سٍبَ مَنفّ دَوُدَ مَتَندِقٍ
1مِشِ سّرِيّتَرٍ ندٍ نُ نَ، نَشَن نُ شِلِ سٍبَ، بِكِرِ شَ دِ، قَتَنقٍ بُنيَمِن بْنسْي رَ. سٍبَ نَشَ قٍرِ قٍ عِسِرَيِلَ حَمَ مَ، عَ عَ قَلَ عٍ بّ،
«وٌن مُ بِرَ مَ دَوُدَ قْشْ رَ.
وٌن نُن يِسَيِ شَ دِ مُ نَ كّ كٍرٍن.
عِسِرَيِلَ حَمَ شَ فبِلٍن عٍ شْنيِ!»
2عِسِرَيِلَ شّمّ بِرِن نَشَ كٍلِ دَوُدَ شُن مَ، عٍ بِرَ بِكِرِ شَ دِ سٍبَ قْشْ رَ. يُدَيَ شّمّيٍ تَن نَشَ لُ عٍ شَ مَنفّ سّيتِ مَ، عٍ سَ عَ مَتِ كٍلِقٍ يُرُدّن شُرٍ مَ، هَن دَرِ سَلَمُ.
3مَنفّ دَوُدَ تٌ سٌ عَ شْنيِ دَرِ سَلَمُ، عَ نَشَ عَ شَ كٌنيِ فِنّ قُ تٌنفٌ، عَ نُ بَرَ نَشٍيٍ لُ عَ شَ بَنشِ كَنتَدٍ، عَ عٍ يِفِيَ بَنشِ مَكَنتَشِ ندٍ كُي. عَ نَشَ عَ حّنفِ سَ عٍ شْن مَ، كْنْ عَ نُن عٍ تَن مُ كَقُ سْنْن. عٍ نَشَ لُ نَ بَنشِ كُي عٍ كَاحّ كِ مَ هَن عٍ قَشَ.
4مَنفّ نَشَ عَ قَلَ عَمَسَ بّ، «سِفَ، سَ يُدَيَ سْورِيٍ مَلَن بٍينُن شِ سَشَن وٌ شَ بٍ لِ.» 5عَمَسَ نَشَ سِفَ نَ رَبَدٍ، كْنْ عَ نَشَ دُفُندِ. 6نَ شِ سَشَن تٌ دَنفِ، دَوُدَ نَشَ عَ قَلَ عَبِسَيِ بّ، «يَكْسِ بِكِرِ شَ دِ سٍبَ قَمَ وٌن تْورْدٍ دَنفِقٍ عَبِسَلٌمِ رَ. عِ شَ ﭑ مَ سْورِيٍ تٌنفٌ، وٌ شَ سِفَ عَ قٍندٍ، عَلَكٌ عَ نَشَ عَ نْشُن تَا مَكَنتَشِ ندٍ كُي، عَ قَ لْي وٌن مَ.» 7يٌوَبَ شَ مِشِيٍ قَن نَشَ بِرَ عَبِسَيِ قْشْ رَ، عَ نُن كٍرٍتِكَيٍ نُن ثٍلٍتَكَيٍ. عٍ بِرِن نَشَ مِنِ دَرِ سَلَمُ رَ، سِفَقٍ بِكِرِ شَ دِ سٍبَ قٍندٍ.
8عٍ تٌ قَنيٍ شُنفبٍ يِرٍ لِ فَبَيٌن، عَمَسَ نَشَ مِنِ عٍ يَ رَ. يٌوَبَ نُ بَرَ عَ شَ قِنّ تّي شِرِ عَ شَ فٍرٍ سٌسٍ دٌنمَ تَفِ. عَ تٌ نُ مَكْرّقٍ عَمَسَ رَ، عَ شَ قِنّ نَشَ مِنِ عَ تّي كُي عَ بِرَ. 9يٌوَبَ نَشَ عَمَسَ شّيبُ، «عَ رَبَشِ دِ نفَشَكٍرٍنيِ؟» عَ نَشَ عَ دّشَبٍ سُشُ عَ يِرٍ قَنيِ بّلّشّ رَ شّيبُي كُي. 10عَمَسَ مُ عَ حْشْ سَ قِنّ شْن مَ نَشَن نُ نَ يٌوَبَ كْولَ بّلّشّ عِ. يٌوَبَ نَشَ عَمَسَ قُرِ سْشْ، عَ عَ قُرِنفّيٍ رَ مِنِ كّنّ مَ، عَ نَشَ قَشَ كٍرٍن نَ.
نَ تّمُي يٌوَبَ نُن عَ شُنيَ عَبِسَيِ نَشَ سِفَ بِكِرِ شَ دِ سٍبَ قٍندٍ. 11يٌوَبَ شَ مِشِ ندٍ نَشَ تِ عَمَسَ قُرٍ قّ مَ، عَ عَ قَلَ عَ شُي عِتٍشِ رَ حَمَ بّ، «نَشَن نَ يٌوَبَ نُن دَوُدَ بّ، وٌ شَ بِرَ يٌوَبَ قْشْ رَ.» 12عَمَسَ تٌ نُ سَشِ عَ وُلِ شْورَ كِرَ تَفِ، حَمَ قَن نُ تِشِ نَا عَ مَتٌدٍ. نَ كُي يٌوَبَ شَ نَ مِشِ نَشَ عَمَسَ قُرٍ بّندُن سّشّ شْورَ، عَ دُفِ ندٍ قٍلٍن عَ مَ، عَلَكٌ حَمَ نَشَ تِ نَا عَ مَتٌدٍ. 13عَ تٌ عَ بَ كِرَ رَ، حَمَ نَشَ بِرَ يٌوَبَ قْشْ رَ، سِفَقٍ بِكِرِ شَ دِ سٍبَ قٍندٍ.
