عِسَ شَ سّرّشّ
1عَننَبِ مُنسَ شَ سّرِيّ مِسَالِشِ قٍ قَنيِ نَن نَ نَشَن قَمَ قَدٍ. عَ قِندِشِ مِسَالِ فبَنسَن نَن نَ. نَ نَن عَ تٌشِ عَ عَننَبِ مُنسَ شَ سّرِيّ مُ نْمَ عَلَ بَتُلَيٍ رَ سّنِيّندٍ كٍرٍنيِ رَ، نَ سّرّشّيٍ سَابُي رَ نَشٍيٍ بَمَ حّ يٌ حّ. 2شَ عَ سَ لِ عَ نُ نْمَ عٍ رَ سّنِيّندٍ نُ، مِشِيٍ مُ نُ لُمَ سّرّشّيٍ بَ رَ تّمُي بِرِن، بَرِ مَ سّرّشّ كٍرٍن فبَنسَن نُ نْمَ عٍ شَ يُنُبِ بِرِن شَقَرِدٍ كٍرٍنيِ رَ، نَ يُنُبِ شَ قٍ مَحْشُنيِ يَتِ مُ لُمَ عٍ شُنيِ. 3كْنْ حّ يٌ حّ نَ سّرّشّيٍ قِندِ مَ مَرَتُسٍ نَن نَ مِشِيٍ بّ عَ يُنُبِيٍ نَ عٍ مَ. 4تُرَ نُن سِ كٌنتٌنيِ وُلِ مُ نْمَ يُنُبِيٍ بَدٍ.
5نَ نَن عَ تٌشِ، عَلَ شَ مِشِ سُفَندِشِ تٌ سٌ دُنِحَ، عَ نَشَ عَ مَسٍن عَلَ بّ،
«عِ مُ وَ مَ سّرّشّ شْن.
عِ مُ وَ مَ هَدِيَ شْن.
عِ بَرَ قَتٍ يَءِلَن ﭑ بّ.
6عِ مُ وَ مَ سّرّشّ فَن دَاشِ شْن مَ،
عِ مُ وَ مَ سّرّشّ يُنُبِ شَقَرِ دَاشِ قَن شْن مَ.
7ﭑ نَشَ عَ مَسٍن، ‹ﭑ بَرَ قَ.
عَ سّبّشِ ﭑ مَ قٍ رَ كِتَابُي كُي،
عَلَ، ﭑ نَ قَقٍ عِ سَفٌ رَبَدٍ.›»
8سِنفٍ عَ نَشَ عَ مَسٍن،
«عِ مُ وَ مَ سّرّشّ يٌ شْن مَ.
عٍ مُ رَقَن عِ مَ.
عِ مُ وَ مَ هَدِيَ يٌ شْن مَ.
عِ مُ وَ مَ سّرّشّ فَن دَاشِ شْن مَ،
عِ مُ وَ مَ سّرّشّ يُنُبِ شَقَرِ دَاشِ قَن شْن مَ.»
عَ نُ بَرَ نَ قَلَ هَلِ نَ يَامَرِ تٌ نُ تٌمَ عَ شَ سّرِيّ كُي. 9نَ دَنفِ شَنبِ، عَ بَرَ عَ مَسٍن،
«عَلَ، ﭑ نَ بٍ. ﭑ بَرَ قَ عِ سَفٌ رَبَدٍ.»
نَ كُي، عَ نَشَ قٍ سِنفٍ بَ نَ، عَلَكٌ قٍ قِرِن ندٍ شَ تِ. 10نَ حَنِفٍ نَن عَ نِيَشِ وٌن نَسّنِيّنشِ عَلَ شَ مِشِ سُفَندِشِ عِسَ قَتٍ سَابُي رَ، نَشَن بَشِ سّرّشّ رَ كٍرٍنيِ رَ.
