حَشَنكَتّ بْنسْي مُرُتّلَ بّ
1عَلَتَلَ شَ مَسٍنيِ نَن يَ،
«حَشَنكَتّ نَ بْنسْي مُرُتّلَ بّ.
عٍ نَتّيٍ تٌنفٌمَ، نَشٍيٍ مُ كٍلِشِ ﭑ تَن مَ.
عٍ سَاتّيٍ شِرِ مَ، ﭑ شَشِلِ مُ عٍ يَمَرِشِ نَشٍيٍ رَ.
نَ كُي عٍ يُنُبِ شُن مَسَمَ تُن.
2عٍ سِفَمَ مِسِرَ، عٍ عٍ يّتّ تَشُ مّننِ مَنفّ رَ.
عٍ وَ مَ لُقٍ عَ شَ كَنتّ بُن مَ.
عٍ نَ بِرِن نَبَ ﭑ تَن شَنبِ.
3مِسِرَ مَنفّ شَ كَنتّ قِندِ مَ يَافِ نَن نَ وٌ بّ،
لُقٍ عَ شَ نِينِ بُن مَ نَ وٌ تْورْ مَ نّ تُن.
4هَلِ وٌ كُنتِفِيٍ شّي سٌوَن نُن شَنّسِ مِسِرَ بْشِ مَ،
5عٍ بِرِن قَمَ لُدٍ يَافِ نَن كُي نَ حَمَ شَ قٍ رَ نَشَن مُ عٍ مَلِمَ.
عٍ مُ وٌ دّ مّنمَ، عٍ وٌ رَيَافِمَ تُن.»
6حَشَنكَتّ نَ نٍفٍوِ فبٍنفبٍرٍنيِ سُبٍيٍ بّ.
عٍ بْشِ شْرْشْي نَن عِفِرِ مَ يّتّيٍ نُن بْشِمَسٍيٍ نَ دّننَشّ،
عٍ شَ بَننَيَ شَنِنقٍ رَ سٌقَلٍيٍ نُن حْشْمّيٍ قَرِ حَمَ شْن مَ،
نَشَن مُ قَتَ عٍ مَلِدٍ قٍقٍ مَ.
7مِسِرَ شَ مَلِ قِندِ مَ قٍ قُقَقُ نَن تُن نَ!
نَ نَن عَ رَ، ﭑ نَشَ يِ شِلِ سَ عَ شُن مَ؛ تُرُننَادّ تَفَنشِ.
8يِ قٍ سّبّ وَلَشّ مَ عٍ بّ،
عَ سّبّ بُكِ مَ عَلَكٌ عَ شَ قِندِ سٍيدٍ رَ عَبَدَن.
9حَمَ مُرُتّلَ نَن عَ رَ، نَشَن عَ بٌورٍيٍ مَدَشُمَ،
نَشَن مُ وَ مَ عَ تُلِ مَتِقٍ عَلَتَلَ شَ سّرِيّ رَ.
10عٍ عَ قَلَمَ سٍمَتٌي بّ، «وٌ نَشَ لَامَتُنيِيٍ تٌ.»
عٍ عَ قَلَمَ نَمِحْنمّيٍ بّ، «وٌ نَشَ مَسٍنيِ تِنشِنشِ تِ.»
عٍ نَشّ، «وٌ شَ مَسٍنيِ حْشُنمّيٍ تِ،
وٌ شَ وْيّن قَنيِ قَلَ، هَلِ نْندِ مُ عَ رَ.
11وٌ شَ كٍلِ يِ كِرَ شْن مَ،
وٌ شَ عِسِرَيِلَ شَ سّنِيّنتْي مَسٍنيِ لُ نَا.»
12عِسِرَيِلَ شَ سّنِيّنتْي شَ يَابِ نَن يَ،
«وٌ تٌ تٌندِ يِ مَسٍنيِ رَ،
وٌ قَ لَ تْورّ نُن مَدَشُي رَ،
13يِ يُنُبِ لُمَ نّ وٌ بّ عَلْ تّتّ كَنَشِ،
نَشَن بِرَ مَ تّرّننَ رَ.
