قُتِ سّرِيّ
1ﭑ وَ مَ وٌ شَ سّبّلِ يَابِقٍ. عَ قَن شّمّ بّ عَ لُقٍ عَ مُ فِنّ دْشْ، 2كْنْ يّنّ تٌ بَرَ فبٌ، عَ لَنمَ شّمّ تَن، كَنكَن شَ عَ فبٍ فِنّ سْتْ. فِنّ قَن، كَنكَن شَ عَ فبٍ مْرِ سْتْ. 3شّمّ لَنمَ عَ شَ فِنّ وَشْنقٍ رَبَ قُتِ كِ مَ. فِنّ قَن لَنمَ عَ شَ عَ شَ مْرِ وَشْنقٍ رَبَ قُتِ كِ مَ. 4فِنّ قَتٍ لُمَ عَ شَ مْرِ شَ يَامَرِ نَن بُن مَ، شّمّ قَن قَتٍ لُمَ عَ شَ فِنّ شَ يَامَرِ نَن بُن مَ. 5وٌ نَشَ تٌندِ وٌ بٌرٍ بّ، قٌ وٌ قِرِن نَلَن عَ مَ وٌ شَ عَلَ مَشَندِ تّمُي نَشّ وَشَتِدِ ندٍ بُن مَ. نَ دَنفِ شَنبِ، وٌ مَن شَ لُ يِرٍ كٍرٍن، شَ نَ مُ عَ رَ، شَ وٌ مُ قَتَ وٌ يّتّ سُشُدٍ، سٍنتَنّ قَمَ نّ وٌ رَتَنتَندٍ. 6ﭑ شَ مَرَ سِ ندٍ قِ وٌ مَ، كْنْ يَامَرِ مُ عَ رَ. 7عَ شْلِ ﭑ مَ مِشِ بِرِن شَ لُ عَلْ ﭑ تَن، كْنْ عَلَ مُ مِشِ بِرِن كِمَ كّحَ كٍرٍن. عَ عَ رَفِرِشِ ندٍ شَ نْ قٍ ندٍ رَبَدٍ، بٌورٍ قَن شَ نْ قٍ فبّتّ رَبَدٍ.
8ﭑ شَ عَ قَلَ شّمّيٍ بّ، نَشٍيٍ مُ نُ فِنّ دْشْ سِندٍن، شَ نَ مُ عَ رَ فِنّ نَشٍيٍ مُ نَ شّمّ تَا سِندٍن، شَ نَ مُ عَ رَ كَاحّ فِنّيٍ، شَ نَ مُ عَ رَ شّمّ نَشَن شَ فِنّ لَاشِرَيَشِ، عٍ قَن شَ بِرَ ﭑ مَ مِسَالِ قْشْ رَ. 9كْنْ شَ وٌ مُ نْمَ وٌ يّتّ سُشُدٍ، وٌ شَ قُتِ شِرِ. قُتِ شِرِقٍ قِسَ قَتٍ وَشْنقٍ بّ.
10ﭑ بَرَ شّمّ نُن عَ شَ فِنّ يَمَرِ، فِنّ نَشَ مّي عَ شَ مْرِ رَ. نَ يَامَرِ مُ قَتَنشِ ﭑ تَن نَ، عَ قَتَنشِ مَرِفِ نَن نَ. 11شَ عَ سَ لِ فِنّ نَشَ مّي عَ شَ مْرِ رَ، عَ شَ لُ شّمّتَرٍحَ كُي، شَ نَ مُ عَ رَ عَ شَ فبِلٍن عَ شَ مْرِ شْن مَ. شّمّ قَن نَشَ مّي عَ شَ فِنّ رَ.