11سّرّشّدُبّ بِرِن عٍ شَ وَلِ رَبَمَ لْشْ يٌ لْشْ. عٍ لُمَ سّرّشّيٍ بَ رَ نَشٍيٍ مُ نْمَ يُنُبِيٍ شَقَرِدٍ. 12كْنْ عِسَ تَن، عَ تٌ فّ سّرّشّ كٍرٍن بَدٍ يُنُبِيٍ شَ قٍ رَ، عَ نَشَ عَ مَفٌرٌ عَلَ يِرٍقَنيِ مَ، عَ لُمَ دّننَشّ عَبَدَن. 13عَ نَ عَ مَمّقٍ عَ شَ تِ عَ يَشُييٍ مَ، 14بَرِ مَ عَ بَرَ مِشِيٍ رَكَمَلِ كٍرٍنيِ رَ، عَ نَشٍيٍ رَ سّنِيّنشِ عَ شَ سّرّشّ كٍرٍنيِ سَابُي رَ.
15عَلَ شَشِلِ سّنِيّنشِ نَ تَفِ رَبَمَ وٌن بّ يِ مَسٍنيِ رَ. عَ سِنفٍ، عَ نَشَ عَ مَسٍن،
16«سَاتّ نَن يَ ﭑ نَشَن تٌنفٌمَ عِسِرَيِلَ بْنسْي بّ؛
نَ وَشَتِ نَ دَنفِ،
ﭑ نَن ﭑ مَ سّرِيّ لُمَ نّ عٍ بْحّ مَ،
ﭑ نَ سّبّمَ نّ عٍ سٌندٌنيِ مَ.»
17عَ مَن نَشَ عَ مَسٍن،
«ﭑ مُ رَتُمَ عٍ شَ يُنُبِيٍ
نُن عٍ شَ وَلِ كٌبِيٍ مَ سْنْن.»
18يُنُبِ نَ فّ شَقَرِدٍ تّمُي نَشّ، سّرّشّ مُ بَمَ نَ يُنُبِ شَ قٍ رَ سْنْن.
19ﭑ نفَشَكٍرٍنيِيٍ، نَ كُي وٌن بَرَ لِمَنِيَ سْتْ سٌقٍ رَ نَ يِرٍ سّنِيّنشِ قِسَمَنتٍ كُي عِسَ وُلِ سَابُي رَ. 20عِسَ بَرَ نَ كِسِ كِرَ نّينّ رَبِ وٌن بّ، عَلَكٌ وٌن شَ دَنفِ نَ دُفِ رَ نَشَن فبَكُشِ هْرْ مْلِنفِرَ كُي عَ قَتٍ سَابُي رَ. 21وٌن مَ سّرّشّدُبّ كُنتِفِ تٌ تِشِ عَلَ شَ بَنشِ شُنيِ رَ، 22وٌن شَ وٌن مَكْرّ عَلَ رَ بْحّ قِيشّ نُن دَنشَنِيَ رَ. نَ دَنشَنِيَ وٌن نَلِمَنِيَمَ نّ، بَرِ مَ وٌن بْحّ رَ سّنِيّنشِ وٌن مَ يُنُبِيٍ مَ، وٌن قَتٍ قَن مَشَشِ يٍ تِنسٍ رَ. 23وٌن شَ وٌن شَشِلِ تِ عَلَ رَ تُننَبّشِ كُي، بَرِ مَ نَشَن لَايِدِ تٌنفٌشِ وٌن بّ، عَ مُ نْمَ نَ كَنَدٍ. 24وٌن شَ مّينِ وٌن بٌرٍ مَ، عَلَكٌ وٌن شَ وٌن بٌرٍ رَلِمَنِيَ وٌن شَ لُ شَنُنتٍيَ نُن وَلِ قَنيِ كُي. 25وٌن نَشَ وٌن مَ مَلَنيِيٍ رَبٌلٌ دٍ، عَلْ ندٍيٍ نَ عَ رَبَقٍ كِ نَشّ. عَ لَنمَ وٌن شَ وٌن بٌرٍ رَلِمَنِيَ. وٌن تٌ عَ كٌلٌن عَلَ شَ لْشْي نَ قَقٍ، وٌن نَشَ تَفَن نَ مَ.
