يَنقَنتٍيٍ
عَلَ مَشَندِ
1دَوُدَ شَ لْننِ بّيتِ بّيتِبَيٍ شَ مَنفّ بّ. عَ شَ بَ كْرَ شُي رَ.
2عَلَ، ﭑ مَ دُبّ سُشُ،
عِ نَشَ عِ نْشُن ﭑ مَ مَشَندِ مَ.
3عِ تُلِ مَتِ ﭑ نَ، عِ شَ ﭑ يَابِ.
شَنمّرِ نُن فَاشُي بَرَ فّ ﭑ سُشُدٍ
4ﭑ يَشُييٍ شَ وْيّنيِ شَ قٍ رَ،
عَ نُن مِشِ حَاشِيٍ شَ وَلِ كٌبِ شَ قٍ رَ.
عٍ وَ مَ ﭑ تْورْقٍ، عٍ ﭑ تْوحّفّمَ شْنّ كُي.
5ﭑ بْحّ بَرَ سّرّن، ﭑ سٌندٌنيِ بَرَ فَاشُ قَشّ يَ رَ.
6فَاشُي نُن سّرّنيِ بَرَ ﭑ سُشُ عَ حَاشِ رَ.
نَ بَرَ ﭑ نَتَفَن.
7شَ فَبُتٍنيِ نَن نُ نَ ﭑ بّ نُ عَلْ فَنبّ،
ﭑ نُ بَرَ سِفَ يِفِيَ قٍندٍ نُ،
8ﭑ نُ ﭑ فِمَ نّ، ﭑ سِفَ يِرٍ مَكُيٍ،
ﭑ سِفَمَ وُلَ عِ نّ نُ. حّنفِ رَتٍ.
9ﭑ شَ ﭑ فِ مَقُرٍن، عَلْ قٌيٍ شُنفبٍ.
10ﭑ مَرِفِ، قٍ كٌبِ رَبَيٍ رَيٍنسٍن يّ.
عِ نَشَ عٍ لُ عٍ شَ لَن قٍ كٌبِ مَ،
بَرِ مَ كٌبِحَ نُن فٍرٍ بَرَ فبٌ تَا كُي.
11كْي نُن يَنيِ رَ قٍ كٌبِ رَبَيٍ تَا رَبِلِنمَ،
عٍ شَ قٍ حَاشِ نُن تِنشِنتَرٍيَ رَبَ تَا كُي.
12عٍ بَرَ قٍ بِرِن كَنَ.
فبّسّنشْننّيَ نُن مَءِقُي بَرَ فبٌ تَا كُي.
13شَ يَشُي نَن تُن ﭑ كٌنبِمَ نُ، ﭑ دِحّمَ.
شَ ﭑ شْنمِشِ نَن تُن كٍلِمَ ﭑ شِلِ مَ نُ،
ﭑ نَن ﭑ نْشُنمَ نّ عَ مَ نُ.
14كْنْ عِ تَن ﭑ لَنقَنمَ نَن عِ رَ، ﭑ شَنُنتٍنيِ، ﭑ دّقَنبٌورٍ.
15وٌن دّ قَن، وٌن بِرِن سِفَمَ عَلَ شَ هْرْ مْبَنشِ.
16عٍ شَ عٍ تّرّننَ قَشّ رَ،
عٍ شَ فٌرٌ فَبُرِ كُي عٍ حِحّ رَ،
بَرِ مَ عٍ عٍ حّرّ مَ قٍ حَاشِيٍ نَن تُن كُي.
17كْنْ ﭑ بَرَ عَلَ شِلِ. عَلَتَلَ ﭑ نَكِسِمَ نّ.
18ﭑ فبٍلٍفبٍلٍمَ كْي عَ نُن يَنيِ رَ. عَ بَرَ ﭑ شُي مّ.
19ﭑ يَشُييٍ تٌ وُيَ، عَ بَرَ ﭑ نَتَنفَ نَ فٍرٍ مَ.
20عَلَ نَشَن نَ عَ شَ كِبَنيِ كُي كَبِ عَ قْلّ،
عَ عَ تُلِ مَتِمَ ﭑ نَ، عَ قَ ﭑ يَشُييٍ رَبِرَ، حّنفِ رَتٍ
بَرِ مَ عٍ تٌندِشِ تُوبِدٍ.
عٍ مُ فَاشُ عَلَ يَ رَ.
21يِ مِشِيٍ بَرَ عٍ بٌرٍ فٍرٍ، عٍ سَاتّ كَنَ.
22عٍ دّ عِحْشُن عَلْ شِحّ، كْنْ فٍرٍ نَ عٍ بْحّ كُي.
عٍ شَ وْيّنيِ سَلَشُن عَلْ تُرٍ،
كْنْ عٍ مِشِ تْورْ مَ عَلْ سَنتِدّفّمَ نَشَن بَشِ عَ تّي عِ.
23عِ شَ عِ شَشِلِ تِ عَلَتَلَ رَ، عَ عِ مَلِمَ نّ.
عَ مُ تِنمَ تِنشِنتْي شَ بِرَ.
24عَلَ، يِ فٍرٍ سٌي نُن يِ يَنقَنتٍيٍ شَنِن عَلِفِيَمَ.
عِ نَشَ عٍ شَ سِمَيَ كْنتِ رَكَمَلِ.
عَلَ، ﭑ بَرَ ﭑ تَشُ عِ رَ.