُن قِرِن قَن مَسٌلِشِ نُ نَ سَنتِدٍيٍ سّيتِيٍ مَ، سٍننِ نُ نَ يِرٍقَنيِ مَ، سٍننِيٍ نُ نَ كْولَ مَ. نَ كِبَنيِ مَنِيّ مُ نُ نَ مَنفَتَا يٌ كُي سِندٍن. 21مَنفّ سُلٍمَنِ شَ ثْوتِ بِرِن نُن لِبَن قْتْن بَنشِ شَ ثِلٍتِ بِرِن نُ يَءِلَنشِ شّيمَ نَن نَ. عَ مُ نُ فبٍتِ رَوَلِمَ قٍقٍ مَ، عَ تِدٍ مُ فبٌ عَ بّ. 22كُنكُييٍ نُ نَ مَنفّ يِ رَ نَشٍيٍ نُ سِفَمَ تَرَ سِسِ حّ سَشَن يٌ حّ سَشَن شّيمَ، فبٍتِ، سِلِ حِنيِ، كُلٍ، نُن شْنِ تٌقَنيِيٍ تٌنفٌدٍ. شِرَ مِ شَ وَلِكّيٍ نُ عَ مَلِمَ نَ وَلِ كُي.

23مَنفّ سُلٍمَنِ شَ بَننَيَ نُن عَ شَ لْننِ نَشَ فبٌ يّ دَنفِ بْشِ مَنفّ بِرِن نَ. 24بْشِ مَنفّ بِرِن نُ وَ مَ سُلٍمَنِ شَ لْننِ رَ مّقٍ عَلَ نَشَن سَشِ عَ شَشِلِ مَ. 25نٍيٍ بِرِن نُ مَنفّ سَنبَمَ فبٍتِ، شّيمَ، دُفِيٍ، فٍرٍ سٌسٍيٍ، لَبُندّيٍ، سٌي، نُن سٌقَلٍيٍ رَ حّ يٌ حّ.

26سُلٍمَنِ نَشَ سْورِ رَفِسٍيٍ نُن سٌي رَفِيٍ مَلَن. سْورِ رَفِسٍ وُلُ كٍرٍن كّمّ نَانِ، نُن سٌي رَفِيٍ وُلُ قُ نُن قِرِن نَن نُ نَ مَنفَتَا دَرِ سَلَمُ نُن تَا مَكَنتَشِ فبّتّيٍ. 27مَنفّ نَشَ عَ نِيَ فبٍتِ شَ وُيَ دَرِ سَلَمُ دَنفِقٍ فّمّ شْرِ رَ. وُرِ قَنيِ قَن نَشَن شِلِ سّدِرِ نَشَ وُيَ دَنفِقٍ سِكٌمٌرٌ وُرِ رَ نَشٍيٍ نَ سٍقٍلَ بْشِ مَ. 28سُلٍمَنِ نُ سٌي سَرَ مَ مِسِرَ نُن كٌوَ بْشِ نَن مَ. مَنفّ شَ يُلّيٍ نُ سِفَمَ عٍ تٌنفٌدٍ. 29عٍ سْورِ رَفِسٍ سَرَ فبٍتِ كِلٌ سٌلٌقٍرٍ رَ، عٍ سٌي سَرَ فبٍتِ كِلٌ كٍرٍن نُن عَ تَفِ. عٍ نَ مْولِ سَرَ شِتِ نُن عَرَ مِ مَنفّيٍ قَن بّ.