12وٌ تَن نَشٍيٍ لُشِ، ﭑ بَرَ وٌ قَن نَسِ، مَرِفِ شَ يَامَرِ مُ عَ رَ. شَ عَ سَ لِ دَنشَنِيَتْي بَرَ فِنّ دَنشَنِيَتَرٍ دْشْ، نَ فِنّ قَ تِن لُدٍ عَ يِ رَ، نَ شّمّ نَشَ مّي عَ رَ. 13شَ نَ مُ عَ رَ، شَ عَ سَ لِ فِنّ بَرَ دْشْ شّمّ دَنشَنِيَتَرٍ شْن، نَ شّمّ قَ تِن نَ فِنّ رَ، نَ فِنّ نَشَ مّي عَ شَ مْرِ رَ. 14ﭑ عَ قَلَمَ قٍ نَشَن مَ، نَ فِنّ شَ مْرِ دَنشَنِيَتَرٍ نْمَ سّنِيّندٍ عَ شَ فِنّ دَنشَنِيَتْي سَابُي رَ، شَ نَ مُ عَ رَ نَ فِنّ دَنشَنِيَتَرٍ نْمَ سّنِيّندٍ عَ شَ مْرِ دَنشَنِيَتْي سَابُي رَ. شَ دَنشَنِيَتْي مّيمَ عَ شَ دٍنبَيَ رَ، عَ شَ دِيٍ مُ سّنِيّنمَ نُ، كْنْ شَ عَ لُ عَ شَ دٍنبَيَ شُن مَ، عٍ سّنِيّنمَ نّ. 15شَ دَنشَنِيَتَرٍ بَرَ مّي عَ شَ فِنّ رَ، شَ نَ مُ عَ رَ عَ شَ مْرِ رَ، عَ شَ سِفَ. شّمّ دَنشَنِيَتْي، شَ نَ مُ عَ رَ فِنّ دَنشَنِيَتْي، عَ مُ شِرِشِ مِشِ دَنشَنِيَتَرٍ مَ. عَلَ وَ مَ نّ وٌن شَ لُ بْحّسَ كُي. 16فِنّ، عِ عَ كٌلٌن شَ عِ نْمَ عَ نِيَدٍ عِ شَ مْرِ شَ كِسِ؟ شّمّ، عِ عَ كٌلٌن شَ عِ نْمَ عَ نِيَدٍ عِ شَ فِنّ شَ كِسِ؟
17كَنكَن شَ حّرّ كِرَ شْن مَ مَرِفِ عَ تِشِ نَشَن شْن. كَنكَن شَ وَلِ رَبَ مَرِفِ بّ عَ نَشَن سٌشِ عَ يِ رَ. ﭑ نَ يَامَرِ نَن مَسٍنمَ دَنشَنِيَتْي حَمَ بِرِن بّ. 18شَ عَلَ بَرَ مِشِ سُننَشِ شِلِ دَنشَنِيَ مَ، نَ كَنيِ شَ تِن عَ شَ سُننّ رَ. شَ عَلَ بَرَ سُننَتَرٍ شِلِ دَنشَنِيَ مَ، نَ كَنيِ شَ لُ عَ سُننَتَرٍيَ كُي. 19سُننَقٍ نُن سُننَتَرٍيَ، قٍقٍ مُ عَ رَ. عَلَ شَ يَامَرِ رَبَتُقٍ، نَ نَن تِدٍ فبٌ. 20كَنكَن شَ لُ عَ كّحَ، عَلْ عَلَ عَ شِلِشِ تّمُي نَشّ. 21كٌنيِ نَن نُ نَ عِ رَ، عَلَ عِ شِلِشِ تّمُي نَشّ؟ عِ نَشَ كْنتْقِلِ. شَ عِ نْمَ شْرّيَ سْتْدٍ، نَ قَن. 22هَلِ عِ مَرِفِ عَلَ عِ شِلِشِ كٌنيِيَ نَن كُي، لَسِرِ نَن عِ رَ عِ مَرِفِ عَلَ مَبِرِ. هَلِ عِ مَرِفِ عَلَ عِ شِلِشِ لَسِرِيَ نَن كُي، كٌنيِ نَن عِ رَ عَلَ شَ مِشِ سُفَندِشِ مَبِرِ. 23وٌ شُنسَرَشِ سَرٍ شْرْشْي نَن نَ. وٌ نَشَ قِندِ عَدَ مَ شَ كٌنيِيٍ رَ. 24ﭑ نفَشَكٍرٍنيِيٍ، كَنكَن شَ لُ عَ كّحَ، عَلْ عَلَ عَ شِلِشِ تّمُي نَشّ.
25مَرِفِ مُ ﭑ يَمَرِشِ فِنّدِ مّدِيٍ شَ قٍ رَ، كْنْ ﭑ وَ مَ مَرَ سِ ندٍ قِقٍ وٌ مَ، ﭑ تَن، عَلَ كِنِكِنِشِ نَشَن مَ، عَ نَشَن مَتِنشِنشِ. 26ﭑ تَن بّ، عَ قِسَ شَ فِنّدِ مّدِ مُ دْشْ شّمّ تَا سِندٍن، بَرِ مَ يِ وَشَتِ عَ شْرْشْ. 27شَ فِنّ كَنيِ نَن عِ رَ، عِ نَشَ عَ بّحِن. شَ فِنّتَرٍ نَن عِ رَ، عِ نَشَ فِنّ قٍن. 28شَ عِ فِنّ قٍنمَ، نَ مُ قِندِ مَ يُنُبِ رَ. شَ فِنّدِ مّدِ دْشْ شّمّ تَا، نَ قَن مُ قِندِ مَ يُنُبِ رَ. كْنْ مِشِ نَشٍيٍ نَ مْولِ رَبَمَ، عٍ قَمَ تْورْدٍ يِ دُنِحّءِفِرِ كُي. ﭑ وَ مَ عٍ رَتَنفَقٍ نَ تْورّ نَن مَ.