14عَ كَنَمَ نّ عَلْ قّحّ كَنَشِ،
هَلِ تّ كْ سٍ، شَ نَ مُ عَ رَ يٍ بَسٍ مُ مِنِ عَ كُي.»
15مَرِفِ عَلَ نَشَن قِندِشِ عِسِرَيِلَ سّنِيّنتْي رَ، عَ شَ مَسٍنيِ نَن يَ؛
«شَ وٌ فبِلٍن ﭑ مَ، وٌ قَ وٌ رَشَرَ،
ﭑ وٌ رَكِسِمَ نّ.
شَ وٌ دْشْ، وٌ قَ وٌ تَشُ ﭑ نَ،
ﭑ سّنبّ قِمَ نّ وٌ مَ.
كْنْ وٌ مُ تِن نَ رَ.
16وٌ نَشّ، ‹عَدٍ، مُشُ تَن مُشُ فِمَ سٌييٍ نَن قَرِ.›
عَوَ يِرٍ، وٌ قَمَ فِدٍ.
وٌ نَشّ، ‹مُشُ تَن مُشُ فِمَ سٌي شُلُنشِيٍ نَن قَرِ.›
عَوَ يِرٍ، كْنْ وٌ كٍرِ مَيٍ شُلُن وٌ بّ.
17وٌ وُلُ كٍرٍن، وٌ فِمَ نّ وٌ يَشُي كٍرٍن يَ رَ.
شَ يَشُي سُولِ نَ عَ رَ، وٌ بِرِن وٌ فِمَ نّ،
وٌ قَ لُ عَلْ فٍيَ وُرِ كٍرٍن فبَنسَن تِشِ نَشَن قَرِ.»
18كْنْ نَ كُي عَلَتَلَ نَ مَمّ تِقٍ عَلَكٌ عَ شَ هِننّ وٌ رَ.
عَ قَمَ نّ كٍلِدٍ، عَ كِنِكِنِ وٌ مَ،
بَرِ مَ عَلَتَلَ تِنشِن.
سّيوّ نَ مِشِ بّ، نَشَن عَ شَشِلِ تِشِ عَ رَ.
19سِيٌنِكَيٍ، وٌ تَن نَشٍيٍ سَبَتِشِ دَرِ سَلَمُ،
وٌ مُ يَيٍ رَ مِنِمَ سْنْن.
وٌ نَ عَ شِلِ، عَ هِننّمَ نّ وٌ رَ،
عَ نَ وٌ شُي مّ، عَ وٌ يَابِمَ نّ كٍرٍن نَ.
20هَلِ وٌ مَرِفِ عَ نِيَ وٌ شَ لُ قٍ شْرْشْي كُي،
وٌ كَرَ مْشْييٍ مُ عٍ نْشُنمَ وٌ مَ سْنْن،
وٌ قَمَ نّ عٍ تٌدٍ وٌ يَيٍ رَ.
21وٌ نَ سِفَ يِرٍقَنيِ مَ، وٌ نَ سِفَ كْولَ مَ،
وٌ قَمَ نّ مَسٍنيِ مّدٍ وٌ شَنبِ رَ نَشَن عَ قَلَمَ وٌ بّ،
«كِرَ قَنيِ نَن يَ، وٌ شَ وٌ حّرّ عَ شْن مَ.»
22نَ كُي وٌ شَ كُيٍ نَشٍيٍ يَءِلَنشِ فبٍتِ نُن شّيمَ رَ،
وٌ قَمَ نّ نٍيٍ وٌلِدٍ عَلْ سٍ سّنِيّنتَرٍيٍ،
وٌ قَ عَ قَلَ، «وٌ كٍلِ بٍ!»
