عَلَ مّينِقٍ عَ شَ سَنسِيٍ مَ
عَلَ مَشَندِ
1عَسَقِ شَ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «قُفٍ تٌقَنيِيٍ عَلْ عَلَ شَ سَاتّ.»
2عِسِرَيِلَ كَنتَمَ، عِ عِ تُلِ مَتِ ﭑ نَ،
عِ تَن نَشَن يُسُقُ بْنسْي رَحّرّ مَ عَلْ شُرُ سٍ فْورّ.
عِ شَ عِ شَ نْرّ مَسٍن،
عِ تَن نَشَن مَفٌرٌشِ مَلٍكّ مَسٌلِشِيٍ تَفِ.
3عِ سّنبّ رَ مِنِ عٍقِرَ مِ، بُنيَمِن، نُن مَنَسِ بْنسْي يَ عِ،
عِ شَ مُشُ رَكِسِ.
4عَلَ، عِ شَ مُشُ رَفبِلٍن،
عِ شَ هِننّ مُشُ رَ عَلَكٌ مُشُ شَ كِسِ سْتْ.
5مَنفّ عَلَ، عِ تٌندِ مَ عِ شَ حَمَ شَ مَشَندِ سُشُدٍ
عِ شَ شْنّ شَ قٍ رَ هَن مُن تّمُي؟
6عِ عٍ رَبَلٌمَ عٍ يَيٍ رَ،
عِ عٍ يَيٍ قِمَ عٍ مَ مِنسٍ رَ هَن مُن تّمُي؟
7عِ بَرَ لَنتَرٍيَ رَ سٌ مُشُ نُن مُشُ دْشْبٌورٍيٍ تَفِ،
عٍ يٌمَ مُشُ مَ.
8مَنفّ عَلَ، عِ شَ مُشُ رَفبِلٍن،
عِ شَ هِننّ مُشُ رَ عَلَكٌ مُشُ شَ كِسِ سْتْ.
9عِ وّنِ بِلِ ندٍ تَلَ نّ مِسِرَ نَشَن قِندِشِ عِ شَ حَمَ رَ.
عِ نَشَ سِيٍ ندٍيٍ كٍرِ يِرٍ ندٍ، عِ قَ عَ تَن سِ نَا.
10عِ تٌ نَ يِرٍ يَءِلَن عَ بّ،
عَ نَشَ عَ سَنكٍيٍ مَسْرْن، عَ بْشِ رَقٍ.
11فٍيَيٍ نَشَ لُ عَ شَ نِينِ بُن مَ،
عَ سَلٌنيِيٍ نُ شُنفبٌ عَلْ سّدِرِ وُرِيٍ.
12عَ سَلٌنيِيٍ نُ كُيَ رَ هَن عٍ بَا نُن شُرٍ دّ لِ.
13كْنْ عِ تَن بَرَ عَ شَ تّتّ كَنَ،
دَنفِ مِشِيٍ قَ عَ بٌفِ بَ.
14وُلَءِ شْسّيٍ نَا يٍفٍلٍنمَ،
بُورُنيِ سُبٍيٍ قَن بَلٌمَ عَ بٌفِيٍ رَ. مُنقٍ رَ؟
15مَنفّ عَلَ يَندِ، عِ شَ فبِلٍن قَ رَ،
عِ يَ رَفٌرٌ مُشُ مَ كٍلِ كٌورٍ،
عِ مُشُ مَتٌ، كِنِكِنِ نَ وّنِ بِلِ مَ،
16عِ نَشَن سِ عِ يّتّ بّ عِ بّلّشّ رَ.
17يَكْسِ عَ بَرَ فَن، عَ سّفّ عِ شَ شْنّ سَابُي رَ.
18عِ بّلّشّ شَ لُ عَدَ مَ شَ دِ مَ، نَشَن نَ عِ يِرٍقَنيِ مَ،
عِ نَشَن شُن نَكٍلِشِ.
19مُشُ مُ مُشُ مَكُيَمَ عِ رَ سْنْن.
عِ شَ كِسِ قِ مُشُ مَ عَلَكٌ مُشُ مَن شَ عِ بَتُ.
20مَنفّ عَلَ، عِ شَ مُشُ رَفبِلٍن،
عِ شَ هِننّ مُشُ رَ عَلَكٌ مُشُ شَ كِسِ سْتْ.