29ﭑ نفَشَكٍرٍنيِيٍ، ﭑ وَ مَ نَشَن مَسٍنقٍ وٌ بّ، وَشَتِ فبٍفبٍ مُ لُشِ سْنْن. كٍلِ يَكْسِ مَ، فِنّ نَ نَشَن يِ، عَ شَ لُ عَلْ فِنّتَرٍ. 30نَشَن نَ وَقٍ، عَ شَ لُ عَلْ عَ مُ وَقٍ. نَشَن سّيوَشِ، عَ شَ لُ عَلْ عَ مُ سّيوَشِ. نَشَن نَ سٍ سَرَقٍ، عَ شَ لُ عَلْ سٍ مُ عَ يِ. 31نَشَن نَ دُنِحَ قٍ رَوَلِقٍ، عَ شَ لُ عَلْ عَ تِدٍ مُ نَ، بَرِ مَ يِ دُنِحَ نَ حْنقٍ نّ يِ كِ. 32عَ شْلِ ﭑ مَ وٌ شَ كْنتْقِلِ بِرِن بّحِن. نَشَن مُ قُتِ شِرِشِ، عَ شَ بِرَ عَلَ شَ قٍيٍ نَن قْشْ رَ، عَلَكٌ مَرِفِ شَ حّلّشِن عَ شَ وَلِ رَ. 33كْنْ نَشَن قُتِ شِرِشِ، عَ تَن نَن بِرَ مَ دُنِحَ قٍيٍ قْشْ رَ، عَلَكٌ عَ شَ فِنّ شَ حّلّشِن عَ شَ وَلِ رَ. 34نَ تّمُي عَ نَ قٍ قِرِن نَن كُي نَ كِ. فِنّ قَن، نَشَن مُ نَ شّمّ تَا، عَ قِندِ فِنّدِ مّدِ رَ، عَ بِرَ مَ مَرِفِ شَ قٍيٍ نَن قْشْ رَ، عَلَكٌ عَ قَتٍ نُن عَ شَشِلِ شَ سّنِيّن. كْنْ نَشَن دْشْشِ شّمّ تَا، عَ تَن نَن بِرَ مَ دُنِحَ قٍيٍ نَن قْشْ رَ، عَلَكٌ عَ شَ مْرِ شَ حّلّشِن عَ شَ وَلِ رَ. 35ﭑ يِ قٍ قَلَمَ وٌ شَ مُنَقَنيِ نَن شَ قٍ رَ. ﭑ مُ عَ قَلَمَ يَنقَنتٍيَ شَ مَ. عَ شْلِ ﭑ مَ وٌ شَ لُ قٍ قَنيِ نَن كُي، وٌ شَ فبَكُ مَرِفِ مَ، كْنتْقِلِ فبّتّ يٌ نَشَ لُ وٌ مَ.
36مِشِ نَشَن بَرَ فِنّ قٍن قْلْ، عَ قَ عَ كٌلٌن عَ مُ نْمَ عَ يّتّ سُشُدٍ، عَ عَ مَحْشُنشِ نّ عَ عَ لَنمَ عَ شَ نَ فِنّ دْشْ، عَ لَنمَ عَ شَ نَ رَبَ. عَ مُ قِندِشِ يُنُبِ رَ. فِنّقٍنيِيٍ شَ قُتِ شِرِ عٍ نُن عَ شَ فِنّ تَفِ. 37كْنْ فِنّقٍنيِ نَشَن نْمَ عَ يّتّ سُشُدٍ، نَشَن بَرَ نَتّ تٌنفٌ عَ يّتّ رَ عَ نَشَ فِنّ دْشْ، نَ كَنيِ بَرَ قٍ قَنيِ رَبَ. 38نَ كُي، نَشَن فِنّدِ مّدِ قٍنشِ دْشْمَ، نَ بَرَ قٍ قَنيِ رَبَ، كْنْ نَشَن مُ عَ دْشْمَ، نَ بَرَ قٍ قَنيِ رَبَ دَنفِقٍ بٌورٍ رَ.
39فِنّ نُن عَ شَ مْرِ لُمَ عَ رَ هَن عَ شَ سِمَيَ دَنيِ نّ. كْنْ شَ عَ شَ مْرِ قَشَ، عَ نْمَ دْشْدٍ شّمّ فبّتّ شْن مَ. عَ نْمَ دْشْدٍ شّمّ شْن عَ نُ وَ نَشَن يٌ شْن، كْنْ عَ شَ قِندِ عَلَ شَ مِشِ نَن نَ. 40كْنْ ﭑ تَن بّ، عَ شَ سّيوّ شُن مَسَمَ نّ شَ عَ سَ لُ كَاحّ كُي. ﭑ لَشِ عَ رَ عَ عَلَ شَشِلِ نَ ﭑ بْحّ عِ.