لَايِدِ تٌنفٌقٍ عَلَ بّ
1عِ نَشَ فبَتَ عِ دّ رَبِدٍ وْيّنيِ شِلِ مَ،
عِ نَشَ فبَتَ لَايِدِ تٌنفٌدٍ عَلَ بّ،
بَرِ مَ عَلَ تَن نَ كٌورٍ نّ، كْنْ عِ تَن نَ بْشِ نَن مَ.
عَوَ، عِ شَ وْيّنيِ نَشَ وُيَ.
2عَلْ شِيٍ تٌ كٍلِمَ مَحْشُنيِ فبٍفبٍ مَ،
شَشِلِتَرٍحَ قَن كٍلِمَ دّ وُيَ نَن مَ.
3شَ عِ بَرَ لَايِدِ تٌنفٌ عَلَ بّ، عِ نَشَ دُفُندِ عَ رَكَمَلِدٍ. شَشِلِتَرٍحَ مُ رَقَن عَلَ مَ. عَ لَنمَ عِ شَ عِ شَ لَايِدِ رَكَمَلِ. 4لَايِدِ تٌنفٌتَرٍحَ قِسَ لَايِدِ رَكَمَلِتَرٍحَ بّ. 5عِ نَشَ تِن عِ شَ وْيّنيِ شَ قِندِ يُنُبِ رَ. عِ نَشَ عَ قَلَ عَلَ شَ شّيرَ بّ، «ﭑ مُ نُ وَ مَ لَايِدِ يَتِ تٌنفٌقٍ.» نَ قٍ مْولِ عَلَ رَشْنْمَ نّ، عَ عَ نِيَ عِ شَ وَلِ شُن شَ رَكَنَ. 6شِيٍ وُيَشِ سَقٍ نُن وْيّنيِ تِقٍ قِندِشِ قٍ قُقَقُ نَن نَ. نَ كُي عَ لَنمَ عِ شَ فَاشُ عَلَ يَ رَ.
7عِ نَشَ تّرّننَ شَ عَ سَ لِ عِ مِشِيٍ تٌمَ تَا كُي نَشٍيٍ قُمَ مِسِكِينّيٍ مَ، عٍ سّرِيّ كَنَ، عٍ كِيتِ حَاشِ سَ تِنشِنتْييٍ مَ. مَنفّ عَ بٌورٍ مَنفّ نَن مَلِمَ، هَن عَ مَنفّيَ شُنفبٍ سْتْ. 8عٍ بِرِن فٍينِمَ شّ سَمَيٍ نَن سَابُي رَ، هَلِ مَنفّ شُنفبٍ.
9كْبِرِ رَقَن مِشِ نَشَن مَ، عَ مُ وَ سَمَ.
بَننَيَ رَقَن نَشَن مَ، عَ نَاقُلِ مُ عَ رَلِمَ.
قٍ قُقَقُ نَن نَ كِ.
10هَرِفٍ فبٌمَ كِ نَشّ، عَ دٌنمَيٍ قَن فبٌمَ نَ كِ نّ.
نَ كُي مُنَقَنيِ مُندُن نَ هَرِفٍ كَنيِ بّ،
بَ عَ يَ تِقٍ رَ عَ هَرِفٍ رَ؟
11وَلِكّ لُفَ بَ، عَ مُ لُفَ بَ، عَ شِشْلِ قَنيِ رَبَمَ نّ.
كْنْ بَننَ شَ نَاقُلِ عَ نِيَمَ نّ عَ مُ شِشْلِ قَنيِ رَبَ.
12ﭑ قٍ مَفَاشُشِ ندٍ رَكْرْ سِشِ يِ دُنِحَ مَ؛
كَنكَنقٍ بَننَيَ مَ هَن عَ بَننَ تْورْ،
13شَ نَ مُ عَ رَ، بَننَيَ لْيقٍ تْورّ ندٍ سَابُي رَ،
عَ قَ لِ بَننَ شَ دِ مُ كّ سْتْ.
14عَدَ مَدِ مِنِ كِ نَشّ عَ نفَ تّفّ،
عَ مَن فبِلٍنمَ بّندّ عَ مَفٍلِ رَ نَ كِ نّ.
عَ مُ سٍسٍ شَنِنمَ عَ شُن مَ عَ نَشَن سْتْ عَ شَ وَلِ كُي.
15يِ قٍ شْرْشْ.
عَدَ مَدِ قَ كِ نَشّ يِ دُنِحَ مَ،
عَ مَن سِفَمَ نَ كِ نّ.
عَ شَ كَتّ قِندِشِ قٍ قُقَقُ نَن نَ.
16عَ دُنِحَ عِفِرِ مَ دِ مِ نَن كُي،
كْنتْقِلِ، تْورّ، نُن بْحّ مَحَاشُي كُي.
17نَ كُي ﭑ نَشَ عَ قَهَامُ عَ قَن عَدَ مَ بّ شَ عَ عَ دّفٍ، عَ عَ مِن، عَ سّيوَ عَ شَ وَلِ رَ، عَ نَشَن نَبَمَ دُنِحَ مَ عَ شَ سِمَيَ كُي، عَلَ نَشَن نَفِرِشِ عَ مَ نَ نَن قِندِشِ عَ شَ فٍينِ رَ. 18شَ عَلَ عَ رَفِرِ مِشِ مَ عَ شَ هَرِفٍ سْتْ، عَ قَ سّيوَ نَ رَ هَن عَ وَ سَ، نَ بَرَ قِندِ عَلَ شَ كِ نَن نَ. 19نَ كُي، عَ مُ كْنتْقِلِمَ عَ شَ سِمَيَ شَ دُنكٍ شَ قٍ رَ، بَرِ مَ عَلَ بَرَ عَ نِيَ عَ بْحّ شَ لُ سّيوّ كُي تُن.