26شَ عَ سَ لِ، وٌن عَلَ شَ نْندِ كٌلٌن، كْنْ وٌن مَن نُ قَ لُ يُنُبِ رَبَ رَ وٌن حَنِفٍ رَ، سّرّشّ فبّتّ مُ نَ سْنْن نَشَن نْمَ وٌن مَ يُنُبِيٍ شَقَرِدٍ، 27قٌ فَاشُي شُنفبٍ عَلَ شَ كِيتِ يَ رَ، نَشَن قِندِ مَ تّ مَنكَنّ رَ عَ مَتَندِلَيٍ بّ. 28شَ مِشِ ندٍ عَننَبِ مُنسَ شَ سّرِيّ مَتَندِ، عٍ عَ قَشَمَ نّ كِنِكِنِتَرٍحَ كُي، سٍيدٍ قِرِن شَ نَ مُ عَ رَ سَشَن شَ سٍيدٍحْشْيَ سَابُي رَ. 29كْنْ حَشَنكَتّ دَنفِمَ نَ تَن نَ مِشِيٍ بّ، نَشٍيٍ عَلَ شَ دِ مَبٌرٌنمَ عٍ سَنيِ رَ، عٍ عَ شَ سَاتّ وُلِ رَ سْتْ نَشَن عٍ رَ سّنِيّنشِ، عٍ عَلَ شَشِلِ رَ سْتْمَ نَشَن هِننّشِ عٍ رَ. 30وٌن يِ مَسٍنيِ كَنيِ كٌلٌن،
«ﭑ تَن نَن مِشِ فبٍحْشْمَ،
ﭑ تَن نَن عٍ سَرٍ قِمَ عٍ مَ.»
عَ مَن سّبّشِ، «مَرِفِ قَمَ نّ عَ شَ حَمَ مَكِيتِدٍ.» 31عَلَ حِحّ شَ حَشَنكَتّ مَفَاشُ.
32وٌ شَ رَتُ نَ لْشْي سِنفٍيٍ مَ. وٌ تٌ نَءِيَلَنيِ تٌ، وٌ نَشَ وٌ تُننَبّشِ فٍرٍ شْرْشْي كُي نَشَن قِندِشِ تْورّ رَ وٌ بّ. 33عٍ نَشَ وٌ كٌنبِ، عٍ نَشَ وٌ حَشَنكَتَ حَمَ يَ شْرِ. وٌ قَن نَشَ لُ مِشِيٍ سّيتِ مَ، نَشٍيٍ بَرَ نَ تْورّ مْولِ سْتْ. 34وٌ نَشَ كِنِكِنِ فٍيلِمَنِيٍ مَ، وٌ نَشَ تِن عَ رَ سّيوّ كُي عٍ شَ وٌ هَرِفٍ بَ وٌ يِ رَ، بَرِ مَ وٌ عَ كٌلٌن هَرِفٍ ندٍ نَ وٌ بّ نَشَن دَنفِ نَ بٌورٍ رَ ثٌن، عَ بُ عَبَدَن.
35وٌ نَشَ قٍ رَبٌلٌ، وٌ شَشِلِ تِشِ نَشَن نَ، بَرِ مَ نَ سَرٍ فبٌ. 36وٌ هَيِ نَ تُننَبّشِ مَ، عَلَكٌ وٌ شَ عَلَ سَفٌ رَكَمَلِ، وٌ قَ قٍ سْتْ عَ نَشَن لَايِدِشِ وٌ بّ. 37عَ سّبّشِ،
«عَ فبٍ مُ لُشِ سْنْن.
نَشَن لَنمَ عَ شَ قَ، عَ قَمَ نّ،
عَ مُ دُفُندِ مَ.
38ﭑ مَ تِنشِنتْي كِسِمَ نّ دَنشَنِيَ سَابُي رَ.
كْنْ شَ عَ سَ لِ عَ مَن نَشَ فبِلٍن شَنبِ،
ﭑ مُ حّلّشِنمَ عَ شَ قٍ رَ.»
39وٌن مُ قِندِشِ قٍ رَبّحِنيِيٍ شَ رَ، نَشٍيٍ شَ قٍ شُن نَكَنَمَ. وٌن تَن قِندِشِ دَنشَنِيَتْييٍ نَن نَ، نَشٍيٍ كِسِمَ.