سِيسِلَ شَ شَشِلِتَرٍحَ
1وّنِ مِشِ رَيَافِمَ،
بٍيرٍ مِشِ مَدَشُمَ نّ.
سِيسِلَ مُ نْمَ قِندِدٍ شَشِلِمَ رَ.
2مَنفّ بْحّ تٍشِ مَنِيَ يّتّ شَاحّ رَ.
مِشِ نَشَن مَنفّ رَشْنْمَ، نَ بَرَ عَ يّتّ تْورْ.
3مِشِ بِنيَشِ مُ تِنمَ فٍرٍ رَ،
كْنْ شَشِلِتَرٍ بِرَ مَ سْنشْي نَن قْشْ رَ.
4مِشِ تُننَشْنْشِ مُ يِرٍ بُشَمَ عَ وَشَتِ.
شّ شَبَ تّمُي عَ بَلٌي قٍنمَ نّ، كْنْ عَ مُ سٍسٍ تٌمَ.
5مَرَ سِ تِلِن عَلْ يٍ نَشَن نَ بَا مَ.
قَهَامُي كَنيِ نَ بِرِن مَتٌمَ نّ.
6مِشِ فبٍفبٍ دُفُتّفّحَ قَلَمَ عٍ يّتّ شُن مَ،
كْنْ دُفُتّفّ يَتِ يَتِ تٌمَ دُنِحَ مَ؟
7تِنشِنتْي حّرّ مَ تِنشِنيِ نَن نَ،
سّيوّ نَ عَ شَ دِيٍ بّ.
8مَنفّ كِيتِسَ قَتَ مِشِ بْحّ حَاشِ تٌدٍ.
9ندٍ نْمَ عَ قَلَدٍ، «قٍ حَاشِ يٌ مُ ﭑ بْحّ مَ،
ﭑ سّنِيّنشِ، يُنُبِ يٌ مُ نَ ﭑ مَ؟»
10سِكٍيلِ تِنشِنتَرٍ مُ رَقَن عَلَتَلَ مَ.
11قٌنِكٍ شَ حّرّ كِ تِنشِنشِ عَ بْحّ كِ مَسٍنمَ نّ.
12تُلِ نَشَن قٍ مّمَ، يَ نَشَن سٍ تٌمَ،
عَلَتَلَ نَن نَ بِرِن دَاشِ.
13شِشْلِ نَشَ رَقَن عِ مَ دٍ،
شَ نَ مُ عَ رَ عِ قِندِ مَ سٍتَرٍ نَن نَ.
عِ يَ لَنمَ عَ شَ رَ سّفّ، عَلَكٌ عِ شَ بَلٌي سْتْ عَ قَنيِ رَ.
14سَرٍ سٌ نَن عَ قَلَمَ يُلّ بّ،
«نَ سَرٍ مُ قَن ﭑ بّ قٍوٌ،»
كْنْ عَ قَ كٍلِ نَ شُن مَ عَ يّتّ مَتْشْقٍ رَ.
15شّيمَ نُن فّمّ تٌقَنيِ فبٍفبٍ نَ دُنِحَ،
كْنْ لْننِلَ شَ وْيّنيِ تِدٍ فبٌ عٍ بِرِن بّ.
16مِشِ شَ سّيكّ سٍ رَ سُشُ عَ نَشَن تَانِ شْحّ بّ،
شَ نَ مُ عَ رَ عَ نَشَن تَانِ لَنفٌي بّ.
17دٌنسٍ نَشَن سْتْ وُلٍ رَ، عَ قْلّ عَ حْشُن،
كْنْ عَ رَحْنيِ عَ لُشِ نّ عَلْ فّمّ شْرِ عِ دّ عِ.
18مَرَ سِ قَنيِ نَن وَلِ سْونّيَمَ.
حَمَ نَشَ فٍرٍ سٌ مَرَ سِ شَنبِ.
19نَاقِشِ لَنلَنتٍيَ كَنَمَ نّ.
عِ نَشَ لَ مِشِ رَ نَشَن دّ وُيَ.
20مِشِ نَ يٌ عَ نفَ نُن عَ بَبَ مَ،
عَ دُنِحَ عِفِرِ مَ دِ مِ نَن كُي.
21هَرِفٍ نَشَن سْتْمَ مَقُرٍنيِ رَ، نَ مُ بُمَ.
22عِ نَشَ عَ قَلَ، «ﭑ نَن ﭑ فبٍحْشْمَ نّ.»
عِ شَشِلِ تِ عَلَتَلَ نَن نَ، عَ عِ رَكِسِمَ نّ.
23عَلَتَلَ مُ وَ مَ مَنِيَ سٍ تِنشِنتَرٍ شْن مَ.
سِكٍيلِ تِنشِنتَرٍ مُ قَن.
24عَلَتَلَ نَن عَدَ مَدِ شُن تِمَ كِرَ ندٍ رَ.
عِبُنَدَ مَ تَن مُ نْمَ نَ قَهَامُدٍ.
25لَايِدِ تٌنفٌقٍ عَلَ بّ مَقُرٍن مَقُرٍن مَحْشُنيِ فبٍفبٍ شَنبِ،
نَ قِندِشِ فَنتَنيِ نَن نَ عَدَ مَدِ بّ.
26مَنفّ لْننِلَ قَتَ مِشِ حَاشِيٍ مَيٍفٍتِدٍ،
عَ تِ عٍ قَرِ عَ شْرْشْي رَ.
27عَلَتَلَ شَشِلِ قِمَ عَدَ مَدِ مَ، عَ قِندِ عَ بّ لَنثُي رَ،
عَلَكٌ عَ شَ عَ يّتّ بْحّ مَتٌ عَ قَنيِ رَ.
28شَنُنتٍيَ نُن دُفُتّفّحَ مَنفّ كَنتَمَ نّ.
مَنفّ كِبَنيِ سَبَتِمَ نّ مَنفّ شَ شَنُنتٍيَ سَابُي رَ.
29قٌنِكٍ سّنبّ قِندِشِ عَ شَ شُننَكٍلِ نَن نَ.
شّمْشِ شُنسّشّ قِيشّ قِندِشِ عَ شَ بِنيّ نَن نَ.
30بْنبْي قِندِشِ كٌبِحَ سٍرِ نَن نَ،
لُشُسِنيِ عَدَ مَ شَشِلِ مَتِنشِنمَ نّ.