23نَ تّمُي عَلَتَلَ تُنّ رَقَمَ نّ وٌ شَ سَنسِيٍ مَ،
وٌ شَ بْشِ دَشَمُي فبٌمَ نّ.
نَ تّمُي وٌ شَ شُرُ سٍيٍ سِفَمَ نّ عٍ دّ مَدٌندٍ قِيلِ شُنفبٍيٍ مَ.
24نِنفٍ نُن سٌقَلٍ نَشٍيٍ شّ بُشَمَ،
عٍ قَمَ سٍ قَنيِ نَن دٌندٍ نَشَن نَقَلَشِ عٍ بّ.
25شُرٍيٍ وُيَمَ نّ وٌ شَ فٍيَيٍ قَرِ.
نَ تّمُي قَشّ شُنفبٍ نَن تِمَ،
يِرٍ سّنبّمَ عِتٍشِيٍ رَبِرَ مَ نّ.
26عَلَتَلَ قَمَ نّ عَ شَ حَمَ شَ مَشْنّيٍ نُن قِيٍ رَيَلَندٍ.
نَ لْشْي كِكٍ يَنبَمَ نّ عَلْ سٌفٍ،
سٌفٍ شَ يَنبّ قَن شُن مَسَمَ نّ دْشْ سٌلٌقٍرٍ.
27عَلَتَلَ نَ قَقٍ كٍلِقٍ يِرٍ مَكُيٍ،
عَ شْنْشِ عَ شْرْشْي رَ، عَ قَمَ نّ تُورِ بٍلٍبٍلٍ كُي.
تّ مِنِمَ نّ عَ كّرّ كُي شْنّ شَ قٍ رَ.
28عَ حّنفِ لُشِ نّ عَلْ بَنبَرَنيِ نَشَن تٍمَ هَن مِشِ كْنيِ.
عَ حَمَنّيٍ سُشُمَ نّ،
عَ كَرَقٌي سَ عٍ مَ، عَ سٍ ندٍ رَ سٌ عٍ بَنفَنيِيٍ رَ،
عَ عٍ شَنِن يِرٍ عٍ مُ وَ مَ سِفَقٍ دّننَشّ.
29كْنْ وٌ تَن بّيتِ بَمَ نّ نَ لْشْي عَلْ سَلِ تّمُي،
وٌ بْحّيٍ سّيوَ مَ نّ عَلْ مِشِ نَشٍيٍ شُلٍ قٍمَ سِفَقٍ رَ عَلَتَلَ شَ فٍيَ قَرِ،
عَلَتَلَ نَشَن لُشِ عَلْ قَنيٍ عِسِرَيِلَ بّ.
30عَلَتَلَ عَ شُي شَاحّ رَ مِنِمَ نّ،
عَ عَ سّنبّ مَسٍنمَ نّ شْنّ بٍلٍبٍلٍ نُن تّ كَسَرّ رَ.
عَ قَمَ نّ سٍسَرِنيِ، فَلَنيِ، تُنّ شُنفبٍ، تُرُننَادّ، نُن بَلَبَلَنيِ رَ.
31عَلَتَلَ شُي قَمَ نّ عَسِرِيَكَيٍ بُتُشُندٍ،
عَ عٍ رَبِرَ عَ شَ مَنفّيَ رَ.
32عَ نَ عٍ بْنبْ وُرِ شْرْشْي رَ تّمُي نَشّ،
عَ شَ حَمَ بّيتِ بَمَ نّ مَشَسٍيٍ نُن كْرَيٍ شُي رَ.
33تّ يِرٍ بَرَ يَءِلَن مَنفّ شِلِ مَ عَ رَكُيَ.
عَ تِلِن، عَ عِفبٌ.
يٍفٍ فبٍفبٍ مَلَنشِ نَ تّ بٍلٍبٍلٍ شَ قٍ رَ.
عَلَتَلَ حّنفِ لُشِ نّ عَلْ تّ حَاشِ نَشَن فَنمَ عَ قَنيِ رَ.