14يٌوَبَ نَشَ دَنفِ عِسِرَيِلَ بْنسْييٍ بِرِن نَ سِفَقٍ رَ تَا ندٍ نَشَن شِلِ عَبٍلِ بٍتِ مَاكَ لٌنفٌرِ رَ. بٍرِ مُكَيٍ قَن نَشَ بِرَ عَ قْشْ رَ. 15عٍ بِرِن نَشَ عَبٍلِ بٍتِ مَاكَ رَبِلِن، سٍبَ نُ نَ نَ تَا كُي. عٍ نَشَ بّندّ مَلَن تّتّ كَنكٍ، عَلَكٌ عٍ شَ عَ رَبِرَ، عٍ شَ سٌ تَا كُي.
16نَ كُي فِنّ شَشِلِمَ ندٍ نَشَ عَ قَلَ عَ شُي عِتٍشِ رَ كٍلِقٍ تّتّ كُي، عَ نَشّ، «وٌ وٌ تُلِ مَتِ! وٌ يٌوَبَ شِلِ ﭑ بّ عَ شَ قَ بٍ، مُشُ شَ وْيّن.» 17يٌوَبَ تٌ عَ مَكْرّ، نَ فِنّ نَشَ عَ مَشْرِن، «يٌوَبَ نَن عِ رَ؟» عَ نَشَ عَ يَابِ، «عِيٌ.» عَ نَشَ عَ قَلَ عَ بّ، «عِ تُلِ مَتِ ﭑ تَن عِ شَ كٌنيِ فِنّ شُي رَ.» عَ نَشّ، «عَوَ.» 18عَ نَشَ عَ قَلَ، «بِرِن عَ كٌلٌن كَبِ تّمُي شْنكُيٍ، يِ عَبٍلِ تَا قِندِشِ شَشِلِمَ يِرٍ نَن نَ. مِشِيٍ قَمَ بٍ نّ تّمُي بِرِن مَرَ سِ قٍندٍ. 19عِسِرَيِلَ شَ تَا ندٍ نَن عَبٍلِ رَ نَشَن بْحّسَ كٌلٌن دَنفِ عَ بِرِن نَ. مُنقٍ رَ عِ وَ مَ تَا كَنَقٍ نَشَن قِندِشِ عَلَتَلَ فبٍ رَ؟»
20يٌوَبَ نَشَ عَ يَابِ، «عَلَ شَ ﭑ نَتَنفَ نَ مَ. ﭑ مُ وَ مَ عَبٍلِ بٍتِ مَاكَ كَنَقٍ. 21مُشُ قَشِ عٍقِرَ مِكَ ندٍ نَن قْشْ رَ، بِكِرِ شَ دِ سٍبَ. عَ بَرَ مَنفّ دَوُدَ مَتَندِ. شَ وٌ عَ سٌ مُشُ يِ، مُشُ كٍلِمَ نّ بٍ كٍرٍن نَ.» فِنّ نَشَ عَ يَابِ، «مُشُ عَ شُنيِ نَن وٌلِمَ وٌ مَ تّتّ قَرِ مَ.»
22نَ فِنّ نَشَ وْيّن عَ شَ مِشِيٍ رَ شَشِلِمَيَ رَ. عٍ نَشَ بِكِرِ شَ دِ سٍبَ شُنيِ بٌلٌن عَ دّ عِ، عٍ عَ وٌلِ تّتّ قَرِ مَ، يٌوَبَ نُن عَ شَ مِشِيٍ مَ. يٌوَبَ تٌ نَ تٌ، عَ نَشَ قٍرِ قٍ، عَ شَ مِشِيٍ بِرِن نَشَ فبِلٍن عٍ شْنيِ. يٌوَبَ نَشَ سِفَ مَنفّ يِرٍ دَرِ سَلَمُ.
23يٌوَبَ نَن نُ نَ عِسِرَيِلَ سْورِيٍ شَ مَنفّ رَ. يٍهٌيَدَ شَ دِ بّنَيَ نَن نُ نَ كٍرٍتِكَيٍ نُن ثٍلٍتَكَيٍ شُنيِ رَ. 24عَدٌرَ مِ نَن نُ نَ مَنفّ شَ وَلِكّيٍ شَ يَرٍرَتِ رَ. عَشِلُدُ شَ دِ يٍهٌسَقَتِ نَن نُ نَ مَنفّ شَ كّيدِ مَكَنتَدٍ شُنيِ رَ. 25سٍوَ نَن نُ عَ شَ سّبّلِتِ رَ. سَدْكِ نُن عَبِيَتَرِ نَن نُ نَ سّرّشّدُبّيٍ شُنيِيٍ رَ. 26عِرَ يَيِرِكَ نَن نُن نَ دَوُدَ شَ سّرّشّدُبّ رَ.