بَبِلْن شَ قٍ رَحْنيِ
1عَلَتَلَ شَ مَسٍنيِ عَمٌسِ شَ دِ عَننَبِ عٍسَيِ بّ بَبِلْن شِلِ مَ.
2وٌ تْنشُمَ رَبَ فٍيَ قَرِ،
وٌ وٌ شُي رَتٍ عٍ يَمَرِقٍ رَ،
عٍ شَ كُنتِفِيٍ شَ نَادّيٍ عِفبُسَن.
3ﭑ بَرَ يَامَرِ قِ ﭑ مَ مِشِ سُفَندِشِيٍ مَ،
ﭑ بَرَ ﭑ مَ حَلَمَيٍ شِلِ ﭑ مَ شْنّ مَسٍندٍ شُننَكٍلِ كُي.
4حَمَ شُي وُندُ مَ فٍيَيٍ قَرِ،
حَمَيٍ نَ عٍ مَلَنقٍ نَا.
مَنفّ عَلَتَلَ نَ عَ شَ سْورِيٍ شِلِقٍ فٍرٍ مَ،
5عٍ كٍلِشِ يِرٍ مَكُيٍ كٌورٍ بَانيِ.
عَلَتَلَ نُن عَ شَ مِشِيٍ قَمَ نّ يِ بْشِ حَشَنكَتَدٍ عَ شَ شْنّ كُي.
6وٌ شَ فبٍلٍفبٍلٍ تْورّ كُي،
بَرِ مَ عَلَتَلَ شَ لْشْي بَرَ مَكْرّ،
عَ نَ قَقٍ عَلْ فبَلٌي نَشَن كٍلِشِ عَلَ سّنبّمَ مَ.
7مِشِيٍ سّنبّ حْنمَ نّ،
لِمَنِيَ بَ عٍ بْحّ مَ.
8فَاشُي نُن تْورّ نْمَ نّ عٍ رَ،
عٍ عٍ كُتُن شْنّ بّ عَلْ فِنّ دِ قُرِ نَ كٍلِ عَ رَ.
فَاشُي بٍلٍبٍلٍ تٌمَ نّ عٍ يَتَفِيٍ مَ.
9عَلَتَلَ شَ لْشْي شْرْشْي نَ قَقٍ،
عَ قَمَ نّ عَ شَ شْنّ رَ نَشَن بْشِ شُن نَكَنَمَ،
نَشَن يُنُبِتْييٍ سْنتْمَ.
10تُنبُييٍ شَ يَنبّ حْنمَ نّ،
سٌفٍ عِقْورْ مَ نّ، كِكٍ مُ يَنبَمَ سْنْن.
11ﭑ دُنِحَ رَتْنمَ نّ عَ شَ قٍ حَاشِ شَ قٍ رَ،
ﭑ يُنُبِتْي حَشَنكَتَ عٍ شَ يُنُبِيٍ شَ قٍ رَ.
ﭑ يّتّ عِفبٌي شُن نَكَنَمَ نّ،
ﭑ قُنمَلَيٍ شَ نْي رَبِرَ.
12ﭑ عَدَ مَدِيٍ شُرُنمَ نّ،
عَلْ شّيمَ قَنيِ شُرُنمَ كِ نَشّ.
13ﭑ تَن مَنفّ عَلَتَلَ، ﭑ كٌورٍ نُن بْشِ رَ سّرّنمَ نّ ﭑ مَ شْنّ كُي.
14مِشِيٍ لُمَ نّ عٍ فِ رَ عَلْ بٌلٍ نَشَن نَ وُلَ عِ،
عٍ لُ عَلْ شُرُ سٍ كَنتَمَ مُ نَشَن قْشْ رَ.
عٍ فبِلٍنمَ نّ عٍ شْنيِ عٍ كٍلِشِ دّننَشّ.
15عٍ نَشٍيٍ سُشُمَ كِرَ رَ، عٍ قَمَ نّ عٍ سْشْدٍ تَنبّ رَ،
عٍ قَ قَشَدٍ سَنتِدّفّمَ رَ.
16عٍ شَ دِيٍ سْنتْمَ نّ عَ حَاشِ رَ عٍ يَ شْرِ،
عٍ شَ بَنشِيٍ كَسَرَ، عٍ شَ فِنّيٍ مَسَ عٍ يَ شْرِ.
17ﭑ نَ بِرِن نَبَمَ مٍدٍكَيٍ نَن سَابُي رَ،
فبٍتِ نُن شّيمَ مُ نَشٍيٍ مَدَشُمَ.
18عٍ شَ شَلِيٍ قٌنِكٍيٍ رَبِرَ مَ نّ،
عٍ مُ كِنِكِنِمَ دِيْرّيٍ مَ،
عٍ مُ كِنِكِنِمَ دِ مّدِيٍ مَ.
19عَلَتَلَ نَن بَبِلْن شَ قٍ شُن نَكَنَمَ،
عَلْ عَ رَبَشِ سٌدٌ مَ نُن فٌمٌرَ رَ كِ نَشّ.
بَبِلْن، نَشَن شَ نْرّ فبٌ دُنِحَ مَ،
عَ بِرَ مَ نّ عَ شَ يّتّ عِفبٌحَ كُي.
20مِشِ يٌ مُ سَبَتِمَ مّننِ سْنْن.
هَلِ بِيَاسِلَيٍ نُن شُرُ سٍ دّ مَدٌنيِيٍ مُ يٌنكِنمَ نَا.
21وُلَءِ سُبٍيٍ فبَنسَن نَن لُمَ نَا.
وُلَءِ بَرٍيٍ نُن شُندِيٍ نَن شِمَ نَا بَنشِ كَنَشِيٍ كُي.
وُلَءِ سِيٍ تٌمَ نّ نَا تُفَنقٍ رَ.
سِكْتّ تٌمَ نّ نَا عٍ تُفَنمَ.
22شُلُمَسٍيٍ نَن لُمَ عٍ شُي رَ مِنِ رَ مَنفّ بَنشِيٍ كُي،
وُلَءِ بَرٍيٍ عٍ حّرّ نَ لٌنفٌرِ بِرِن.
بَبِلْن حَشَنكَتَ تّمُي بَرَ عَ لِ،
عَ فبٍ مُ لُشِ سْنْن.