ﭑ سٌمَ عَلَ شْنيِ
عَلَ مَشَندِ
1دَوُدَ شَ بّيتِ بّيتِبَيٍ شَ مَنفّ بّ شُلٍ شُي رَ
2عَلَتَلَ، عِ تُلِ مَتِ ﭑ مَ مَشَندِ رَ،
عِ شَ ﭑ مَ تْورّ كٌلٌن.
3ﭑ مَرِفِ عَلَ، عِ تُلِ مَتِ ﭑ مَ مَشَندِ رَ،
ﭑ نَ عِ تَن نَن مَشَندِقٍ.
4عَلَتَلَ، كُيٍ نّ عِبَمَ، عِ ﭑ شُي رَ مّمَ.
فّيسّفّ، ﭑ نَن ﭑ يّتّ رَفبِلٍنمَ عِ مَ، ﭑ عِ مّمّ.
5عِ مُ حّلّشِنمَ قٍ كٌبِ رَ.
قٍ حَاشِ مُ نْمَ مَكْرّدٍ عِ يِرٍ رَ.
6يّتّ عِفبٌي مُ تِمَ عِ يَ عِ.
عِ تِنشِنتَرٍيٍ بِرِن شْنشِ.
7عِ وُلٍ قَلّ رَهَلَكِمَ.
عِ قَشَتِيٍ نُن يَنقَنتٍيٍ شْنمَ.
8كْنْ ﭑ تَن سٌمَ عِ شَ بَنشِ كُي عِ شَ قٌنِسِرٍيَ سَابُي نَن نَ.
ﭑ نَن ﭑ عِفٌرٌ مَ عِ شَ هْرْ مْبَنشِ سّنِيّنشِ كُي فَاشُي رَ.
9عَلَتَلَ، ﭑ يَشُييٍ شَ قٍ رَ،
ﭑ شُن تِ عِ شَ تِنشِنيِ رَ،
عِ شَ كِرَ يَءِلَن ﭑ يَ رَ.
10نْندِ مُ نَ ﭑ يَشُييٍ شَ مَسٍنيِ سٍسٍ كُي.
عٍ يُفٍ مُ قَن.
عٍ شَ وْيّنيِ مِشِ رَقِلِمَ نّ،
بَرِ مَ عٍ دّ عِحْشُن.
11عَلَ، عٍ حَشَنكَتَ.
عٍ شَ يَنقّ شَ فبِلٍن عٍ مَ.
عٍ كٍرِ عٍ شَ قٍ كٌبِ مَ،
بَرِ مَ عٍ بَرَ عِ مَتَندِ.
12كْنْ مِشِ نَشَن بِرِن عَ يّتّ تَشُمَ عِ رَ،
عٍ بِرِن شَ سّيوَ،
عٍ شَ حّلّشِنيِ نَشَ حْن عَبَدَن.
عِ شِلِ رَقَنشِ مِشِ نَشٍيٍ مَ، عٍ مَكَنتَ،
عٍ شَ سّيوَ عِ شَ قٍ رَ،
13بَرِ مَ عِ تَن عَلَتَلَ، عِ بَرَكّ سَمَ مِشِ تِنشِنشِ شَ قٍ.
عِ شَ هِننّ نَشَن عٍ رَبِلِنشِ،
عَ بَرَ قِندِ عٍ شَ كَنتَرِ رَ.