كٌنيِيَ سّرِيّ
عَ نُن قَشّ نُن مَشْنّ حْشْي
1عِ شَ يِ يَامَرِيٍ مَسٍن عِسِرَيِلَكَيٍ بّ. 2شَ وٌ كٌنيِ سَرَ نَشَن قِندِ عِسِرَيِلَكَ رَ، عَ شَ وَلِ وٌ بّ حّ سٍننِ، كْنْ عَ سٌلٌقٍرٍ ندٍ وٌ شَ عَ بّحِن بَرِ مَ عَ شُنسَرٍ بَرَ حْن. 3شَ عَ سَ لِ وٌ نُ بَرَ نَ كٌنيِ نُن عَ شَ فِنّ سَرَ، وٌ شَ عٍ قِرِن بِرِن بّحِن حّ سٌلٌقٍرٍ ندٍ. 4شَ كٌنيِ كَنيِ نَن فِنّ سٌ عَ شَ كٌنيِ يِ رَ، عَ قَ دِ بَرِ، نَ فِنّ نُن عَ شَ دِيٍ لُمَ كٌنيِ كَنيِ يِ رَ. شّمّ فبَنسَن نَن بّحِنمَ. 5شَ نَ كٌنيِ قَ عَ قَلَ، «ﭑ مَرِفِ، ﭑ مَ فِنّ، نُن ﭑ مَ دِيٍ رَقَن ﭑ مَ، ﭑ مُ وَ مَ شْرّيَقٍ،» 6عَ مَرِفِ شَ عَ دّنتّفّ عَلَ بّ. نَ تّمُي عَ شَ عَ تُلِ تُنبَ سْشْمّ رَ نَادّ وُرِ مَ. نَ نَن عَ مَسٍنمَ نَ كٌنيِ بَرَ لُ عَ مَرِفِ شَ يَامَرِ بُن مَ عَ شَ دُنِحّءِفِرِ بِرِن كُي.
7شّمّ نَ عَ شَ دِ فِنّ مَتِ كٌنيِ رَ، فِنّ شْرّيَ كِ مُ لُمَ عَلْ شّمّ شْرّيَ كِ. 8شَ نَ فِنّ مُ رَقَن عَ مَرِفِ مَ، نَشَن نُ وَ مَ عَ قِندِقٍ عَ شَ فِنّ رَ، عَ لَنمَ عَ شَ لُ عَ شُن شَ سَرَ. عَ مُ دَشَ عَ شَ عَ مَتِ مِشِ فبّتّ مَ، بَرِ مَ عَ بَرَ مّي عَ رَ. 9شَ عَ وَ مَ عَ قِقٍ عَ شَ دِ مَ فِنّ رَ، عَ لَنمَ عَ شَ عَ سُشُ عَلْ عَ شَ دِ فِنّ يَتِ. 10شَ عَ سَ فِنّ فبّتّ تٌنفٌ، عَ نَشَ سٍسٍ بَ عَ شَ فِنّ سِنفٍ شَ دٌنسٍ، عَ شَ سٌسٍيٍ، نُن عَ شَ سْلّ رَ. 11شَ عَ مُ نَ قٍ سَشَنيِيٍ رَكَمَلِ عَ بّ، فِنّ نْمَ كٍلِدٍ عَ شْن مَ، عَ مُ سٍسٍ قِ.
12نَشَن نَ مِشِ بْنبْ هَن عَ نَشَ قَشَ، نَ كَنيِ لَن عَ قَن شَ قَشَ. 13كْنْ شَ عَ مُ عَ قَشَقٍ حَنِفٍشِ، عَلَ نَن تُن عَ رَفِرِشِ، عَ شَ عَ شُن تَشُ يِرٍ ندٍ ﭑ دّننَشّ مَسٍنمَ وٌ بّ. 14كْنْ شَ عَ نُ عَ قَشَقٍ حَنِفٍشِ نّ كْوتَ ندٍ رَ، نَ كَنيِ مُ نْمَ عَ شُن تَشُدٍ ﭑ مَ سّرّشّبَدٍ رَ. وٌ شَ عَ قَشَ.
15نَشَن نَ عَ نفَ، شَ نَ مُ عَ بَبَ بْنبْ، نَ لَن نّ عَ شَ قَشَ.
16نَشَن نَ عَدَ مَدِ سُشُ، عَ شَ عَ مَتِ، نَ كَنيِ شَ قَشَ هَلِ عَ مُ فّشِ نَ عَدَ مَدِ مَتِدٍ.
17نَشَن نَ عَ نفَ، شَ نَ مُ عَ بَبَ دَنكَ، نَ كَنيِ لَن نّ عَ شَ قَشَ.
18نَشَن نَ مِشِ مَشْنْ فٍرٍ كُي، نَ كَنيِ مُ سُشُمَ شَ مِشِ مَشْنْشِ مُ قَشَشِ، 19شَ عَ نْمَ كٍلِدٍ عَ شَ سَدٍ مَ، عَ حّرّ عَ شَ يِسُشُوُرِ رَ. كْنْ مَشْنّ تِ تَن لَنمَ عَ شَ كْبِرِ بَ نَ مِشِ مَشْنْشِ بّ هَن عَ فّمَ يَلَندٍ تّمُي نَشّ.
20نَشَن نَ عَ شَ كٌنيِ قَشَ بْنبْ وُرِ رَ، عَ لَنمَ نّ نَ كَنيِ شَ حَشَنكَتَ. 21كْنْ شَ نَ كٌنيِ سَ يَلَن بٍينُ شِ قِرِن، عَ مُ لَنمَ كٌنيِ كَنيِ شَ حَشَنكَتَ، بَرِ مَ نَ كٌنيِ قِندِشِ عَ فبٍ نَن نَ.
22مِشِ نَشٍيٍ بْنبْمَ قُرِ فِنّ ندٍ رَ، عٍ شَ فٍرٍ كُي، نَ قَ عَ نِيَ فِنّ شَ دِ بَرِ عَ وَشَتِ مُ عَ لِشِ، كْنْ عَ مُ قٍ كَنَ عَ مَ، نَ فٍرٍ سٌييٍ شَ كْبِرِ ندٍ بَ فِنّ بّ. فِنّ شَ مْرِ نُن كِيتِسَ شَ نَتّ تٌنفٌ كْبِرِ شَسَبِ نَشَن بَمَ. 23كْنْ شَ عَ سَ قِندِ فبَلٌي رَ، نِي حْشْي نَ نِي نَن نَ، 24يَ حْشْي نَ يَ نَن نَ، حِنيِ حْشْي نَ حِنيِ نَن نَ، بّلّشّ حْشْي نَ بّلّشّ نَن نَ، سَنيِ حْشْي نَ سَنيِ نَن نَ، 25فَنيِ حْشْي نَ فَنيِ نَن نَ، شَبّ حْشْي نَ شَبّ نَن نَ، مَشْنّ حْشْي نَ مَشْنّ نَن نَ.
26نَشَن نَ عَ شَ كٌنيِ بْنبْ هَن عَ يَ نَشَ كَنَ، عَ لَنمَ عَ شَ عَ شَ كٌنيِ شْرّيَ عَ شَ يَ كَنّ حْشْي رَ. 27نَشَن نَ عَ شَ كٌنيِ حِنيِ فِرَ، نَ كَنيِ لَنمَ عَ شَ عَ شَ كٌنيِ شْرّيَ عَ شَ حِنيِ فِرّ حْشْي رَ.
28تُورَ نَشَن نَ مِشِ قَشَ، عَ لَنمَ نَ تُورَ شَ مَفْنْ هَن عَ قَشَ. عَ سُبٍ نَشَ دٌن. تُورَ كَنيِ مُ حَشَنكَتّ يٌ سْتْمَ نَ كُي. 29كْنْ شَ نَ تُورَ دَرِشِ نَ مْولِ رَبَ رَ، عَ كَنيِ عَ كٌلٌن كْنْ عَ مُ عَ شِرِ مَ عَ قَنيِ رَ، نَ كَنيِ يٌ، عَ شَ تُورَ يٌ، عٍ بِرِن شَ مَفْنْ هَن عٍ شَ قَشَ. 30كِيتِسَ نْمَ نَتّ تٌنفٌدٍ نَ تُورَ كَنيِ شُن سَرَ مَ نَشَن نَ. 31نَ سّرِيّ كٍرٍن نَن نَوَلِمَ هَلِ تُورَ سَ دِ مّدِ نَن قَشَ. 32شَ عَ سَ لِ تُورَ قَ مِشِ فبّتّ شَ كٌنيِ ندٍ قَشَ، فبٍتِ كٌلٍ تٌنفٌ سَشَن نَن قِمَ نَ كٌنيِ مَرِفِ مَ. نَ تُورَ شَ مَفْنْ هَن عَ قَشَ.
33نَشَن نَ يِلِ فٍ، عَ لُ عِ مُ عَ دّ رَكٌتٌمَ، شَ عَ سَ لِ نِنفٍ شَ نَ مُ عَ رَ سٌقَلٍ ندٍ سَ سِن نَ يِلِ كُي، 34عَ لَنمَ نَ كَنيِ شَ نَ شُرُ سٍ سَرٍ قِ، شُرُ سٍ قَشَشِ شَ لُ عَ بّ.
35نَشَن مَ تُورَ نَ سَ عَ بٌورٍ فبٍ قَشَ، نَ تُورَ بَلٌشِ شَ مَتِ، نَ سَرٍ نُن نَ تُورَ قَشَشِ شَ عِتَشُن عٍ بٌورٍ تَفِ. 36كْنْ شَ عَ سَ عَ لِ، نَ تُورَ دَرِشِ نَ مْولِ رَبَ رَ، عَ كَنيِ عَ كٌلٌن كْنْ عَ مُ عَ شِرِ مَ عَ قَنيِ رَ، عَ لَنمَ تُورَ بَلٌشِ كَنيِ شَ عَ فبٍ قِ تُورَ قَشَشِ كَنيِ مَ، تُورَ قَشَشِ شَ لُ عَ تَن بّ.
37نَشَن نَ تُورَ شَ نَ مُ عَ رَ يّشّي مُحَ، عَ سَ عَ مَتِ، شَ نَ مُ عَ رَ، عَ قَشَ، عَ لَنمَ نَ كَنيِ شَ تُورَ سُولِ رَفبِلٍن نَ تُورَ كٍرٍن حْشْي رَ، شَ نَ مُ، يّشّي نَانِ نَ يّشّي كٍرٍن حْشْي رَ.